الموضوع: عندي هيونداي جيتز و عايز اغير الكوتش و أجنط !! بس مش عارف حاجة خالص s:

الجيتز كانت بتنزل بجنوط وكاوتش 14 , وبره مصر بتنزل ب 15 عادى يعنى مفيش مشكله منه ان شاء الله بس المهم تركب مقاس الكاوتش المظبوط

حضرتك ممكن تعرف المقاس بالظبط هاتلاقيه مكتوب على فردة الكاوتش , اعتقد هو 175/65/14 بس اتأكد برضه

هاتلاقى مكتوب على الفرده زى كدا





اول رقم بيبقى العرض , تانى رقم هو سمك الكاوتش او البروفايل , تالت رقم اللى بيبقى جنب حرف R هو مقاس الجنط

لو هاتركب جنوط 15 عندك مقاسين هما الاقرب الاصلى وهايدوا نفس قراية العداد تقريبا ومش هايعملوا مشاكل ان شاء الله

الاول 185/55/15

التانى 195/50/15 ودا ميزته عن الاول ان هايبقى ثبات وفرامل احسن بس عيبه ان العفشه هاتبقى انشف لان الكاوتش ارفع شويه والتسارع هايقل برضه حاجه بسيطه نظرا لان عرض الكاوتش زاد ومساحة احتكاك الكاوتش بالارض بقت اكبر

بالنسبه للاماكن فى عندك فى مدينة نصر اشرفكوا عنده جنوط تايلاندى SSW كويسه بص عليهم

بالتوفيق

المشاركة الأصلية كتبت بواسطة caftazeen

فعلا مكتوب عليه 175/65/14

طب دلوقتي قريت كتير اوي ولاقيت انو المقاس 195/55 r15 هيكون افضل و هيدي ثبات اكتر ؟

السؤال بس اجيب انهي نوع كاوتش !! و هل فيه نصيحة معينة خاصة بالجنوط ؟؟

المقاس دا مش مظبوط مقارنة بالمقاس الاصلى , بالمقاس دا العربيه هاتعلى 6 مللى والكاوتش هايقرب من الرفرف 1.2 سم والعداد هايقرا 98 وانت ماشى 100 , هى الفروق مش كبيره بس الخوف الوحيد ان الكاوتش يحك فى الرفرف لانى معرفش المسافه بين الكاوتش والرفرف عندك اد ايه وتسمح بتزويد الكاوتش ولا لأ

بخصوص انواع الكاوتش فهى كتير وحسب الميزانيه ممكن تجيب بيردجستون , والجنوط اللى قولتلك عليها الطقم هايعمل فى حدود 2000

خلليك فى المقاس الاصلى 185/55/15 او تجيب 205/50/15

ال195/50/15 مش مضبوط اوى لعربيتك و هيخلليها تدبدب... بالنسبة لل205 فا انت عربيتك فيها مكنة 1600 و وزنها خفيف فا مفيش مشكلة امن ان الكاوتش يقلل السحب خالص لكن دة هيفرق معاك جدا جدا فى الثبات و الفرامل و التحكم فى الملفات

الكاوتش الكومهو حلو و رخيص... البردجستون احسن طبعا بس اضرب تمن الكومهو فى 1.5

MMamdouh