العربية جابت جوان وش سلندر
كل سنة و انتم طيبين
لأن المصائب لا تأنى فرادى
و ربنا كريم و حليم ستار
امبارح الصبح الجمعه
خدت البنت عندى اجبيلها حاجة من المعادى
و اذ فجأة الاقى الحرارة بتعلى قوى
لأول مرة فى حياتى اشوف ال 100
جاى اركن لاقيتها ابتدت تبرد
اهدى تسخن
ايه الجمال ده
كلمت هلالى قاللى الترموستات بتاع الكوعه هتلاقيه معلق
ماشى
خبطت عليه شوية
و خلصت مشاويرى و هى على نفس النظام
ار بى ام عالى تبرد
ار بى ام واطى
تغلى و المية تفور
ماشى
روحت البيت
و سيبتها تهدى
و نزلت باليل
نفس النظام
الصبح نزلت ( السبت )
مسكت الدورة غسلتها
و فكيت ترموستات الكوعه
مفاجأة رقم واحد
قاعده من الأتنين اللى ماسكين الترموستات مكسورة
شيلته خالص
و زودت المية
و جربت
نفس النظام
و الجديد ان السرعه العالية بتلقط و تفصل بطريقه غريبة
و الموتور نار
قلت مبدهاش بقى
طلعت على الميكانيكى
قاللى دور
زود
فك
شوف
هوب قاللى بطل خلاص
قاللى تعرف تشغل المروحه على العالى بس
قلتله سهله
شغلتها على العالى
خير يا عم الحاج
قاللى و نبدأ العد مع بعضنا
1. جوان وش سلندر عشان النفس اللى فى المية واضح قوى و التنفيس عند الحريق
2. الطرمبة بتلف حوالين نفسها و ضغطها ضعيف قوى و ده السبب انها جابت جوان
3. ترموستات الكوعه
قلتله بس
لأ بسيطه
دى شغلها معاك قد ايه
قاللى كل سنة و انت طيب
لا فيه خراط و لا فيه بتاع قطع غيار
قلتله قطع الغيار سهله
قاللى و الخراط
قاللى سيبها بكرامتها
و هاتها الأتنين اللى بعد العيد
اسبوع يعنى
و هى هتاخد يومين او تلاته
عشان الخراط بس
و هتحتاج
1. طقم جوانات
2. كاوتش صباب لغاية ما نشوف الصبابات اخبارها ايه
3. زيت
4. فلتر
5. طقم بوجيهات
المهم فى القصه
الملاحظات اللى حصلت قبل الجوان
1. ارتفاع غير مبرر فى درحة الحرارة
2. سحب العربية ضعف قوى
3. القربة على طول فيها نفس
4. برجله فى الموتور مهما ظبط فيه
5. استهلاك بنزينه متوحش و ريحه عادم سيئة لتهريب الكبس
و كل سنه و انتم طيبين