دلوقتي زميلي جايب نفس العربية و الدريكسون عندو محكوم اوي مفهوش بوش و انا عندي بوش خفيف جنني شورو عليا اتصرف ازاي اطلب تغيير العربية و لا اموت نفسي احسن كلها مشاكل
دلوقتي زميلي جايب نفس العربية و الدريكسون عندو محكوم اوي مفهوش بوش و انا عندي بوش خفيف جنني شورو عليا اتصرف ازاي اطلب تغيير العربية و لا اموت نفسي احسن كلها مشاكل
انتا واهم نفسك ليه بس
كرهتنا معاك ف العربية بتاعتك ياراجل
انتا ليه محسسنى انى المصنع مستقصدك ؟
بص ياسيدى الموضوع سهل وبسيط هتروح على التوكيل او الوكالة زى مبتقولو وهوا هيربطلك سيكا على علبة الدريكسون
وبس
وسؤال جانبي
حضرتك اول مرى تركب زيرو ؟
لو اه يبقا عادى دى هاجس بيحصل لكل اللى بيركب زيرو لاول مرة حتى لو كان طيار
بس يا باشا ولا بيجلي هاجس ولا نيلة انا اتنين زمايلي شارين نفس العربية في نفس الوقت تقريبا و كلهم اول مرة يجيبوا زيرو و مبسوطين و معندهموش مشاكل الحمد لله القصة هي بخت و نصيب و قضاء ربنا لكن سيبك من هاجس و الكلام اللي مالوش لازمة ده في حاجة اسمعها عقل مش عربية زيرو بيبانها بتخبط في الفتح و سوستها بيظة و بتاكل بنزين و كاوتشها الامامي جي بايز و بوش في الدريكسون و تقولي هاجس ههههههه لا ده واقع واضح اوي ديه مش عربية ديه حنطور والله
سيدى الفاضل، بوش دى كلمة كبيرة وحضرتك قيمت المشكلة دى على اى اساس ممكن طلب توضيحى:
- عربية جارك اى فئة؟
- الجنط عنده مقاس كام؟
- ماشية كام كيلو؟
- عمل ضبط زوايا قبل كده او ترصيص؟
- ضغط هوا العجل عنده كام وعند حضرتك كام؟
تفاءل وفكر فى الأفضل ديماً وتجنب الحكم النهائى على اى حاجة لغاية لما تعرض المشكلة على فنى مختص او على حد عنده خبرة فى نوعية المشاكل دى.
.
اخي الكريم هي العربية نوعها اية
يا رب الرحمة من عندك
ليه عامل ضغط الهوا عندك على 30 ؟ الصح 32 اعمله كده وشوف وحط نيتروجين
وخليهم فى صيانة ال 10000 كم يراجعو الزويا لوسمحت.
نصيحة اخيرة بلاش تقارن المشاكل بالطريقة دى لأنها مش محطوطة فى تشخيص علمى وأرقام يعنى سؤل بسيط زى ضغط الهوا طلعنا فرق ومش عرفين حجات تانية كتير...
بالتوفيق،
مفيش دركسيون فى العالم مفيهوش نسبة خلوص اللى هى البوش اللى حضرتك بتتكلم عنها المهم انت عارف تتحكم فى العربية ولا أيه ؟؟ أرجووووووووك أستنى لحد ما تعمل صيانة ال10 و بعديها نتكلم متركزش معاها دلوقتى طالما العربية شغالة تمام
يا دكتور ....
انا لو منك ابيعها واريح دماغى منها وكمان اريح الاخوة الاعضاء من مشاكلك منها ....
اخى الكريم دكتور/ فريد ... المحترم
السيارة موجودة بمصر ما يزيد عن 25000 سيارة ومشاكلها فقط
1- عفشة ناشفة
2- عدم الثبات على السرعات العالية (فوق 140كم/س)
غير كدة ماشاء الله زى الفل ...
انت ليه محسسنى انك راكب توكتوك يا دكتور
المؤثرات المباشرة على الدريكسيون ودايما محتاجه مراجعة مستمرة ضبط الزوايا والأدرعة، ضغط الهوا فى العجل، الترصيص ومشاكل الترصيص فى الأغلب بتكون رجة ورعشة فى العربية مع حدف نسبى خصوصا اذا بتاخد مطبات و حفر كتيير.
