الموضوع: .... نصائح قبل متشتري كيا او اى عربية و مشاكل السيراتو المتوقعة عن تجربة ....

مشكوررر يا باشا ..

المشاركة الأصلية كتبت بواسطة s o p h o s

مشكوررر يا باشا ..

العفو يا باشا ربنا يخليك.

المشاركة الأصلية كتبت بواسطة alu

الله ينور يا باشا وتسلم الايادى

الله يخليك ويسلمك يازعيم.


.

المشاركة الأصلية كتبت بواسطة hmotors

نصائح قبل متشتري كيا او اى عربية

نفترض مع بعض ان حد عجبته عربية كيا سيراتو او اى عربية وخلاص هيدفع مبلغ كبير فى عربية هتقعد معاه فترة طويلة سنيين طيب ضرورى نعمل الحاجات دى:

1- نتفرج على الفئة الى هنشتريها ومرحش اتفرج على الهاى لاين واشترى فئة اقل ومثلاً اكتشف الفرامل اضعف واتوقع ان عربيتى فيها مشكلة ويطلع ان الفئة الى معايا مفيهاش abs وطبعا دى نتيجة طبيعية او الاقى مستوى الفرش اقل واغلبه بلاستك واتوقع السيراتو كلها كده فضرورى نخلى بالنا كويس اوى

2- نجرب العربية كويس وتكون نفس الفئة عن طريق التوكيل اذا كان بيقدم الخدمة دى

3- نسأل اكتر من حد راكب العربية اذا فيها مشاكل وكانت بسيطة و ليها حل

4- تجربة شخصية عملتها قبل مشترى عربيتى اجرت عربية زيها وجربتها براحتى واقتنعت بكل حاجة حتى بالمشاكل فقبل مرحت ادفع الفلوس عرفت كويس هاخد ايه

5- تدور كويس على الإنترنت وتشوف تقييم الناس والمواقع للعربية قبل ماشترى مش بعد

6- التعامل بس مع توكيل العربية و المعارض المعتمدة والمضمونة ونصيحة اشترى من العربيات الموجودة متستناش حجز علشان امكانية التغيير اصعب والعربية مش قدامك علشان تتفرج عليها بدقة

7- قبل مرخص العربية احط ديما فحسباتى مش معنا العربية زيرو تبقه لازم زى الفل ومفيهاش مشاكل ضرورى تركز جدا واذا لاحظت اى مشكلة ارفض تكمل الإجراءات وكده هيكون سهل التغيير نسبياً

8- اذا ظهرت عيوب صناعة مؤكدة من قبل الفنيين فبرضه ده هيكون طبيعى ومتوقع لأن عيب الصناعة مش هيظهر والعربية واقفة فى التوكيل قبل البيع ده هيظهر بعد فترة من الإستخدام وكده هيكون نصيب ونمشى فى الإجراءات الطبيعية والتوكيل مطالب انه يحل المشكلة.

مشاكل السيراتو المتوقعة عن تجربة:

1- صوت خشونة او ورة بس مع تشغيل التكييف وتدوس بنزين على السرعات المنخفضة المشكلة دى مش ظاهرة علطول

2- الموتور بيسقف وصوته عالى ، ضرورى نتأكد البنزين نضيف مش مخلوط ب 80 او فى نسبة مياه وشوائب نتيجة إهمال من المحطه وخزانات متهالكة وكمان البوجيهات وفلتر الهوا و البنزين و الزيت حالتهم كويسة.

3- تعليقة دراع النور وساعات مع العالى والفوجات

4- العربية ناشفة فى المطبات والترزيع نسبها بتختلف من طريقة قيادة كل واحد وحالة العربية والشوارع الى بتمشي فيها ونوعية العجل الى فى العربية kumho solus مش ممتازة خصوصا مع 17 لأنها مستوى متوسط

5- الفرامل ضعف شديد فى الأداء بيظهر اذا فى abs او مفيش وده بيحصل مع القيادة الرياضية والعنيفة يعنى تعلق رجلك على الفرامل لتهدية العربية من سرعات عالية بشكل مستمر وده بيخلى حرارة اجزاء الفرامل تكون مرتفعع جدا. هيحصل ايه بعد كده العربية ممكن تزحف مسافة كبيرة او مع ال abs هتسمع صوت التخبيط الى بيحصل قدام ده والعربية ممكن تخزلك مع غير المتمكنين من العربية او خبرتهم ضعيفة فى القيادة او مش متوقع الفرامل يتغير ادائها فجأه. ( المشكلة دى ممكن تظهر فى نسبة كبيرة من العربيات مش كيا بس )

6- الجنط ال 17 بالالين فى العجل من المطبات والحفر وحك العجل فى الرصيف وده محتاج حرص شديد ومش هينفع اذا حد ساكن فى منطقة فيها مدقات او شوارع مش متسفلته.

