حكايتى مع فنيس الجيتا وقدري الندل
المن حوالى 3 اشهر كنت عاوز اشتري عربية فى حدود المئة الف ومتعود اشترى من كونتكت كار اثناء البحث لايت جيتا 2008 عدادها 63000 بتاعت واحد اسمو قدرى فى الاسماعيلية ورحت وكشفت على العربية ورفعتها كمان وكات كل حاجة تمام ماعدا الاكصدام الامامى مرشوش وسالت لايت ان السعر مناسب جدا فاشتريتها واستمتعت بيها لمدة 3 اشهر وبعدين رحت اغير سير الكتيتة عند مركز عقل فى المحلة المهم اخبروتى هناك ان فى ترشيح زيت من جوان الفتيس وقالولى تعالى مرة تانية نغيرلك الجوان...رحت بعدها باسبوع وبعد ما كشفوا على العربية فقالولى ان فى لحام فى فارغة الفتيس ومحتاج تغير فارغة وتمنها استعمال 3000 جنية والمصنعيات حوالى 1300 المهم سبت العربية وبعد يومين اتصلت بيهم قالولى دة فى كسر فى عقل الفتيس وحنحاول نجرب على كدة وبعدها بيوم كلمونى تانى وقالوا :Copy of majd(4): الفتيس مش نافع المهم اتنرفزت جدا عليهم وقلتلهم العربية انا مسلمهلكوا فتيسها سليم فقالى تعالى عاين كل حاجة بتفسك وريحتلهم لقيت فى كسر فعلا فى عقل الفتيس.....المهم قالى الحلول اللى قدامك انك تغير فتيس كامل ب 25000 او نغير عقل الفتيس وتمنة 10600 المهم قولت اخود الحل الارخص وكانت التكلفة الاجمالية 18700 عشان كمان كان فى كسر فى القنطرة وتمنها 1500 وتغيير الزيت 1200 .....واتضح ان العربية كانت واخدة خبطة من تحت وقدرى الندل كان عامل لحامات فى الفتيس ومكانش بايت اى حاجة ....وقولت احكيلكوا الحكاية عشان كل واحد ياخد بالة وربنا يعوض علينا
