عرض للطباعة
كل سنة وانتوا طيبين جميعا
هو يعنى ايه العربية متلتة ؟؟؟ أصل انا مرة واحدة لاقيت العربية صوتها عالى كان الشكمان مخروم والعربية لاقيتها مختوقة كده .............. رحت لبتاع الشكمان رفع العربية قالى الشكمان تمام بس العربية متلتة
رحت لميكانيكى شاور لى على حساس كده جاى من الكوعة اللى راكبة فى فلتر الهواء كبير شوية وقالى عايز يتغير هو وطرمبة البنزين !!!!!!
الكلام ده صح ولا اشتغالة
متابع
متلته يعني شغاله علي 3 بوجيهات بس مش 4
فيها بوجيه بايظ او السلك بتاعه بايظ او مش راكب كويس او وش السلندر فيه حاجه
على حد علمى إن 3 اسطوانات بس شغالين والرابعة فاصلة عشان البوجيه مش شغال فوقيها عندى مثلا فى الميجان بيبقى بسبب الكويل اللى رايح للبوجيه كان بيبوظ أو ممكن يكون البوجيه نفسه بايظ والله أعلم
3 بوجيهات بس اللي شغالين .. يعني 3 غرف حرق بس اللي شغالين
فيه سلندر مش شغال .. يعني 3 سلندر بس والرابع مش شغال = متلته
تمام..
اللي يوقف عمل السلندر الرابع حجات كتير....
سلك بوجيه-اسبراتير(شاكوش-لوامس الوش النحاس)-البوجيه نفسه-وممكن داخليا بييجي عليه زيت وهتعرف ده لما تفكه
كلام الميكانيكي اشتغاله طبعا وجهل لان لو حساس الهوا اللي قصده عليه بايظ هياثر علي ال4 بوجيهات مش واحد بس ولو طرمبه البنزين ضعيفه برده هياثر علي الموتور كله وهتتاخر في الدواره الصبح ودي سهل الكشف عليها علشان نعرف الفلو رايت بتاعها
طيب فى الحالة دى طبعا الرشاش بيرش بنزين فوق السلندر اللى مش شغال والبنزين مش بيتحرق فى الحالة دى طيب البنزين بيروح فين ؟ يعنى البنزين دا بيخرج مع العادم ؟ ولا العربية بتحس إن مفيش احتراق فالرشاش بيوقف الحقن لو العربية حقن إلكترونى ؟؟؟
لو الرشاش شغال والبستم قاطع يبقي البنزين هيخرج مع الاجسوست
وممكن يكون الرشاش نفسه هو اللي عطلان ويبقي البوجيه هيكهرب ع الفاضي
استاذ فادي .. ازاي اكشف علي طرمبة البنزين انها كويسه ولا ضعيفه ؟
انا عندي الطلعه بطيئه وشاكك فيها بس عايز اكشف عليها الاول
ازيك يا عمرو كل سنه وانت بخير
-طرمبه البنزين تبان قوي اثناء الدواره الصبح لو بتاخد وقت في الدواره
خلي حد يدورلك العربيه وارفع الكنبه الخلفيه وحط ودنك صوت الطرمبه (ززززززززززز)
لو مابتسمعوش من اول تكه مارش تبقي الطرمبه بتركن
-انما الطرمبه لو حضرت بنزين واشتغلت خلاص مش هتاثر علي طلعه العربيه
-في حاجه كمان ممكن تك الخرطوم اللي جايب بنزين وداخل ع مسطره الرشاشات وحد يساعدك بسنه مارش وتشوف ضغط الطرمبه حلو ولا ضعيف وطبعا هتجمع البنزين اللي ينزل في حاجه علشان الامان ..ربنا يوفقك ,تحياتي
اقتباس:
المشاركة الأصلية كتبت بواسطة amrgamal1
اقتباس:
المشاركة الأصلية كتبت بواسطة mohammedaladel
الف شكر على المعلومة بخصوص موضوع البوجيهات دى جديدة عليااقتباس:
المشاركة الأصلية كتبت بواسطة amrgamal1
بس انا حاسس ان الموضوع مش كده
المشكلة ان انى حاسس كأن العربية مخنوقة وصوتها عالى قوى كأن الشكمان مخروووم ولما بزود بنزين على السلانسيه فى دخان اسود بيطلع من الشكمان انا حاسس انها طرمبة بنزيناقتباس:
المشاركة الأصلية كتبت بواسطة hellboy
اقتباس:
المشاركة الأصلية كتبت بواسطة mohammedaladel
الكلام ده كبير عليا بصراحة :)اقتباس:
المشاركة الأصلية كتبت بواسطة hellboy
اقتباس:
المشاركة الأصلية كتبت بواسطة amrgamal1
انا برده شاكك فيها عندى
معلش ياباشا استحملنىاقتباس:
المشاركة الأصلية كتبت بواسطة hellboy
انا عندى الدوارة بتتأخر بس مش كتير وصوت الدوارة مش طبيعى يعنى وهي بتلقط بس صوت كأن حاجة مخنوقة وفكت فجاة والعربية صوتها عامل كأن الشكمان مخنوووق او مخرووم وسحب العربية على الاول والتانى مخنوووق جدا بس لو بجرى بتبقى عادى مع استمرار الصوت ولما بدوس بنزين على السلانسيه بيطلع دخان اسود من الشكمان
