الموضوع: محتاج مساعدات مش مساعده واحده من كل الخبراء

ايه ياجماعه هو محدش بيعبرني ليه ؟

المشاركة الأصلية كتبت بواسطة hellboy

وعليكم السلام ورحمه الله وبركاته
نصيحتي ليك بيع واشتري عربيه تانيه سواء كورسا او استرا او فيكترا علي ابوها
التسقيط مشاكله كتير معايا واحد شغال معايا معاه كورسا متسقط فيها موتور 1400 ايكوتك اللي بييجي مع التيجرا علي فتيس مانوال
العربيه دي صاروخ جري تخيل الغيار التالت بجيب بيه 120كم !!
بس مشاكله مع العفشه والسكاترا والباور الكهربا مابتخلصش وملطمني معاه
بتخيل انه لو كان سابها علي وضعها كان احسن ده غير وجع الدماغ والوقت
عموما هجاوبك ولك حريه الاختيار
-ال1400 ايكوتك احسن من ال1600 لانه معروف في مصر وقطع غياره موجوده جديد واستيراد
-احسن واحد بيسقط هو الشيخ هيثم في الحرفيين وهو متخصص اوبل

طبعا انا بشكرك جدا علي اهتمامك وردك بس انا شفت مشاركات لناس مسقطه 1600 وبيشكرو فيه اوي فا مش عارف اعمل ايه الصراحه وكمان مسقط موتور 1600 وفتيس اوتوماتيك فا بجد الحوار ده لو متاح في مصر هايفرق كتير جدا طبعا

معلش لو كنت هاطول عليك هو ايه علاقه الاسكترا والعفشه والباور بالموتور

وكمان ماقلتليش انت زعلان عشان عربيت صاحبك فيها مشاكل ولا عشان ملطمك معاه

طب بما ان حضرتك قديم قوي مع الاوبل وخبراتك كتير بغض النظر عن العفشه والاسكترا والباور القصه دي كلها
لو اتكلمنا في مواتير بس تنصحني ب1400 ولا 1600 وكمان الفتيس مانيوال ولا اوتوماتيك

وهل عندك فكره عن تعديل ال abs يعني لو عاوز اخليها abs والقصه دي تتكلف كام من حيث قطع الغيار والتركيب

المشاركة الأصلية كتبت بواسطة windofchange

من رأيي تاخد الموتور بحاجاته كلها علشان ميحصلش مشاكل زي ما هيلبوي بيقول يعني موتور بفتيسه بعفشته الامامية لو الخلفية موجودة يبقي اشطه بردياتيره بطلمبة باور بتاعته راكبة عليه وكومبرسور تكييف بتاعه وسربنتينته وكويل التكييف وهدية عدادت بتاعته *) ده هتجيبه علشان تضمن ان الحاجة دي بتاعت الموتور من واحد عنده قطعيات امامي لاوبل كورسا تشتري قطعية وتفضي عندك وتسيب الصاج او تاخد منه لو احتجت فوانيس او اكصدام بسعر اقل بما انك شاري كتير طبعا علي حسب دماغ التاجر او تبيع وتجيب حاجة تانية كل ده بعد صلاة ركعتين استخارة وربنا ييسرلك الخير

هو انشاء الله ده الهايحصل عشان تكون الدنيا ارخص وتكون كل حاجه بتاعت بعضها بس بجد احلي حاجه في الرد بتاعك ركعتين الاستخارة انت فعلا بتتكلم صح