فين رشيد محمد رشيد والاحتكار بتاع غبور!!!!!!!!!

**new** · 28-06-2008 03:45 PM

فين رشيد محمد رشيد والاحتكار بتاع غبور!!!!!!!!!
لية مش بيبصوا على سوق السيارات والاحتكار اللى بيحصل فية من بعض الوكلاء الجشعين زى غبور اللى عمال يزود اسعر السيارات عمال على بطال بدون اى اسباب غير الجشع.
ودة بيحصل فى الوقت اللى اسعار باقى السيارات الكورى عليها تخفيضات زى الاوبترا و السيراتو وفى نفس الوقت سعر الدولار فى النازل!!!

على سبيل المثل
غبور باشا رفع سعر الالانترا الشكل الجديد من اول 2007 حتى الان 11000 جنية لانها كانت ب 90000 جنية والنهاردة ب 101000 جنية (المانيوال)على مراحل زى اليهود (مع الاعتزار لليهود)

ارجو التعقيب

**Nile_Storm** · 28-06-2008 03:49 PM

ولا احتكار ولا حاجه
فيه غير هيونداي كتير
و مادام غلي و فيه بدائل تانيه يبقي بلاها هيونداي لغايه اما يتعدل

**liquidator** · 28-06-2008 04:09 PM

فعلا زي ما الأخ محمد نايل ستورم قال ... في بدائل كتير طالما مش عاجبك أسعار هيونداي .. و رغم الزياده دي اللا ان المبيعات مازالت هي الأكثر في السوق المصري .. مفيش احتكار لان فيه بدائل كتير ... كفايه يا جماعه بقي تجريح في غبور بالشكل ده ... غبور تاجر و من حقه يكسب و طالما بيقدم سلعه بسعر كويس و بتلاقي مبيعات هي الأكثر في السوق المصري يبقي من حقه يكبر .. و من غير احتكار ولا حاجه لان البدائل كتير لكن الناس بتروح و هاتفضل تروح لهيونداي عشان الثقه في وكيل قوي قادر علي تحقيق ضمان حقيقي لسياراته و قادر علي توفير قطع الغيار لهذا الكم الهائل من الموديلات و باسعار معقوله عن توكيلات كثيره أخري .. و لان سيارات هيونداي أصبحت قطع غياراها تباع علي الأرصفه و مفيش ميكانيكي في مصر مش بيفهم فيها ..
مهما اتقال في غبور أو هيونداي برده هاتفضل مبيعات هيونداي هي الأكثر ..
و هذه حقيقه فعليه و مثبته و محدش يقدر ينكرها يا جماعه ...

**Ahmed Anwer** · 28-06-2008 06:47 PM

في السعودية في ثلاث وكلاء لهيونداي

بمواصفات مختلفة و اسعار مختلفة للعربيات

و اكيد باختلاف في مستوي الخدمة

و بلاد كتير مفهاش نظام الوكيل المعتمد و الحصري و الوحيد و اللي مفيش غيره ،،

أنا شايف ان النظام ده لازم يتطبق في مصر ،،

كل ماركة يكون ليها اكثر من وكيل يتنافسوا لمصلحة العميل

**ows212** · 28-06-2008 08:31 PM

غبور يحط السعر اللى هو عايزه ده طبعا مش احتكار والبدايل كتيرة

**ابوشريف** · 28-06-2008 10:09 PM

طالما هو شايف ان الطلبات على منتجاته فى زياده من حقه يزود السعر ويستفيد

قانون العرض والطلب هو سيد الموقف

و مفيش احتكار لان البدايل كتيره مش لازم هيونداى

**zakiali** · 28-06-2008 11:12 PM

ده مش احتكار ده احتقار

.

**حماده المصري** · 29-06-2008 09:18 AM

فعلا الموضوع ده بقى يقرف عربيه كانت ب 90 بقت ب 100 بدون اي سبب وبدون اي كماليات اضافيه

وعلى فكره مش كل قطع الهيونداي متوفره ورخيصه

نيو اكسنت + جيتز ملهومش قطع غيار تجاري كلي اصلي وممكن تلاقيهم اغلى من عربيات تانيه وفئه اكبر

**ramyso4** · 29-06-2008 11:16 AM

احتكار ايه بس ده دلوقتي في بتاع 20 ماركة فى للسوق و كل ماركة فيها بتاع 7 موديلات ولا انت عايز رشيد يتدخل و يقول لازم هيونداي يبقي ليها 5 وكلاء-----انت جيت علي الوزير الحيلتنه و هتعيب فيه!