السلام عليكم ورحمة الله وبركاته
اولا كل سنة وانتم طيبين
ثانيا :
كنت باسال عن البيجو 307 sw المستعملة موديل 2005 :2008
وياريت المميزات والعيوب وهل تنصحوا بيها ولا لأ واسعارها ايه
ارجوا الرد سريعا
وشكرا
عرض للطباعة
السلام عليكم ورحمة الله وبركاته
اولا كل سنة وانتم طيبين
ثانيا :
كنت باسال عن البيجو 307 sw المستعملة موديل 2005 :2008
وياريت المميزات والعيوب وهل تنصحوا بيها ولا لأ واسعارها ايه
ارجوا الرد سريعا
وشكرا
ايه في ايه يا جماعة
ماحدش عارف عن العربية دي حاجة ولا ايه ؟؟؟
51 مشاهدة ومفيش ولا مشاركة واحدة حتى
فين الناس
....
نصيحه ابعد عن ال307 ...عايز تجيب 308 انما 307 لا وسيبك من اللي هيقولك اكشف عليها ولو كويسه انت ممكن تكشف عليها وبكره تجيب دينامو ولا فتيس اعطالها بتيجي لواحدها وبدون سابق انذار
ما شاء الله عليك.!! دا علي اساس ان ال ٣٠٨ مفهاش مشاكل زي ال depollution system failure
وطبعاً مهياش مشكلة عامة في كل العربيات. زي ما ال ٣٠٧ مش كله وحش ولا اعطالها بتيجي لوحدها.
العربية لو انت بتهنها ومش بتعملها صيانتها هتعمل فيك كدا واكتر من كدا.
لكن لو اتعمل لها صيانتها في اوقاتها او لما تطلب مش هتقصر معاك.
وكدا كدا اي عربية عدي علي موديلها ٥ سنوات فاكثر أكيد هيكون العمر الافتراضي لبعض القطع انتهي وهتحتاج لتغغير حتي السوائل وكاوتش العربية وقواعد الفتيس الكاوتش من درجة الحرارة ووقت التشغيل.
ولو اتغيرت والعربية اتعملها الصيانة المطلوبة هتكون في احسن ما تكون كاي عربية جديدة.
تقبل تحياتي.
بالنسبة لل ٣٠٧ لو وفي امكانك تجيب موديل ٢٠٠٨ هوا افضل من موديل من ناحية قلة المشاكل او انعدامها
لحد مودبل ٢٠٠٧ كان في مشاكل نتشة في الفتيس وعلاجها كان بتغير زيت وبلوف مع صيانة ال ٦٠
وموديل ٢٠٠٨ ممكن يكون اغلي شوية بس هتلاقي منه عامل كيلو متر اقل فهيكون احسن ليك من عربية عاملة كيلو متر عالي كانت هتحتاج صيانة اكتر مع الوقت عن عربية لسه ممشيتش كتير.
وبالنسبة للاسعار ممكن تبص علي كونتاكت كارز علي رينج الأسعر وتشوف اللي موجود في السوق مقارنة بيه.
ونصيحتي ليك لو عايز تجيب ٣٠٧ تدور عالي عاملة كيلو متر قليل في موديل ٢٠٠٨ الاول بعد كدا ٢٠٠٧.
الموديلات الاقدم علي ما اسمع كان فيها مشاكل اكتر وهتكون ماشية كتير عاملة كيلو متر عالي وهتخسر تاني من سعرها لو حبيت تبيع تاني عن موديلات ٢٠٠٧ و ٢٠٠٨ اللي هوا الشكل الجديد.
وربنا يوفقك في الاختيار.
يااستاذنا
....انا العربيه معايا اقسم بالله ومكفراني ....ياباشا العربيه دي رقم واحد فيها دينامو معيوب يعني لو صاحبها ماكنش غيرو هيبوظ وهو معاك وهتغيرو ....تاني حاجه فتيس مشاكلو بالهبل من زيت لبلوف فتيس ل100 لو ناوي تجبها مانييوال يبقي احسنلك 1000 مره وبص حضرتك ...بس من قبل ماتجبها العربيه عيوبها كتير ومميزاتها كتير برضو وسيبك من كلام لو عملت صيانتها ولو ريحتها تريحك كل ده كلام افلام ياباشا العربيه تبقي ماشي بيها زي الفل تلاقيها بتقولكGearbox faulty شويه تاني تلاقي الاربي ام بيطلع وينزل واللمض شغاله تنور والعربيه مخرفه يعني الدينامو طار ....انا العربيه تقريبا شاريها من سنه ونقلتلك اللي حصل معايا بالظبط عشان ابقي امين معاك وانا احب عليا اني اقعد اشكر فيها من هنا للصبح ....بس دي امانه... بالتوفيق
باشا انا عضو من قسم هوندا بس ليا صحاب كتير ومنهم ناس معاها بيجو بص ياباشا ابعد عن بيجو اصلا خصوصا 307 مليانه مشاكل وحتنكد عليك عيشتك شكاوى من السخونع والسوفت وير والجير بوكس والمشكله ان مغيش حل نهائى وحتعيش بالمشاكل دى طول عمرك انا مش عارف بصراحه بيجو دى مالها
كنت لسه بفكر فى بيجو 307 موديل 2007 اوتوماتيك .. غيرت رأى خلاص
يا نهار اسود انا لسه كنت رايح اخلص فى واحده عشان اعيد بيها الحمدالله ان ربنا هدانى ليكم الى معاه العربيه دى ربنا يصلحلوا حالها ويباركلوا فيها ويقلل من اعطالها الدنيا مش ناقصه مصاريف
شكرا لكم على النصائح الغاليه انا كمان كنت بفكر اشترى 2007 بيجو لكن غير راىى طيب اشترى ايه افضل من الكورى هوندا سيتى 2006/2008
ام اوبل 2007/2008
سبحان الله النصائح دى لها 7 سنوات
بس خليتنى اغير رئيى نهائى فى العربية دى للابد
ياريتني شفت البوست دا قبل ما اشتريها من 4 سنين هههه