الموضوع: .... نصائح قبل متشتري كيا او اى عربية و مشاكل السيراتو المتوقعة عن تجربة ....

المشاركة الأصلية كتبت بواسطة d/farid cerato

انا معايا اختها الي هيا مرايات فولدينج صح؟؟؟

تمام مظبوط
وبخصوص العربية لما قولت لحضرتك انى هعرفك اخبار العربية
انا الحمد لله روحت بالعربية النهارده التوكيل وقولتلهم يعملوا صيانة ال5000كم
ويعملوا تشييك على العربية بالكامل ويشوفوا مشكلة الفرامل اللى عندى
وهما غيروا زيت وفلتر ولاقيت واحد من الصيانة طالع بالعربية علشان يشوف قصة الفرامل دى
ولحقته وطلعت معاه وهوا بيجرب العربية وقالى ان العربية كويسة بس قولتله انا لسه سامع صوت الصفارة دى وسألته هوا التيل اللى فى العربية اصلى قالى لأ مش أصلى
المهم انا استغربت وكلمت المهندس وهوا برده استغرب وشاف العربية وشاف انها عامله 6400كم
واستغرب انها مغيرة تيل وكمان مش الاصلى المهم نصحنى وقالى انا هعملك فحص شامل للعربية
بس هيكلفك 250ج
قولتله مافيش مشكلة المهم انها تيجى بفايدة ويشيل الشك اللى جالى من العربية
والمهندس عملى تقرير للعربية شاملة كل حاجة ولاقيت ان كل حاجة فيها جيدة من فتيس وموتور الكبس بتاعه 90% وعفشة وحالة العربية العامة جيدة ودخل العربية على الجهاز وبين انه مافيش اى error فى العربية والحساسات كلها سليمة ومافيش اى مشاكل فيها
وبودى وكتب ملاحظات انها رشة رفرف يمين امامى ورشة باب امامى يمين والتابلو فيها اثار فك اقصد يعنى انه اتفك قبل كده والمراية اليمين مرشوشة والازاز الامامى متغير بازاز مش اصلى ودى بصراحة انا اشك فيها اوى لانى لاقيت النوع والرقم بتاع الازاز زى الازاز الخلفى بالظبط يعنى شكلها مش متغيرة
المهم وقالى قصة التابلوه يعنى يقصد ان العربية ملعوب فى العداد بتاعها
وانا سألت ناس اعرفها قالولى قصة كده انا مش مستوعبها ان عندى العربية اثار الفك فى التابلو فيها موجود عند الهوايتين اللى فى يمين وشمال الكاسيت وبس ومافيش اى اثار فك تانية وقالولى ان اغلب العربيات اللى بتزل بيشيلوا الفيشة بتاعت الكاسيت بتاعها علشان محدش يلعب فيها ولما بتوصل المعرض بيفكوها ويشغلوها وانا بصراحة مش مستوعب القصة دى
بس المهندس شكرلى فى العربية بصراحة وقالى انها كويسة ومافيهاش حاجة وطلب منى انى اعمل ظبط زوايا لان العربية مع دوسة الفرامل الجامدة بيطلع صوت من الكاوتش وقولتله ماشى
وطلعت من التوكيل وروحت اعملها ظبط زوايا والراجل عملها وطلب منه انه يقيس الشاسيه بتاع العربية لربما تكون مخبوطة ولا حاجة وقالى مافيش حاجة خالص والعربية تمام
وخليته برده يعملى ترصيص وفوجئت بقى ان من حالة الكاوتش وللعلم هوا نوعه هانكوك يعتبر العربية عامله عدد كيلوهات قليلة لان الكاوتش يعتبر زيرووكل فردة فيها ظهر على جهاز الترصيص من 5 الى 6 جرام يعنى اقصد مش حاجة
دلوقتى انا محتار بردة لانى مشترى العربية دى على انها فابريقة برا وجوا وكانت ساعتها عامله 5800كم بالظبط وخليجى
والعربية فعلا بصراحة انا مرتاح فيها وكويسة وعفشتها مريحة ولانها جنط 15 وسبور
معلش طولت على حضرتك واتمنى اند تفيدنى انى اعمل ايه بعد كده من اى حاجة تانية فى العربية

اشتريتها ب104 وجبتها من واحد صاحبى كان شارىها من واحد
وصاحبى ده فوجئ باللى فى العربية لانه اشتراها بردة على انها فابريقة برا وجوا

المشاركة الأصلية كتبت بواسطة d/farid cerato

طبعا سعرها عالي بالنسبة الي قولتو قدر الله و ما شاء فعل لو مريحاك نفسيا خليها بس بشرط تكون العربية مش محتاجة مصاريف لو العربية هتصرف حاجة بيعها أفضل و للك القرار النهائي هي عربيتك من غير ولاعة صح؟

لا العربية الحمد لله مش محتاجة اى مصاريف من بعد اللى عملته
وماشاء الله عليها بصراحة
وتمام العربية من غير ولاعة ودى حاجة بايخة صحيح طيب ايه الحكمة من كده انهم مايعملوش ولاعة
وصحيح هيا العربية دى كانت تيجى فى رينج كام بالحاجت اللى كانت فيها دى

المشاركة الأصلية كتبت بواسطة d/farid cerato

عربية ديه إنتاج سعودي ذي اللي معايا و العربية ديه علي حالتها تمنها في حدود 95كويس علي أساس أنها مرشوشة

تمام هيا فعلا سعودى وشكلها فعلا اللى زى مع حضرتك بالظبط
وتمناه كده فىه زيادة 9000 ج
اوكى كويس حضرتك قولتلى الرينج بتاعها كام علشان صاحبى اللى اشتريت منه لما عرف قالى انه هيبقى فى كلام تانى فى قصة العربية دى
ومتشكر جدا جدا على مجهودك