معلش انا اسئلتى كترت
مرفق صورة لماتور عربيتى وكنت عايز اعرف شوية حاجات فيه
فين الايدل
والبوابة
الرشاشات
وليه مفيش عمة ؟؟؟
وازاى انظف قاعدة الكتاوت ؟؟؟؟
[IMG]http://im12.gulfup.com/2012-08-21/134550831691.jpg[/IMG]
عرض للطباعة
معلش انا اسئلتى كترت
مرفق صورة لماتور عربيتى وكنت عايز اعرف شوية حاجات فيه
فين الايدل
والبوابة
الرشاشات
وليه مفيش عمة ؟؟؟
وازاى انظف قاعدة الكتاوت ؟؟؟؟
[IMG]http://im12.gulfup.com/2012-08-21/134550831691.jpg[/IMG]
:brn::brn::brn::brn::brn:
-عارف خرطوم فلتر الهوا اللي راكب عليه الماف؟؟ اخره من فوق او من اليمين بعد ماتفكه هي دي البوابه عباره عن اسطوانه وفيها لسان مزدوج بيفتح ويقفل مع دواسه البنزين
-ليه عربيتك مالهاش عمه؟ ربنا عاوز كده ..يعني تكنولوجيا احدث واحمد ربنا
-الايدل مش متاكد من مكانه بصراحه لاني مش بشوف الموتور ده كتير كل احتكاكي بال1600
-قاعده الكتاوت تتنظف بالبنزين بس خلي الكهربائي يعملها احسن
ده موتور 2000 سى سى
انا هاسحب الصورة
و اعلم عليها
و ارفعها تانى
في الانتظار يا كبير
ال٢٠٠٠ سى سى مفهوش عمه لأن الانجكشن فيها تطور ومعدش احادى زى ال١٦٠٠ يعنى عندك ٤ رشاشات ومش هتعرف تفك الانجكشن لوحدك بس ممكن تنضف الايدل عادى والبوابات وطنانى باشا سبقنى وهيعلم على نفس الصوره ويضيفها تانى بس من الملاحظ ان مصفحة الفرن مش راكبه عندك وانت مغير وش السلندر ده مش بتاع فيكترا بى ده بتاع فيكترا A وسلوك البوجيهات دى لازم تغيرها وتركب بتاعت الفيكترا A او الدايو ده تلاقى الحراره خلصت عليهم سلوك بوجيهات فيكترا A فيها عازل حديد اللى مش موجود فى سلوك الفيكترا b لأن وش السلندر فى الفيكترا b خارك منو المواسير العازله اللى كانت فى الوش القديم وواضح ان عربيتك سليمه بس محتاجه قربة مياه وغطا لان شكلها عندك متغيرتش من فتره ومحتاج كهربائى نضيف يعزلك ضفيرة العربيه لأن كل المواسير البلاستيك اختفت ....
هو في كهربائي بيعمل الحاجات دي؟ .. أنا بيطلع عيني من الصنايعيه اللي يفك المواسير العازله اللي على السلوك دي أو القماش اللي بتتلف على السلوك .. أنا بحاول على أد ما أقدر ألف القماش ده لما يفك .. و أسيب المواسير العازله .. بس بلاحظ ان الصنايعيه مبيهتموش بالحاجات دي خالص.
للأسف الصنايعيه المحترمه خلصو من زمان بس انت ممكن تعمل الكلام ده بنفسك الروندله القماش اللى زى شريط اللحام بتتباع ومش عايز اقولك الكلام ده مهم ازاى بس طبعاً تفهم مين تتكلم ساعه والرد يكون ما احنا على طول بنعمل كده ومبيحصلش حاجه او لو حصل حاجه يبقى عندى وطيعاً هتدخل فى حوار مشبع بالجهل والتخلف واى عربيه فى مصر فى صنيعى يحط ايدو فيها لازم تلاقى بصمه من شريط لحام اخضر على كوبري بسلك اصفر على كوليهات النحاس ومسامير الشك والسلوك الحديد المربوط بيها اى حاجه فعلاً الصنعه ماتت فى مصر ونادر لو لاقيت واحد بيفهم ٣٠٪ لأن كل اللى بنتعامل معاهم وبنقول كويسيين كل الموضوع انهم حافظين وربنا يتولانا بجد فى البلد دى
عندك حق والله يا احمد كل اللى بنتعامل معاهم شوية بصمجيه هقولك مثال,,,, العربية عندى لمبة التيشك نورت فروحت للميكانيكى اقولة ايه الحوار ده يروح مشاورلى على الماف وهو مش عارف اسمة ويقولى هات الحاجة ديه من بداية الفلتر لحد البوابة وهى هتبقى تمام,,,,,, لحسن الحظ اخويا بيظبط الايديال والفيشة بتاعتة اتقطعت منة راح جابها من الوكالة وركبها اللمبة اتطفت,,, شوفت بقى كله بيفتى وخلاص وبيتعامل مع اللى ادامة على انة مش فاهم ويفضل يعمل عليك حوارات وانا اللى هديت الهرم وبنيتة تانى و و و
وربنا يرحمنا من فهلوة الميكانيكية
