افتراضي سوقت كام كيلو فى حياتك وفى كام سنه؟

انا عن نفسى سوقت اكتر من 750000 كليو من وانا عندى 17 سنه الى الان 32 سنه

هقولكم انا حسبتها اذاى اول عربيه اشترتها زيرو عملت بيها حادثه كبيره واتكهنت وكانت ماشيه 72000 كيلو وبعدها اشتريت واحده تانيه قسط وسافرت بيها كتييييييير قوى وبعد مبعتها باربع سنين وكانت ماشيه 360000 كيلو وفى 2008 اشتريت واحده تالته برضوا زيرو وهى معايا لحد دلوقتى وعامله 317000 + العربيات الى انا اجرتها + عربيه والدى وعربيه اخويا يبقى المجموع اكتر من 750000 كيلو
ملحوظه انا بسافر بعربيتى كتتتتتتتتتتتتتتتتير جدا شرم واسكندريه والاقصر وسفاجا ومطروح والسخنه .......................
ياريت الى يكتب بلاش هجس حتى لو سوقتك لسه بسيطه ده مش عيب

يعني ممكن نقول بسوق من 2 اعدادي لحد 18 سنه=2000 طبعا من غير رخصه فااخري مشوير صغيره
من 18 : 21 في معدل اليوم 40 كيلو يعني = 360*4 =1440*40 كيلو يومي = 5760 +2000 =7760 وده طبعا لاني مش بسافر بالعربيات خالص

العربيات اللي ركبتها : ركبت نوبيرا .. 128 اول عربيه اتعلمت عليها(ملك) .. نيسان تيدا وطبعا ماصدقتش نفسي اني سقتها
نيسان صني (روعه) .. تيجو .. ومن ساعة ماجبت الادا والدنيا نحست ومش بسوق اي عربيه غيرها (ملك بردو )

35 الف كيلو من سن 18 سنة من اول لما طلعت الرخصة لحد دلوقتي انا سني 23 سنة العربية معايا زيرو من 2008 و قليل السفر بيها

بدايه سواقتى من غير رخصه كانت عربيه استرا ..
العربيه عملت 150 الف كم ...تقريبيا انا 50 الف و اخويه الله يرحمه 50 ووالدى 50
بعدها جبت فيكترا حاليا 145 الف كم انا عامل بيها حوالى 100 الف و ال 45 اخويه الله يرحمه
وعربيه الحاج عملت بيها حوالى 20 الف
عربيات اصحابى كلها حوالى 10000
يبقى المجموع 180 الف كم من سن17 لحد 21

80 الف كيلو من وانا عندي 22 سنه حتي الان 27

حوالى 130 الف كم
بيجو 504 / بولو 2001 / جيتز 2005 / النترا 2008
كل دول بدايه من 2006 لحد دلوقتى

من 2002 الى 2012
تقريبا كده سوقت 100.000 كم
العربيات الملك: بولونيز 1988 - نيو اكسنت 2007 - نيسان صنى 2010 - كيا سبورتاج 2012
وغيرها كمان عربيات اصدقاء وايجار

١٠٥ الف كيلو من ٢٠٠٨ حتى الان

سوقت حوالي 42000 كيلو من وانا عندي 12 سنة لحد النهاردة 17 سنة وكلوا من غير رخصة

حوالى 200 الف كيلو
من 17 لى 22 سنه
العربيات الملك
جوليت مينى كوبر جيتا باراتى و بى ام ملك الحج

400000 في 15 سنه من عمر 25
4 عربيات
27
25
شاهين
اسبرانزا

يمكن 200,000 كم يزيد أو يقل بسوق من 93 لحد النهاردة العربيات 131 دايوو لانوس فولكسفاجن ميني باص

حوالى 320 الف كيلو من 18 لـ 21 .. وقول قبل الرخصة ممكن 30 الف ولا حاجة عشان فى سنتين منهم كنت فى الجامعة :)

٢٣ ألف كيلو من 5/2009 حتى الآن. بمعدل تقريبا ٦٠٠ كيلو فى الشهر، ٧٢٠٠ فى السنة،144,000 فى العشرين سنة

62000 لانسر وقبليها الانوس 15 الف كم 20 الف كم رينو كليو 10 الاف 127 يبقى المجموع يبقى حوالى 107000 الف كم من سن 18 سنه الى 26 سنه

هقول على عربياتى أنا بس

بى أم حوالى 130 الف كيلو..........و كنت بسافر بيها أسكندرية و الساحل كتير قوى.............يمكن مرة كل أسبوع فى الصيف و مرة كل شهر فى الشتاء.............المرة الواحدة كانت بتعمل معايا مش أقل من 700 أو 800 كيلو.