خلى ضغط الهوا 32 وتستخدم جهاز او مقياس ضغط عجل يكون عالى الدقة ومضمون علشان فى قريات كتير بتكون غلط ومش مظبوطه
.
[quote=tarek_rcc;3874482407]يا دكتور ....
انا لو منك ابيعها واريح دماغى منها وكمان اريح الاخوة الاعضاء من مشاكلك منها ....
اخى الكريم دكتور/ فريد ... المحترم
السيارة موجودة بمصر ما يزيد عن 25000 سيارة ومشاكلها فقط
1- عفشة ناشفة
2- عدم الثبات على السرعات العالية (فوق 140كم/س)
غير كدة ماشاء الله زى الفل ...
انت ليه محسسنى انك راكب توكتوك يا و المواصفات رأيك ايه ،؟ ؟
متابع
افرجها علينا يا رب
الحمد لله يا دكتور بخير وكل سنة وانت طيب
احنا اتكلمنا فى كل حاجه يا باشا فى التليفون وزمايلنا هنا برده قالو من واقع تجرابهم
لاام نعترف ان فى مشكلة فى العربية وبرضه لاازم نعترف ان المشكلة الاكبرعندك انت
مشاكل العربية حلها عند الوكيل فقط لا غير لانه الوحيد اللى بيشوف العيب بعينه
واحنا بنقترح الحل بناء على وصفك انت اللى هو من الجايز يكون غير دقيق
وهنا المشكلة التانية اللى هى انت .....
حرام عليك نفسك وكمية الضغط اللى عملها لنفسك
مفيش عربية كاملة لاازم تتواجد مشاكل ولاازم تتعايش معاها زى كل الناس اللى عندها عربيات .
العربية شى ثانوى فى حياة الناس وموجوده للراحة والرفاهية انما علشان تبقى هى محور حياتى اعذرنى فده تفكير غلط ...
بأذن الله ربنا يكرمك وتركب اللى احسن منها بكتير .
ابو ليلي دة نصيبي انا اتنين زمايلي جايبين معايا نفس العربية تقريبا في نفس الوقت و سوقت عربيتهم الاتنين و بكل وضوح اتاكدت عندهم خلوص في الدريكسسيون بسيط اما انا الخلوص عندي 80 ما فوق يظهر معاك اوي كمان خليت واحد منهم يسوق عربيتي لاحظ نفس لمشكلة عندي يعني كدة اكيد و اكيد انا بوصف صح بدليل كل مروح التوكيل يغيرو حاجة من اللي بشتكة منها يعني انا صح بص العربيات دة نصيب الجواز و انا قدري في عربية مش تمام من مليون عربية المشكلة بس اني بتعلق بعربيتي اوي و بتاثر حياتي و ده عيب فيا انت تعبت نفسك معايا كتير و انا ربنا يتولاني و بارك الله فيك و لك الثواب
ن
ياصديقى مشاكلك كلها بسيطة وحلها سهل مش صعب نفسى تبص كده
على المنتدى فى جميع اقسامه وهتشوف العجب فعلا ...
وتبص ليه ما انا حكيت تجربتى مع عربيتى ليك لما يكون معاك عربية لسه زيرو
ويظهر عيب صناعة فى الفتيس وتقعد اكتر من سنة مش عارف تحل المشكلة
وراكن العربية اللى من الاصل مش ليها ضمان
فى الجراج وتصرف عليها 11000 ج وبتدفع اقساطها ومركونة
ده على كده انتحر بقى .....فى تويوتا هنا كانو يغيرو الفتيس لعيب فى العربية
فى نيسان هنا كانو بيغيرو ضفيرة كاملة علشان عيب فى العربية .....
مشاكل فعلا ومؤثرة
مشاكلك بسيطة ومعاك توكيل محترم فى السعودية يغير من غير مناهدة
ومش هيقلك العيب من عندك زى ما بيحصل هنا فى مصر .
نصيحة صديق ليك بيع العربية واشترى غيرها واشترى بفلوسك راحة البال .