الموضوع: برجاء المساعدة في s320

السلام عليكم ورحمة الله...كل عام وحضراتكم بخير.

عندي كام مشكلة في عربيتي s320 model 2002 ومحتاج مساعدة من لديه خبرة

1- لمبة check engine نورت بعد ما دورت العربية الصبح وملاحظتش أي حاجة غريبة في العربية..فروحت وصلتها بالكمبيتر عشان أعرف كود العطل..طلع حاجة إسمها secondary air pump. ولما سألت عرفت ان دي طرمبة هواء موجودة في مقدمة المحرك..وظيفتها تسخين علبة البيئة في الدوارة...فهل دي بتتصلح ولا لازم أشتري واحدة جديد..لو هشتري بتبقي في حدود كام؟ وهل في منها استيراد ؟

2- التكييف في حاجة غريبة..التكييف الخلفي مش بيجيب هوا بارد..مش بيبرد يعني..وباقي فتحات التكييف في فتحات بتجيب هواء بارد.وفتحات تانية بتجيب هوا عادي..مش عارف المشكلة ممكن تكون في ايه ؟؟

3- عندي مقبض الباب الخارجي في كل باب بيبقي في زرار بتاع البصمة..في زرار منهم الوش بتاعه اتخلع وضاع..هل ممكن ألاقيه ولا لازم المقبض كامل؟

4- العفشة بتاعة العربية فيها حاجة غريبة..أحيانا تبقي زي الفل ومحسش بأي مطبات ولا نقر مهما كانت..وأحيانا في النقر القاسية بتسمع في جسم العربية جامد..ولما أركن العربية وأسيبها يوم أرجع تاني يوم ألاقيها نازلة جامد علي الأرض من الأربع جهات..ولما أدورها يكتب في الشاشة stop car is too low ..وتبدأ العربية ترفع لمستواها الطبيعي والرسالة دي تختفي وكل حاجة ترجع طبيعية..

أنا آسف علي الإطالة..ومستني مساعدتكم..وادعولي ربنا يعيني علي صيانة الحاجات دي.الحمد لله علي كل شئ

تم بحمد الله إصلاح المشاكل كلها..

1- العربية مساعدينها زي الفل مفيهومش أي حاجة..كل ما في الأمر كان في تنفيس في الخرطوم الماستر اللي بيضخ الهواء في المساعدين..وتم تغيير الخرطوم بآخر مبطن بصلب بدلا من الكاوتش اللي بيستهلك بسرعة. ومن ساعتها العربية ظبطت وبقيت زي الحرير علي الطريق

2- التكييف كان مشكلته في حاجة اسمها حنفية السخن..اتغيرت بردو والتكييف بقي تلاجة.


3- تم تغيير طرمبة هواء علبة البيئة وراحت لمبة الأعطال وكله تمام.