ازيكم ياشباب هيونداى كل سنه وانتم طيبين
كان عندى استفسار عن نوع البوجيهات اللى المفروض اركبها فى العربيه بتاعتى وهى الانترا 2011 الشكل القديم
عرض للطباعة
ازيكم ياشباب هيونداى كل سنه وانتم طيبين
كان عندى استفسار عن نوع البوجيهات اللى المفروض اركبها فى العربيه بتاعتى وهى الانترا 2011 الشكل القديم
كل سنه و إنت طيب
النترا 2011 يبقى البوجيهات تغيير كل 40 الف الأصل اللى فيها NGK و ده تقدر تجيبه من شارع دمشق حوالى 110 جنيه
و اللى بيبعوه فى التوكيل champion نوع كويس بس اغلى كتير حوالى 180 بعد الضريبه
و انصحك بال NGK
مشكور اخى الكريم على الرد والاهتمام
انا سألت عن ال NGK وناس قالتلى هات نوع ب 55 جنيه تقريبا وفيه ناس تانيه قالتلى البوجيهات بتاعة العربيه نوع ب 130 جنيه فهل فيه فرق بينهم لأنى سمعه ان فيه نوع الاريديوم هو اللى غالى ب 130 جنيه وقريت انه بيقعد لحد 120 الف كيلو:33::33::33::oops2::oops2::oops2:http://www.nilemotors.net/Nile/images/smilies/oops2.gif
مفيش حد متابع ولا ايه
الافضل الميكانيكى يفكهم و تجيب زيهم نفس الكود و النوع و من محل شغال علشان ميكونش مركونين عنده
بوجيهات النترا 2011 اللي هي أصلاً نزلت 2011 بوجيهات سن رفيع. حضرتك تروح لنافع ناشد في شارع دمشق وتقولله عاوز بوجيهات شامبيون سن رفيع النترا بيتهيألي مفيش منها الا 1 شمعة واحتمال متلاقيش غير شامبيون
السلام عليكم
حضرتك معاك النترا 2011 الشكل القديم و بوجيهات ال 2010 و ال 2011 تفرق عن الموديلات اللي قبل كده
الموديلات 2007-2008 بوجيهاتها ب60 جنيه
ال 2010 و 2011 ب 120 و ديه أسعار بره التوكيل جوه التوكيل مش عارف
البوجيهات بتتغير كل 20000 كم
نوعها جوه التوكيل NGK و ال PART NO. بتاعها LZKR6B-10E
و العربيه ديه أو الموديل ده مالوش بوجيهات اريديوم ولا بلاتينيوم و ده كلام توكيل ngk هنا في مصر لما سألته و هي شمعه واحد
تحت أمركوا يا جماعه
مع الاسف بأدخل قليل ف مشاركاتي قليله بس اللي عاوز حاجه يسأل بس و فيه كمان موضوع سبيد سيرفيس للمهندس هاني رجل محترم و خدوم
و ان شاء الله أساعده و بردو فيه كريم فوزي و محمود عفيفي و أشرف ابراهيم و سمير شهاوي
ما حدش هيتأخر ان شاء الله عن مساعده حد
أتمني انني أكون فدت صاحب الموضوع و باقي الاعضاء
و السلام ختام
الله ينور عليك يا معلم كريم
ما تتخيلش الموضوع ده عاملى زفه فى دماغى لأن الكتالوج بتاع شركة ngk كاتب ان البوجيهات بتاعتها بوجيهات سن قصير اللى هى bkr6es-11 فى حين ان البوجيهات اللى راكبه فيها لاقيتها اللى انت كاتبها lzkr6b-10e فعلا ودى اللى اغلب المحلات عرضتها عليا
بس انا كنت محتار مش عارف اعمل ايه بس انت كده طمنتنى
الكلام ده من التوكيل صح؟؟؟