تجربتى : صيانة الـــ 1000 بومة 2012 فى بارقان بنى سويف
السلام عليكم ورحمة الله وبركاته
فقط اردت ان اشاركم تجربتى فى بارقان إنترناشيونال بنى سويف
طبعا إتصلت بــ Diamond Motors قبليها بــ 72 ساعة علشان احجز فحجزت :
1 - صيانة الـــ 1000 كيلو
2 - فحص الكاسيت ( طبعا حدث ولا حرج عن هذا الكاسيت العجيب )
بالفعل رحت فى قبل معادى بحوالى ساعة ونصف قابلت المهندس اللى كلمة محترم قليلة عليه ( مهندس احمد على ) وكان حريص جدا على الدور والانضباط فى مكان الصيانة
العربية دخلت فعلا الساعة 9 ص وإترفعت على الونش وبدأت اعمال الصيانة التى تخص عفشة السيارة من تربيط وضبط زوايا وبعدها ترصيص
ثم قاموا بتغيير الزييت والفلتر وانا أتابع من خلف الزجاج الموضوع أخذ تقريبا 25 دقيقة
التكلفة
طبعا مفيش مصنعية لان صيانة الالف مجانا .. بس طبعا كان فيه TiP للفنى اللى عمل الصيانة
54 جنيها فلتر الزيت
266 جنيها ثمن الزيت وهو بالمناسبة ToTal 9000 | 1000 Km
المهندس قالى لللاسف مينفعش اغير الكاسيت إلا بعد إذن المركز الرئيسى وقلت لنفسى متغلس على الراجل السكر ده وقلت مفيش مشكلة, المهندس قام واخد الــ VIN كود وبعت الايميل قدامى وقالى هتصل بيك هعملك تأكيد ان الشركة اخذت علم والموافقة خلال 48 ساعة ..
سبت المكان وإتصل بيا فى نفس اليوم بيأكدلى ان الايميل وصل وان الشركة هترد عليه وعليا على الايميل اللى انا إديتهوله ...
ديه كانت تجربتى :3_3_102[1]::hug3:
