فين رشيد محمد رشيد والاحتكار بتاع غبور!!!!!!!!!

**ramyso4** · 29-06-2008 02:52 PM

المشاركة الأصلية كتبت بواسطة new

انا باقول ان لازم الشركات الام تتدخل وتحدد هامش ربح للوكلاء لكل سيارة زى ما بيحصل برة

انا اول مرة اسمع ان الشركات بتعمل حاجة زي كدة بره ممكن مصدر للمعلومة؟

**MOHAMED ABD EL SHAFY** · 27-08-2008 11:55 AM

البلد بقت تييييت خالص

**MOHAMED ABD EL SHAFY** · 27-08-2008 11:57 AM

بتوع احتكار الاسمنت حكمت عليهم المحكمة ب 200 مليون جنيه بسبب الاحتقار
عقبالك يا غبووووووووور

**iBiZa** · 27-08-2008 12:13 PM

واحد صاحبى كان بيعمل الصيانة هناك الاسبوع اللى فات و سألهم انتم لية غليتوا سعر الElantra ؟؟

قالوا لة عشان الطلب عليها كتير و احنا بالعافية عارفين نسد علية, فا رفعنا السعر شوية عشان الطلب يقل.

و الله اعلم.

**MOHAMED ABD EL SHAFY** · 27-08-2008 12:26 PM

شوف الحداقة يا اخى
يخلوا الحاجة عشان الطلب كتر عليها بدل مالمنطق بيقول كل ما تبيع اكثر ممكن السعر ينزل .
ويعنى بالطريقة دى بيبيعوا السلعة باكثر من قيمتها الفعلية يعنى بتشترى بجنية واحد حاجة ممكن قيمتها الفعليه 80 قرش بخلاف هامش الربح
فعلا غبور متخصص فى انه يكرة الناس فى الحاجة
نصب علنننننننننى

**Migo123** · 27-08-2008 01:32 PM

انا باقول ان لازم الشركات الام تتدخل وتحدد هامش ربح للوكلاء لكل سيارة زى ما بيحصل برة

الكلام ده ما بيحصلش لا بره ولا جوه ولا في قوه في الدنيا تقدر تحدد لتاجر نسبة المكسب والخساره ......... المهم في الموضوع المنافسه (عشان كده في قانون حماية المنافسه ومنع الممارسات الاحتكاريه) وقانون العرض والطلب واي شركه هدفها الاول هو تعظيم العائد على استثمارات المساهمين والشركة اللي ما تحققش الهدف ده هي شركه فاشلة بمقاييس البيزنيس
نيجي بقه لموضوع حمايه المنافسه .......... رشيد اصدر قرار يسمح باستيراد السيارات لاي حد عنده بطاقه استيراديه يعني السوق مفتوح مش عاجبك اسعار غبور روح سيادتك استورد عربيه من اي حته تحبها ......... وهي دي السيارات الخليجي اللي ماليه السوق ومتاحه للجميع
مشكله سوق السيارات في مصر انه سوق صغير (بسبب ارتفاع الاسعار الناتج عن ارتفاع الجمارك والرسوم والضرائب على السيارات ) وبما انه سوق صغير فهو غير مغري لرجال الاعمال للاستثمار فيه ومن هنا المنافسه غير جديه اصلا
يعني تخيل ان اي شركه بتبيع في بلد زي كوريا مثلا حوالي 250 الف سياره من موديل واحد من موديلاتها و السوق المصري معروض فيه اكتر من 7 موديلات لنفس الشركه ومبيعاتها لا تتجاوز 15000 سياره .......... الفرق شاسع .... والشركه دي لما تتجاهل السوق المصري يبقى ليه حق

لو اسعار العربيات بقت في متناول ايد شريحه كبيره من المواطنين معايير المنافسه ها تتغيير وهنشوف فعلا منافسه شرسه سواء في الاسعار ومستوى خدمات ما بعد البيع عشان كل شركه تقدر يبقى ليها نصيب من الكعكعه الكبيره

**alivara** · 27-08-2008 11:48 PM

المشاركة الأصلية كتبت بواسطة liquidator

فعلا زي ما الأخ محمد نايل ستورم قال ... في بدائل كتير طالما مش عاجبك أسعار هيونداي .. و رغم الزياده دي اللا ان المبيعات مازالت هي الأكثر في السوق المصري .. مفيش احتكار لان فيه بدائل كتير ... كفايه يا جماعه بقي تجريح في غبور بالشكل ده ... غبور تاجر و من حقه يكسب و طالما بيقدم سلعه بسعر كويس و بتلاقي مبيعات هي الأكثر في السوق المصري يبقي من حقه يكبر .. و من غير احتكار ولا حاجه لان البدائل كتير لكن الناس بتروح و هاتفضل تروح لهيونداي عشان الثقه في وكيل قوي قادر علي تحقيق ضمان حقيقي لسياراته و قادر علي توفير قطع الغيار لهذا الكم الهائل من الموديلات و باسعار معقوله عن توكيلات كثيره أخري .. و لان سيارات هيونداي أصبحت قطع غياراها تباع علي الأرصفه و مفيش ميكانيكي في مصر مش بيفهم فيها ..
مهما اتقال في غبور أو هيونداي برده هاتفضل مبيعات هيونداي هي الأكثر ..
و هذه حقيقه فعليه و مثبته و محدش يقدر ينكرها يا جماعه ...

انا مع حضرتك تماما لسبب واحد .. عمرى ما سألت حد فى الحقيقة عن غبور و قاللى عنه كلمة وحشة ابدا مش عارف ليه كل الشكوى بتيجى من المنتدى .. عشان كده انا ما بقتش اهتم باى كلمة تتقال على غبور فى المنتدى لان اى واحد دلوقتى مش لاقى موضوع يكتبه يقوم عامل موضوع عن غبور و يشتم فيه شوية عشان الناس تقول عليه انه فعلا بيفهم كويس و بيعرف يقيم مراكز الصيانة من غير ما يجرب غبور اصلا
بجد كفاية افتراء و كلام فاضى ملوش اى اساس من الصحة

**alivara** · 27-08-2008 11:54 PM

المشاركة الأصلية كتبت بواسطة MOHAMED ABD EL SHAFY

شوف الحداقة يا اخى
يخلوا الحاجة عشان الطلب كتر عليها بدل مالمنطق بيقول كل ما تبيع اكثر ممكن السعر ينزل .
ويعنى بالطريقة دى بيبيعوا السلعة باكثر من قيمتها الفعلية يعنى بتشترى بجنية واحد حاجة ممكن قيمتها الفعليه 80 قرش بخلاف هامش الربح
فعلا غبور متخصص فى انه يكرة الناس فى الحاجة
نصب علنننننننننى

حضرتك مش ملاحظ انك متحامل اوى على هيونداى كلها ؟
حضرتك المنتدى كله عارف انه كان عندك فيرنا و طلعت عينك من كتر مشاكلها اظن ده مش مبرر انك تشكك فى اعتمادية بقية عربيات هيونداى
انا مش بقول كلام من عندى .. اى واحد فى المنتدى يحاول يشوف كل المواضيع اللى حضرتك مشارك فيها حيلاقى ان كل كلامك هجوم على هيونداى و خلاص مهما كان الموضوع
حاجة غريبة جدا .. فيرنا مش مقياس لبقية العربيات و كمان فيرنا الجديدة مفيها عيوب
و كفاية انى عمرى ما سألت واحد فى الحقيقة و قاللى كلمة وحشة عن هيونداى بالعكس كل ما اقول لواحد على اللى بيتقال على غبور فى المنتدى يضحك
كلام حضرتك مجرد تحامل على هيونداى و مالوش اى اساس من الصحة من غير زعل

**MOHAMED ABD EL SHAFY** · 28-08-2008 11:04 AM

هوا حد جاب سيرة فيرنا ولا اكسنت ولا النترا دلوقتى
احنا بنتكلم على موضوع احتكارى بحت من شركة غبور
وبعدين متزعلش خالص
احنا هنتكلم على شركة بتبيع تلفزيون مش عربية
لما تغلى السعر عشان الطلب متزايد دا معناه ايه (استغلال ام احتكار ام نصب ام شئ جميل وفعل خير!!)
الاجابة اكيد واضحة

**MOHAMED ABD EL SHAFY** · 28-08-2008 11:11 AM

المشاركة الأصلية كتبت بواسطة alivara

و كفاية انى عمرى ما سألت واحد فى الحقيقة و قاللى كلمة وحشة عن هيونداى بالعكس كل ما اقول لواحد على اللى بيتقال على غبور فى المنتدى يضحك

طب متراجع المشكلات الفعلية اللى الناس مجرباها واشتكت فى المنتدى
هوا حضرتك معاك سيارة هونداى ولا بتتكلم من غير تجربة واقعية
على فكرة بقى مش تجاربى لوحدى لا دى تجارب ناس زملائى كتيير
واثنين منهم فاتحين مكاتب لتاجيير السيارات وبيشتغلوا فى الهونداى والدايو واللانسر والتويوتا ماشاء الله اكثر من 20 سيارة من جميع الفئات
واكتر فئة بقت مشنة من السيارات معروفة بدون زعل واكبر مشاكلهم من التوكيل
ولو عاوز تيجى تشوف بعينك وتشوف بعد ال 100 الف كل فئة بقت ازاى تحت امرك ولو عاوز تاجر كمان تجرب مفيش مشكلة وهيعملولك خصم كمان

الموضوع: فين رشيد محمد رشيد والاحتكار بتاع غبور!!!!!!!!!

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

وفاه رشيد يكيني

ليه رشيد محمد رشبد

ايه رايك فى وزير التجاره(رشيد محمد رشيد)

الكلمات الدلالية لهذا الموضوع

المفضلات

المفضلات

ضوابط المشاركة