تقرير مفصل بالصور عن تركيب جلد على كبوت و اكصدام التيدا
السلام عليكم و رحمه الله و بركاته
كل سنه و حضراتكم طيبين و دايما بخير
انا كنت استلمت عربيتى من حوالى 12 يوم تقريبا و سافرت بعد ما رخصت للزقازيق عند قرايبى مشوار على السريع كده و بعد ما رجعت لقيت كام خربوش صغير كده من السفر حضراتكم اللى مشى على طريق السويس القاهره الصحرواى قبل كده يعرف اد ايه مليان نقل ثقيل و محمل زلط و رمل و بينزلوا على العربيات بيخربشوا البويه خاصه الكابوت و الاكصدام الامامى
بصراحه انا ما كنش بيفرق معايا الموضوع ده تماما لان كل العربيات اللى كنت امتلكها ما كنتش مالك اول للسياره و التيدا اول عربيه اجيبها زيرو فالموضوع عاملى ازمه شويه ( ;
ففكرت فى طريقه احافظ على العربيه من بهدله الطريق الصحراوى علشان انا يعتبر بسافر كتير نسبيا سواء للقاهره او الزقازيق و موضوع تركيب الجلد هو الحاجه الوحيده اللى جت على بالى و قلت انفذها
اولا سألت طبعا على الموضوع و مدى فائدته لقيته بيحافظ بنسبه كبيره على دهان السياره و شكله حلو مش بيرخم العربيه حتى انه من بعيد شويه بتحس كأن مفيش حاجه راكبه عادى جدا
ثانيا سألت على ازاله الجلد هل هيأثر على الدهان و لا ايه النظام بس كله شكر فيه و محدش قال ان فيه مشاكل على البويه فى حاله انك تشيله ما عدا للامانه واحد بس قالى المفروض يتشال كل 6 شهور علشان لو قعد اكتر من كده ممكن يأثر على الدهان بس مش مقتنع بكلامه
ثالثا بدأت قصه السؤال عن الاسعار لفيت على اكتر من محل اكسسوار عندنا فى السويس و لقيت الاسعار تتراوح ما بين 290 و 320 جنيه و ذلك لعمل الكبوت و الرفرفين و الاكصدام الامامى مع ثبوت الخامات مفيش تنوع كبير فى الخامات و كله تقريبا عنده نفس الخامات
رابعا اتفقت على التركيب بسعر 280 جنيه و بدأت عمليه التركيب اسيبكم بقا مع الصور و كفايه كلام كده ( :
http://img11.imageshack.us/img11/425...0818154236.jpg
http://img850.imageshack.us/img850/9...0818154218.jpg
http://img688.imageshack.us/img688/5...0818152649.jpg
http://img687.imageshack.us/img687/4...0818152708.jpg
http://img155.imageshack.us/img155/1...0818152925.jpg
http://img839.imageshack.us/img839/1...0818152943.jpg
الصوره اللى جايه من بعيد شويه و الجلد مش باين تحس ان مفيش حاجه راكبه
http://img705.imageshack.us/img705/1...0819122310.jpg
دى صور تانيه من قريب
http://img843.imageshack.us/img843/8...0819175746.jpg
http://img222.imageshack.us/img222/8...0819175856.jpg
http://img225.imageshack.us/img225/8...0819175955.jpg
بس خلاص كده الحمد لله
ايه رأيكم يا شباب يا ريت تعليقكم و تقييمكم للعربيه بعد ما ركبت الجلد
السلام عليكم و رحمه الله و بركاته