حبيب قلبي يا باش مهندس سلام.
انتا شوفتني في بداية الموضوع باسم ميدو وطلبت من الادارة تغير اسمي ليارس ياغالي لحبي فيها .... انا معنديش ريموت كنترول في البيت لتغير الاسم دي الادارة ياسيدي كتر خيرها طلبت منها ووافقت على طلبي
اما بالنسبة. لحضرتك شايف العربية اليارس انها زبالة .... رايك احترموا واشيلوا على العين والراس
وياسيدي لو نفسك تضرب اليارس بالجزمة تعاله خود عربيتي واضربها بس بشويش علشان البوية متتجرحش هههههههه كلها في الاول والاخير عربية. حتت صاج مسخرة لخدمت البني ادمين
وفعلاً معاك حق في ان سعرها مبالغ فيه بس كل حاجة على قد تمنها. والتويوتا كده او كده غليت في العالم كلو مش بس في مصر .... فولا تزعل نفسك ياباشا .... في الاول والاخير عربيات بتروح وبتيجي .... بس هو حضرتك انا لو ما اشتريتش العربية وركبتها طيب ايه الي خلاني اعرف كل عيوبها
وحضرتك كاتب في احد مشاركاتك انك اشتريتها ب ٦٩. لكن انا جبتها ب ٧١٠٠٠ ودفعت فيها الفلوس وندمت اني جبتها ولمن بشوف حد بيسئل عن العربية ونفسوا الناس تكون صادقة معاه. فبنقولوا. على العيوب وهو حر يا يشتري يا ما يشتريش. بس مش نخبي عليه ونقلوا العربية زي الفل وبعد ما يشتريها يتصدم ويبيع ويخسر. ويضيع فلوسوا ووقتوا. .... هل الناس دي بتلاقي فلوسها في الشارع
اكيد كل واحد تعبان في القرش. الي محوشوا فيا حبذا لو جميع الي في المنتددى لمن حد يسئلهم عن عربية وعن ايه هيا عيوبها يذكروا عيوبها. بالضبط علشان اي انسان يقدر يتخذ قراروا بنفسوا مش نقول قصيدة شعر في عربية وخلاص عامة تحياتي ليك يا غالي. .... وانا مش ممكن ازعل من واحد بيقول على اليارس زي الزفت لاني بمنتهى البساطة مش انا الي عاملها وحضرتك حر في رايك بس اتمنى تكون فعلاً جربتها يعني انتا ركيبت تويوتا يارس ياباني ١٠٠٪ صنع في اليابان ومعجبتكش وقلت لا لا لا ايه العربية التعبانة دي خليني اروح اركب لوجن اقوى واشيك واسرع ( كل شيء جايز ) انا عن نفسي بعت اللوجن كسر زيروا ورحت جبتلي عربية يارس مستعمله والحمدالله فضل ونعمه من رب العالميين .... والموضوع هنا ماهو غير دردشة اخوية لا اكثر ولا اقل. فارجووووووووووك اوعه تكون زعلت من كلامي يا غالي وتحياتي