مرة فكيت الطرمبة بتاعت البنزين وجبت سنة مارش لاقيت خرطوم واحد بس اللى بيطلع بنزين والتانى لا
ممكن يكون ده ليه علاقة ؟؟؟؟
-اللي عندك ده اعراض ضعف في حساس الهوا مش عارف عندك هيبقي ماف ولا ماب؟
صعوبه في الدواره+دخان اسود ع السرعات القليله فقط +برجله في الموتور
-مالوش دعوه برداخ البنزين ولو الدخنه السوده مستمره علي كل السرعات مش السلانسيه فقط يبقي حساس الكولانت ,ممكن كاجراء وقائي تفكه وتصنفر طرفه النحاس بحته سلك المونيوم وتنظف فيشته بالاكاي سبراي
تمام الحمدلله .. وحضرتك طيباقتباس:
المشاركة الأصلية كتبت بواسطة hellboy
شكرا يا باشا انت اللي بتجيب م الاخر والله .. هجرب الطريقتين دول عشان اتأكد منها
الف شكر ياباشا على الرداقتباس:
المشاركة الأصلية كتبت بواسطة hellboy
وفعلا انا حصرت المشكلة دلوقتى فى حساس الهواء اللى هوا سعره حوالى 450 جنيه زى البيه ما قالى لى
انا عايز انظفه اخى هل فكه وتركيبه عادى ولا فيه مشكلة لازم اخد بالى منها ؟؟؟
النهاردة انا حركته شوية كده لاقيت العربية ظبطت فممكن تكون فيشة مهزوزة او حاجة ؟؟؟
مرفق صورة لصورته علشان اتاكد ان انا بتكلم عن الحساس الصح ( الاسهم الحمراء )
وبرده لاحظت وانا بعمل كده انا فى مكان فيه شرخ بين الحساس ده وبين فلتر الهواء ( الدائرة الحمراء ) ممكن اعمله مثلا بأمير
[IMG]http://im30.gulfup.com/2012-08-21/1345507927451.jpg[/IMG]
سؤال بقى , هل الجزء المشار اليه فى الصورة باللاسهم اسمة ماف ولا ماب؟؟؟ مع العلم ان العربية 2000 سى سى اوتوماتيك,,,,, وهل ليه بديل من الدايو او اى ماركة تانية علشان سعرة غالى لو اوبل.
دة الماف يا باشا و خلى بالك زعلة وحش اوى دة و مكلفاقتباس:
المشاركة الأصلية كتبت بواسطة wama00
نفس الاستفسار تقريبا وهل يمكن تنظيفه او اصلاحه ؟؟؟؟؟اقتباس:
المشاركة الأصلية كتبت بواسطة wama00
اللي في الصوره ده ماف طالما راكب علطول علي خرطوم فلتر الهوا انما لو في صدر العربيه وخارج منه خرطوم رفيع وفيشه يبقي ماب
-خلينا نبدا من السهل للاصعب...
-طبعا الشرخ اللي في الخرطوم هيدخل كميه هوا زياده ويبرجل البيانات اللي راحه للكونترول عن طريق الماف
-مبدئيا فك خرطوم الهوا نظف مكان الشرخ كويس والحمه باي ماده تشوفها فعاله
-فك فيشه الحساس ورشها اكاي سبراي واتاكد ان السوكت بتاعها محكم
-بعد كده لو العربيه ماظبطتش ابدا فك الحساس ونظفه
-هيتفك هتلاقي جنب ناحيه الفلتر فيه زي شبكه او مصفه علشان شوائب الهوا وتحتها فتحه صغيره لدخول الهوا للبورده والاجزاء الكهربيه ودي الفتحه اللي هترش منها المنظف ولكن ماتلمسش اي من المكونات الداخليه بشاليموه السبراي
-تستخدم سي ار سي سبراي او منظف الكترونيات اللي بيبقي مكتوب عليه 90 اوعي تستخدم منظف كربراتير لانه حامي جدا
-خليك حذر لان زي مازميلنا قال ان الماف زعله وحش
الف شكر ياباشا على الشرح ده
هاجرب بأذن الله وهاقولك على النتيجة
هى متلته يعنى شغاله ٣ سلندر كما وضح الاخوه وسهل انك تعرف لوحدك هتفك سلك كل بوجيه وتقربه من اي معدن فى جسم المتور هتلاقيه بيطلع كهربا شبه بتاعت الصاعق او الولاعه هتجرب الاربعه اللى مش هيطلع كهربا يبقى قاطع يا بسبب السلك او البوبينه قطعت والحساس اللى شاورلك عليه وطرمبة البنزين ميعملوش كده والله اعلم نيتو ايه اللى قالك كده جرب وبلغتا لو فى مشكله فى حساس الهوا ممكن تفكو الاول وتنضفو باسبراى واتأكد ان مفيش خرم او شرخ عندو
متأخر
بس حابب انقل التجربة
انا فكيتت زى ما الاستاذ فادى قالى فكيت حساس الهواء من ناحية الباوبة ومن ناحية الفلتر ولزقت المكان اللى كان فيه قطع كويس ونظفت بقطعة قماش ناشفة الكاوتشة من جوة وكذلك الحساس وطبعا قبل ما اركب نظفت البوابة برده ب wd40
الانطباع العام جيد جدا الصوت تقريبا اختفى سحب العربية افضل مفيش الصوت اللى كان موجود على السلانسيه
ودلوقتى بعمل تقيين للاداء البنزين
ياترى ايه الاخبار؟؟