7- إستهلاك البنزين طبعا اذا العربية واقفة و دايرة مده كبيرة او فى زحمه خانقة هيظهر نسب إستهلاك عالية جدا ومش طبيعية ولما تمشى على سرعات عالية فوق ال 140 برضه الإستهلاك مرعب ( المشكلة دى ممكن تظهر فى نسبة كبيرة من العربيات مش كيا بس )

8- قربة مياه المساحات اذا كانت فاضية مده كبيرة ممكن بعد متملاها موتور دفع مياه المسحات يعلق وميشتغلش ويظهر صوته على الفاضى علشان كده دايما اتأكد انها مليانه ومتشغلش المساحات خالص والقربة فاضية

9- طقطقة ابواب العربية والتزييق كله ده من حرارة الشمس المباشرة بنسة كبيرة او المشى المستمر فى شوارع غير ممهدة والمطبات والحفر وغسيل العربية بضغط ماء مباشر وشديد وصابون بيضيع كل التشحيم وده مش العفشة بس فى شحم لأدرعة الأبواب والمفصلات وحاجات كتير.

10- ظهور تشققات على الفوانيس الأمامية، متغسلش العربية بجاز او بنزين او بعد مشوار طويل فى الشمس والحرارة العالية برضه اذا كنت ماشي و النور العالى شغال فترة طويلة

11- السيراتو محتاجة تعمل كل الصيانات فى معادها والعناية المستمرة و التعديل فى كهربت العربية وتركيب إجهزة إضافية وأنوار قدرتها عليا من غير وجود فنى محترف بيبهدل العربية وبيظهر عيوب اكتر


12- مشاكل الدفع الأمامى المعروفة والمنتشرة مع عدم الدراية بها والحرص (التعويم على السرعات العاليا والملفات المفاجأة وخصوصا مع وجود حفر بسيطة فى الطريق، الأحساس القوى بتعويم او عدم ثبات الدركسيون مع مطبات الهوا لما الطريق يكون فيه مرتفعات ومنخفضات حادة)

ب

تحياتى للجميع،

.

بجد يا باشا انا مية مية ووصلت لمشكلتي عدم تجربة السيارة قبل الشراء بارك الله فيك اللي ناقص حضرتك لو في حلول للمشاكل ديه ممكن حضرتك تقترحها عشان نستفيد من حضرتك

المشاركة الأصلية كتبت بواسطة D/FARID CERATO

بجد يا باشا انت مية مية ووصلت لمشكلتي عدم تجربة السيارة قبل الشراء بارك الله فيك اللي ناقص حضرتك لو في حلول للمشاكل ديه ممكن حضرتك تقترحها عشان نستفيد من حضرتك

حضرتك نسيت م؛مشكلة صوت خرطوم زيت البوار اللي بيظهر علي 30 مع التكييف و من غير تكييف اللي بظهر من ورا التابلوه كمان موضوع عدم دقة الدريكسون لقيته عند بعد الأعضاء و العزل السئ و الإحساس بالطريق في أيديك في الدريكسون تحس خشونة الاسفلت و الاكصدامات سيئة اوي بتقشر من اللمسة. و كمان علي d و r في الاتوماتيك في ذنة تحصها في العربية كلها و كمان صوت تحت العربية و انت تجيب p

المشاركة الأصلية كتبت بواسطة d/farid cerato

بجد يا باشا انت مية مية ووصلت لمشكلتي عدم تجربة السيارة قبل الشراء بارك الله فيك اللي ناقص حضرتك لو في حلول للمشاكل ديه ممكن حضرتك تقترحها عشان نستفيد من حضرتك

متشكر لذوقك، هو فى مشاكل منها ليها حلول والأخوة الأعضاء كتبوها تفصيلياً فى مواضيع سابقة والحاجات الباقية لازم الحرص والوقاية.

المشاركة الأصلية كتبت بواسطة d/farid cerato

حضرتك نسيت م؛مشكلة صوت خرطوم زيت البوار اللي بيظهر علي 30 مع التكييف و من غير تكييف اللي بظهر من ورا التابلوه كمان موضوع عدم دقة الدريكسون لقيته عند بعد الأعضاء و العزل السئ و الإحساس بالطريق في أيديك في الدريكسون تحس خشونة الاسفلت و الاكصدامات سيئة اوي بتقشر من اللمسة. و كمان علي d و r في الاتوماتيك في ذنة تحصها في العربية كلها و كمان صوت تحت العربية و انت تجيب p

الصراحة العزل مش الفئات كلها، وفى حاجات نسبية مش ظاهرة عند كل الناس. و شكراً على الإهتمام و الأضافة

.