أوبل فيكترا حوالى 50 ألف كيلو فى سنتين

ميجان 120 ألف كيلو

نيسان 80 ألف كيلو

ميجان تانى حوالى 10 ألاف كيلو

عربيات إيجار تبع الشغل من سنة فاتت لحد دلوقتى.........فى الشهر مش أقل من 5 ألاف كيلو يعنى 60 ألف كيلو.

غير عربيات أصحابى و عربيات عملتلها تست درايف دول حوالى 10 ألاف كيلو مثلاً.

الإجمالى حوالى 460 ألف كيلو............ده من 99 لحد دلوقتى........

قبل 99 كنت بسوق بس مش عربيتى و مش فاكر قد أيه سواقة...........ممكن يعملو 30 ألف كيلو لأنى مطلع رخصة من 96 و بسوق من قبلها.

إجمالى عدد العربيات اللى سوقتها حوالى 55 عربية موديلات مختلفة.

سلام عليكم الأول

موضوع جميل جدا يا باشا بس انا عمرى ما حسبتها كم كيلو انا مشتهم بس من غير ما طول عليكم تعالوا نحسبها مع بعض

من سن 13 الى 18 كان معايا 128 إتعلمت عليها و طلعت الرخصة سنة 1996 و طبعا يا ما سرقت العربية من ورا أبويا علشان كان خايف عليا و انا مصم اسوق و اتعلم فكنت بسوق كتير اوى الفترة دى داخل القاهرة و سافرت بيها حوالى 10 الى 15 مرة و كان ابويا عرف و كان بيركب جنبى نحسبها كدة 50 كيلو يومى فى 360 = 18000*5=90000+15*200=93000 كيلو قبل الرخصة بعد الرخصة من 18 الى 24 سنة فترة الكلية كان معاية ال128 و لانوس زيرو انا بلا مبلغة كنت بسافر اتعشا فى الكس و ارجع و كنت راكب عربيات صحابى فا حاقول 200*360=72000*5=360000 كيلو طيب بعد كدة إشتغلت فى المعادى سناتين و انا سكن فى مدينة نصر 100 كيلو كل يوم فى 360*2=72000 كيلو بعد كدة سافرت أمريكا قعدت حوالى سنة من غير عربية و بعد ما جبت العربية هاريتها مشاوير من 2005 الى 2006 100 ميل فاليوم تقريبا يعنى حوالى 160 كيلو فى 360=57600 كيلو بعد كدة جبت عربية أحسن مشيت بيها نفس المسافة او اكتر شوية نقول 80000 كيلو بس زائد انى إشتغلت فترة سواق تريلة و فى 6 شهور عملت حوالى 160000 كيلو و عربيات إيجار كتير ممكن توصل بردو الى 100000 كيلو بعد كدة رجعت مصر و مسيت باللانوس 6 شهور من من القلهرة للساحل اسكندرية طنطا نقول 10000 كمان فى 2008 بعت اللانوس و جبنا صنى زيرو و دى كانت بتاعت البيت عاملة 100000 دلوقتى انا سوقت منهم 60000 كيلو و فى 2010 إتجوزت و اجرت عربية سيراتو و عمات بيها 2000 و فى اخر 2010 جبت صنى ليا و عاملة 45000 طبعا محدش بيسوقها غيرى.

أنا عرفت أنا سوقت قدة إيه لو انتم كمان عايزين تعرفوا الإجابة جمعوا الأرقام الحمرة :majd(4):

حلو الموضوع دا
بالنسبة ليا انا بسوق من سنة 2004 رسمى بس من سنة 1998 غير رسمى و عملت حوالى 10000 كم فى السنة من 2006 يعنى حوالى 70 الف و حط عليهم العربية الجدييدة 2000 و كمان من 2004 الى 2006 حوالى 3000 كم و كمان الغير رسمى حوالى 5000 كمان يعنى كلة كدا 80000 كم فى 14 سنة