السلام عليكم ورحمة الله وبركاته
انا معايا دايو لانوس 1

امبارح وانا ماشي بعد ما قربت للبيت سمعت صوت طقطقة عالية قوي كل ما ادوس على البنزين تزيد بشكل مرعب وقفت بالعربية لقيت سير التكييف فيه جزء مقطوع ومع الدوران عمال يخبط في كل حتة العلب الصاج وكده انا لسه شاري العربية وكنت ناوي اعمل السيرفرس والصيانة الدورية فقولت بالمرة جبت السييور والبوجيهات وكل ما يلزم للصيانة ورحت للميكانيكي

بعد الميكانيكي ما ظبط الدنيا والعربية فاقت جدا بشغل التكييف لقيته مش شغال اصلا رحت لواحد بتاع تكييف لحقته قبل ما يقفل بص على الفريون وقالي كله تمام بس الكمبروسر قاطع المهم نزل تحت العربية وبعدها قالي دي شغلانة ولازم تجيلي بعد العيد لان الكالاتش قاطع انا معرفش ايه هو الكلاتش وايه اللي حصل للتكييف مع انه كان شغال قبل ما موضوع السير ده وطبعا النهاردة الوقفة فالعملية وقفت وانا كنت مسافر الغردقة تاني يوم العيد !

انا بس عايز اعرف كده العملية فيها ايه وبيقولي ان الموضوع قصة كبيرة فيا ترى ممكن تكلفتها تبقى كام ؟