مميزات وعيوب موديل 94 و 95

**mina4511776** · 18-08-2012 06:57 PM

يا جماعة انا عايز اشتري اوبل 94 او 95 و عايز اعرف من الاعضاء عيوب و مميزات كل موديل فيهم وتقريبا سعرهم كام و هل الموديلين افضل من الكوري (الدايو و هيونداي) و شكرا

**mina4511776** · 18-08-2012 08:15 PM

ياريت حد يفيدني يا جماعة

**hany_fekry** · 18-08-2012 11:04 PM

هى بصراحة عربية احسن من الدايو والهيونداى فى الثبات على الطريق وعربية جامدة

**tananybasha** · 18-08-2012 11:54 PM

94 هى 95
بس 1600
ولا 2000
عربيات حلوه
بشرط الحاله
و تكون عارف كويس الصنايعى اللى هيشتغل فيها
تكييفها كويس على ابوه مش ملعوب فيه
الا لو متغير السيستم كله
عربيات تقيله فى طلعتها
و ممكن تقفل عداد بعد ال 60
قطع غيارها موجود و معظمها مشترك مع اللانوس

و للمرة المليون
اشترى حاله
متشتريش ماركه

**alnmr79** · 19-08-2012 09:45 PM

فيكترا ايه لحد 96 والبى من اول 96 الى 2003 فى مصر.
وبالنسبه للمواصفات والموديلات هتلاقى تقارير كتيرة فى المنتدى عن العيوب واللميزات.
بس الخلاصة لو عايز عربية مريحة وبتاعة سفر وقوة الفيكترا ممتازة بالنسبة لسعرها والكورى واليابانى افضل بالنسبة للمشاوير القصيرة داخل البلد.

**faroukzen** · 22-08-2012 12:50 AM

هى الفيكترا a موديل 1995 ينفع يتركبلها قطع غيار الانوس

**احمد فهمى** · 25-08-2012 01:47 PM

فيكترا a نفس الشكل الى ١٩٩٦ مفيس اختلاف بس الاختلاف الوحيد فى ١٩٩٦ فى موديل نزل فى ال٢٠٠٠ سي سي اسمو لاكشري وكان فى فرش جلد اصلى وابانوس وجنوط اصلى وفوانيس سموك خلفى ولو عايز عربيه بسعر رخيص وافضل من الكوري وتستخدم داخل وخارج البلد عادى تجيب فيكترا a 1600 حاله جيده ودى بيركبلها قطع غيار مشتركه مع دايو زى علبة الدركسيون مع انى مش مقتنع بموضوع البايل لأن قطع غيارها اصلاً ارخص من الانوسي يعنى فانوس الانوس الاصلى كوري ب٣٨٠ جنيه والاصلى بتاع فيكترا a المانى فى ال٢٠٠ جنيه وطبعاً متانة الاوبل وعلمية الصالون وتوزيع المفاتيح والعدادات ملهاش علاقه بالانوس وكما وضح طنانى باشا الحاله هى المقياس يعنى مشتريش اوبل مقلوبه وضفيرتها متلحمه واقول ان اوبل وحشه لا دور على حاله وان شاء الله هتلاقى وهى بسيطه جداً واقل تكنولوجيا من فيكترا b وعفشتها افضل فى المطبات من الفيكترا b مع انها اقدم بس ده الواقع