عطل فى استرا 2000

**mexmarine** · 21-08-2012 12:36 AM

السلام عليكم .. و كل سنه و انتم طيبين و عيد سعيد ..معلش من ساعة الثورة و انا مش فى المنتدى .. الفيس بوك بو السياسه و المظاهرات بقى ههههه

العربيه عملتها معايا و انا بفسح العيال فى العيد و مش قادر الومها لانه اول عطل حقيقى من ساعة ما اشتريتها من اربع سنين .. العطل عباره عن .. اول الامر رعشه مع طلعة العربيه و ضعف واضح من يومين و اليوم كان اعنف و كنت باحاول اخفف رجلى من على البنزين و انا طالع (أسايسها) قلت يمكن البنزين (انا ازود 92 دائما) .. و اليوم و انا باطلع من عربيه دوست بنزين جامد لقيت العربيه رعشت جامد و حسيت ان مفيش اى عزم (يعنى العزم قل جدا لغاية ما بقى زيرو) يعنى دايره و كله تمام لكن اجى انقل الاقى العربيه كأنها مموره . حتى مفيش اى صوت غير طبيعى ..دايره و البور تمام و مفيش اى حاجه على اللوحه تشيك لامب و العربيه واقفه بدون اى حراك .. قالوا لى كبالن و قالوا لى اسطوانه و ديسك (الناس اللى كانت فى المكان) مفيش اى ميكانيكى فاتح فى العيد ..كل سنه و انتم طيبين .. قطرت العربيه و روحت بيها جثه لكن جثه دايره .. لو حد عنده فكره عن العطل و سعر قطع الغيار اكون شاكر .

**ENG\AHMED** · 21-08-2012 12:50 AM

كان فى شغل فى الكيالن قريب؟

ياسطوانة ياكوبلن فعلا ولو ان الاسطوانة مش هتبوظ بالسرعة دى لو على اد الاسطوانة بس

**فادى محمد** · 21-08-2012 01:03 AM

ازيك يااحمد باشا منور...
اعتقد لو بنز الكوبلن الداخلي او تيله الكوبلن الخارجي اتكسروا هيلاقي عمود الكوبلن بيلف ع الفاضي
ولو المنظر ده مش موجود تبقي الاسطوانه خلصت

**mexmarine** · 23-08-2012 05:27 PM

حد يعرف الاسطوانه و الديسك يعملوا كام؟؟ و الكوبلنج بالمره بكام

**amraction** · 23-08-2012 05:38 PM

انا كنت جايب طقم دبرياج لوك من سنه ونص على 800 جنيه .. الكبالن اسعارها متفاوته .. بس اخرها 300 لو استيراد على ما اعتقد ..

**فادى محمد** · 23-08-2012 06:03 PM

800 ج جديد ماركه لوك او ساكس بس ده راينج الفيكترا الاسترا مش عارف؟
استيراد لو حالته نظيفه توكل علي الله سعره هيعمل 350ج بالكتير
الكبالن يفضل طبعا الجديد انما لو محتاج الكبايه اللي في الفتيس فدي لازم تجيبها استيراد مفيش منها جديد .