الموضوع: طريق القاهرة اسكندرية ايه اخباره؟؟

السلام عليكم ورحمة الله

فكرة جاتلي اني اسافر يومين بعد العيد الى اسكندرية
عايز اسأل على الطريق ايه اخباره والامن عامل ازاي
وهل بيبقى في بنزينات بتسرق على الطرق دي
وشئ اخير اسكندرية اعتقد موت دلوقت انما بعد العيد مش عارف
هتهدى شوية ولا ايه قولي لي رايكم بالموضوع ده؟؟

المشاركة الأصلية كتبت بواسطة astra200

الطريق كويس (الصحراوي)
باخد بنزين من امارات مصر ( داندي مول ) أو السليمانية -- وانت جاي من اسكندرية موبيل اللي فيها ماكدونلد

اشكرك على المعلومة المهمة

المشاركة الأصلية كتبت بواسطة amr2004ibm

الطريق كويس بس اسكندريه زحمه موت

هو ده اللي مرعوب منه مش عارف الناس هتزاحم في الكم يوم دول ولا ايه

المشاركة الأصلية كتبت بواسطة eslamsubaru

الطريق الصحراوى و الزراعى كويسين الأن... بس اسكندرية أكيد زحمة فى العيد و بعد العيد : لان الكام يوم اللى باقيين فى أغسطس همة الاجازة الصيفية السنة دى لان الناس خلصت امتحانات من هنا و رمضان بدأ من هنا ... ده رأى

انا نويت بقى واللي يحصل يحصل وقولت اكيد اللي صيف لحق بعد ما ثانوية عامة خلصت
وكان ادامه 15 يوم معرفش الناس بقى في دخلة المدارس دي وبعد اجازة العيد
هتصيف ولا ايه خصوصا ان مش حامل هم مدارس فدي ميزة

المشاركة الأصلية كتبت بواسطة m.alaa92

السكة اماااااااااااااان و نصيحة اما تمون موون من جوة البلد من القااهرة و اليكس
و بالنسبة للزحمة البلد جحيـــــــــــــم عاوز تيجى تعالى ع نص 9 مثلا تكوون الدرااسة بدات و الرجل خفت كتـــــير

شكلك من اسكندرية انا نويت على بداية 9 كده
خايف فعلا من موضوع الزحمة مره عملتها ونزلت في العيد كرهت حياتي فعلا
كنت حاسس ان شارع الجيش ده كله عامل زي وسط البلد عندنا