فعلا اسعار الصنى المستعمل او كسر الزيرو ارتفعت فى الفترة الاخيرة غير من 5 سنين
وده سببه الانتشار والاقبال وتوقف انتاج الشكل القديم وطول فترة انتظار الحجز فى الشكل الجديد
واكتر الطلب دلوقت على الشكل المعدل 2010-2012
اولا واخيرا .. لا تعتمد على نظرتك للعربية وحكمك عليها طالما لا توجد خبرة سابقة مع الصنى يعنى ممكن تقدر تكتشف عيوبها ان وجدت لما تسوقها ..
افضل انك تكشف عليها فى التوكيل والموضوع مش مكلف يعنى تقريبا 300ج
بالنسبة للسعر هو ممكن ينزل كمان 2-3 الاف ج
وممكن تضغط عليه لو الكاوتشات مش متغيرة او منتهية الصلاحية (فات على انتاجها مثلا اكتر من 3 سنوات - واظن انه ما غيرش كاوتشات الزيرو لأنها ماشية 53 الف كم ) .. طقم الكاوتش لوحده النهاردة يعمل من 2000-2500 ج
وعندك كمان رسوم التسجيل فى الشهر العقارى تعملها 1000ج والترخيص لو رخصتها محتاجة تجديد ..
يعنى لو نضيفة وحالتها جيدة جدا ممكن تخلص على 68 الف حد اقصى .. (ده رأيى الخاص)
الف شكر يا باشا :)))
بس يا باشا انا سمعت اني قطع غيار الصني غاليه
هل الكلام ده فعلا مظبوط ؟
ومعلش عشان اسألتي كتير :)
زى ايه تحديدا ..
على فكرة القطعة الميكانيكية بالذات اللى بتتغير فى اى عربية نيسان انساها بكل ما تحمله الكلمة من معانى
غير الكورى وبعض اليابانى مثلا هتلاقى القطعة بتستهلك فى وقت قصير (مثلا واحد بيغير طنابير مع كل تغيير تيل امامى فى الفيرنا كل 6 اشهر !!!!!!!!!)
وعندك القطع الاستهلاكية اللى بتتغير بصفة دورية رخيصة نسبيا بالمقارنة مع اسعار عربيات تانية كتير
يعنى فلتر زيت 50ج
فلتر هواء 130ج
طقم سيور 250ج
بوجيهات طقم 68ج
تيل امامى 350ج
الاسعار دى فى التوكيل وهتلاقيها ارخص كمان برة بس الافضل تركب اى حاجة اصلى لأنها بتفرق جامد
عالعموم هتلاقى تفاصيل اكتر فى المواضيع التالية:
http://www.nilemotors.net/Nile/205196-a.html
http://www.nilemotors.net/Nile/157121-2010.html
http://www.nilemotors.net/Nile/265726-a.html
الف شكر يا جميل :))))