اسف على التأخير لبعض الظروف عندى
و يا عم احمد
اتكل على الله
هو الخير فيه استئذان
السلام عليكم
1-كما موضح الايدل كنترول وده بيتفك بمفتاح الين هو راكب بمسمارين بس خلى بالك بعد الفك والتنظيف لازم تغير جوان لأن مش هينفع الجوان القديم وده اى حد يعملهةلك بتاع جونات بجنيه والايدل هتروش جواه بعد ما تفكو وتروش فى مكانو روش بكميه لحد ما الهباب اللى بينزل يختفى
2-البوابه جوه المكان الموضح هتفك الكوليه الحديد بمفك وتفك الجزاء الكوتش الاسود هتلاقى جوه بوبابه حديد عليها هباب هتجيب اسبراى بتاع الكربراتير وتروش جوه وتخلى حد يدوس بنزين عشان تفتح وتروش تانى
3- ده الرشاش وفى 3 على نفس الصف ومتحاولش تفكهم وكل ده انت مش لازم تعملو بنفسك بس عند الميكانيكى تبقى عارف بيعمل ايه ولمى يعرف انك فاهم هيحترم نفسو والله المستعان
http://i49.tinypic.com/2qibnk7.jpg
وزى ما وضحتلك سلوك البوجيهات اللى عندك لازم تتغير اللى غير الوش واضح انو معندوش خبره هتروح لبتاع قطع الغيار وتقولو عايز سلوك بوجيهات فيكترا 1994 لأن الوش اللى راكب عندك 1994هتلاقيها حديد من عند الفرن ودور على المصفحه دي مهمه جداً غالباً سلوك البوجيهات ساحت من جوه وهى اللى مبرجله العربيه ده طبيعى
الف شكر لكل اللى رد
والف شكر لمجهود الاخوة فى التوضيح على الصورة
بس يا استاذ احمد انا فهمت كل حاجة ما عدا موضوع المصفحة ده انت قصدك المصفحة اللى من تحت ولا حاجة تانية
ده مش وش 94 خالص
هو متشال مصفحة الفرن بس
بس دى مش مشكله قوى
طناني باشا ده وش ٩٤ النص السفلى من غير الجزاء العلوى اللى هو حديد عندك وهنا فبر وش الفيكترا بى خارج منو مواسير البوجيهات وده مفيش منو استيراد كل الاستيراد ٩٤ ومتعصبنيش:I_angr1[1]: شوف صورة متور فادى وانت تعرف الفرق هو نفس الشكل ١٦٠٠ و ٢٠٠٠ فيكترا بى عشان كده هو لازم يغير سلوك البوجيهات لنفس السلول اللى عندك لأن السلوك بتاعت البى معدش ينفع تركب عندو هتلاقىيها متحمصه وبتهرب كهربا حالياً
وادي صوره موتور فادي للمساعده...
http://www.nileup.com/uploads/13465986391.jpg
كما موضح فى متور فادى باشا فى مصفحه عازله للحراره فوق الفرن وده مفكوك من عندو وخارج كن الوش نفسو مواسير العزل للحراره يعنى زى ما انت شايف يا فادى عندو سلوك البي مكشوفه لأن وش ال a اللى راكب سلوكو هى اللى بتيجى بالعازل الحرارى هعلم عليها واضيفها
شرح مع الصوره والله المستعان
http://i47.tinypic.com/33w5jxd.jpg
http://i47.tinypic.com/33w5jxd.jpg
ده موتور 1600 مش 2000
و انا عايز المصحفه دى
تسلم ايدك ياحمد باشا ,جزاك الله خيرا
طنانى باشا غلطه تانيه لك وهنسحب موضوع منسق ده وهتبقى عضو عامل :3_3_102[1]:ما انا كاتب ال1600 وال2000 نفس الوش فى عزل البوجيهات ونفس المصفحه يعنى اتعب نفسك واقراء وخلى بالك انا بركب فيكترا من اول ما نزلت وكل الفيكترا كانت عندى وفككتهم كلهم وغيرت وش سلندرات وعدلت حاجات فبلاش تعصبنى :I_angr1[1]:تانى كده عليك 2 اختار منهم عزومة غدا ليا انا وفادى والتانيه عشا فحاول متورطش نفسك تانى :B4_611:
لأ بقى
انا اللى علمت عليك المره دى يا عم احمد
خرطوم السخن اللى داخل للفلتر استحاله يكون موجود فى 2000 سى سى سواء ايه او بى
لأنه هيدى قراية غلط لحرارة الهو اللى داخل الماف
و ساعتها مش هتبقى عربيه
هتبقى كارو
طيب تقل جيبك
و اتصل بالعربى
قوله انا من طرف الطنانى و عايز الترابيزة المخصوص
و انا عزومتى هتبقى فول و طعمية متقلقشى يعنى
طيب ايه رأيك فى الحوار يا فادى
طب صاحب الموضوع ملهوش نصيب ولا حاجة :)))
تعالى معاه
ده احنا هناكل اكل