سيرفو فرامل فى اقل من سنة

**المنسي** · 19-08-2012 10:36 AM

سيرفو الفرامل العمومى باظ عندى فى الفليشيا ومكملش السنة ايه السبب مش عارف مع انى كان من فترة ضرب ماستر عجلة خلفى وغيرته واليومين الاخرنين لقيت العربية لازم ادوس على الفرامل للاخر عشان اهدى مش افرمل ولما احب افرمل كان لازم ادوس مرة واسيب وارجع ادوس تانى عشان الفرامل تمسك معايا ولما رحت للميكانيكي اول مرة قاللى هات زيت وتعالى واسحبلك الهوا من الفرامل وقلتله انا شاكك فى ماستر الفرامل قالى لا المهم اشتريت زيت فرامل اسمه بنديكس تمنه 12.5 ورحتله امبارح وزود الزيت واخد الهوا والفرامل زى ماهى قاللى يبقي كده الماستر العمومى باظ وهتحتاج تغيره المهم رحت اشتريت ماستر فرامل عمومى الراجل قاللى ايطالى وتمنه 165 جنيه وقاللى عندى الصيني ب 150 جنيه وقاللى اهم حاجة نوع الزيت ياريت تحط نوع نظيف قاللى اهم حاجة الزيت لما تيجي تزوده يبقي نفس النوع وانا مكنتش اعرف ان البنديكس ده مصرى المهم اخدت منه الماستر ورجعت للميكانيكي وركبه وغير الزيت كله وحط الزيت الجديد وسحب الهوا والفرامل بقت كويسة بس مبقتش اعرف اهدى بيها يعنى ممكن ادوس الاقى العربية وقفت مرة واحدة وقالى تعالالى كمان يومين اسحبلك هوا تانى معلش انا طولت عليكم انا بس كنت سمعت ان الزيت البنديكس ده كويس هل فعلا وهل لو زودت زيت من نوع تانى يبوظ لى الماستر العمومى معلش طولت عليكم

**المنسي** · 22-08-2012 04:25 AM

محدش رد عليا وقاللى هل زيت الفرامل البندكس كويس ولا ايه

**المنسي** · 23-08-2012 01:31 PM

انا لسه عايز اروح للميكانيكي تانى يسحب لى هوا من الفرامل بس انا اليومين اللى فاتو من بعد تغيير الماستر الفرامل عندى بقت باللمس علشان اهدى ولوغلطت ورجلى تقلت على الدواسة شوية الاقى العربية وقفت مرة واحدة مش عارف كده كويس ولا اقول للميكانيكي يريح لى الفرامل شوية