افيدوني افادكم الله :: عيوب و مميزات 307sw

**Boory** · 18-08-2012 11:37 PM

السلام عليكم ورحمة الله وبركاته
اولا كل سنة وانتم طيبين
ثانيا :
كنت باسال عن البيجو 307 sw المستعملة موديل 2005 :2008
وياريت المميزات والعيوب وهل تنصحوا بيها ولا لأ واسعارها ايه
ارجوا الرد سريعا
وشكرا

**Boory** · 23-08-2012 08:53 AM

ايه في ايه يا جماعة
ماحدش عارف عن العربية دي حاجة ولا ايه ؟؟؟
51 مشاهدة ومفيش ولا مشاركة واحدة حتى
فين الناس
....

**venzo** · 24-08-2012 03:07 PM

نصيحه ابعد عن ال307 ...عايز تجيب 308 انما 307 لا وسيبك من اللي هيقولك اكشف عليها ولو كويسه انت ممكن تكشف عليها وبكره تجيب دينامو ولا فتيس اعطالها بتيجي لواحدها وبدون سابق انذار

**Ahmed Amin** · 01-09-2012 02:19 PM

المشاركة الأصلية كتبت بواسطة venzo

نصيحه ابعد عن ال307 ...عايز تجيب 308 انما 307 لا وسيبك من اللي هيقولك اكشف عليها ولو كويسه انت ممكن تكشف عليها وبكره تجيب دينامو ولا فتيس اعطالها بتيجي لواحدها وبدون سابق انذار

ما شاء الله عليك.!! دا علي اساس ان ال ٣٠٨ مفهاش مشاكل زي ال depollution system failure
وطبعاً مهياش مشكلة عامة في كل العربيات. زي ما ال ٣٠٧ مش كله وحش ولا اعطالها بتيجي لوحدها.
العربية لو انت بتهنها ومش بتعملها صيانتها هتعمل فيك كدا واكتر من كدا.
لكن لو اتعمل لها صيانتها في اوقاتها او لما تطلب مش هتقصر معاك.

وكدا كدا اي عربية عدي علي موديلها ٥ سنوات فاكثر أكيد هيكون العمر الافتراضي لبعض القطع انتهي وهتحتاج لتغغير حتي السوائل وكاوتش العربية وقواعد الفتيس الكاوتش من درجة الحرارة ووقت التشغيل.
ولو اتغيرت والعربية اتعملها الصيانة المطلوبة هتكون في احسن ما تكون كاي عربية جديدة.

تقبل تحياتي.

**Ahmed Amin** · 01-09-2012 02:26 PM

المشاركة الأصلية كتبت بواسطة boory

السلام عليكم ورحمة الله وبركاته
اولا كل سنة وانتم طيبين
ثانيا :
كنت باسال عن البيجو 307 sw المستعملة موديل 2005 :2008
وياريت المميزات والعيوب وهل تنصحوا بيها ولا لأ واسعارها ايه
ارجوا الرد سريعا
وشكرا

بالنسبة لل ٣٠٧ لو وفي امكانك تجيب موديل ٢٠٠٨ هوا افضل من موديل من ناحية قلة المشاكل او انعدامها
لحد مودبل ٢٠٠٧ كان في مشاكل نتشة في الفتيس وعلاجها كان بتغير زيت وبلوف مع صيانة ال ٦٠
وموديل ٢٠٠٨ ممكن يكون اغلي شوية بس هتلاقي منه عامل كيلو متر اقل فهيكون احسن ليك من عربية عاملة كيلو متر عالي كانت هتحتاج صيانة اكتر مع الوقت عن عربية لسه ممشيتش كتير.
وبالنسبة للاسعار ممكن تبص علي كونتاكت كارز علي رينج الأسعر وتشوف اللي موجود في السوق مقارنة بيه.

ونصيحتي ليك لو عايز تجيب ٣٠٧ تدور عالي عاملة كيلو متر قليل في موديل ٢٠٠٨ الاول بعد كدا ٢٠٠٧.
الموديلات الاقدم علي ما اسمع كان فيها مشاكل اكتر وهتكون ماشية كتير عاملة كيلو متر عالي وهتخسر تاني من سعرها لو حبيت تبيع تاني عن موديلات ٢٠٠٧ و ٢٠٠٨ اللي هوا الشكل الجديد.

وربنا يوفقك في الاختيار.

**mxz911** · 10-10-2012 05:38 PM

كنت لسه بفكر فى بيجو 307 موديل 2007 اوتوماتيك .. غيرت رأى خلاص

**mkmaly** · 14-10-2012 05:23 AM

يا نهار اسود انا لسه كنت رايح اخلص فى واحده عشان اعيد بيها الحمدالله ان ربنا هدانى ليكم الى معاه العربيه دى ربنا يصلحلوا حالها ويباركلوا فيها ويقلل من اعطالها الدنيا مش ناقصه مصاريف