أغرب مجموعة أعطال شفتها في حياتي ... C 4

**zeyad2010** · 21-08-2012 03:40 AM

قابلني أغرب عطل في حياتي منذ قليل علي الطريق ، السيارة .c 4 موديل ٢٠٠٥ وعامله ١٢٢٠٠٠ كلم ، وحالتها مستقرة وتمام ، وفجأة حدثت مجموعة الأعطال التالية في غضون ٣٠ ثانية وبنفس الترتيب كالآتي :
١- زمارة الألارم واتكتب علي شاشة الأعطال breaking system faulty مع إضاءة شعار الهاند بريك علي شاشة السرعة .
٢- اتكتب بعدها علي طول abs system faulty وكمان شعار ال abs تمت اضاءته علي شاشة السرعة ..
٣- بعد كده ظهرت جملة air bag system faulty علي شاشة الأعطال وإضاءة شعار الأير باج علي شاشة السرعة ..
٤- واللي هايجيبلي جلطة بقي ان كلمة gearbox faulty ظهرت والسرعة ثبتت علي السرعة التالتة وحلفت ماتغير ولا مانيوال ولا اوتوماتيك ..
٥- وفجأة مع إضاءة كلمة service وكلمة stop اختفت ارقام السرعة من علي شاشة السرعة وظهرت مكانها تلات شارطات - - - وايضاً اختفي رقم ٣ من علي عداد ال rpm وهو الرقم الدال علي السرعة في الفتيس وحل محلها شرطة - ؟؟؟!!! وباقي البيانات علي الشاشتين تعمل جيداً ( عداد البنزين،الحرارة، سرعة دوران الموتور ، ...).
٦- هناك أشياء مصاحبة حدثت ايضاً زي ان صوت الباور كان عالي وبينخفض مع دوران عجلة القيادة في اي اتجاه وكمان العربية كانت ماشية عادي بس عال تالت فقط وبعد ظهور عطل الجير بوكس بدأت تنقل للرابع وتنزل للتالت بس .
بعد ال ٣٠ ثانية السود دول الأعطال فضلت موجودة ولم يتغير اي شيئ وقمت بتجربة حاجات كتير ؛ بطلت العربية دقيقتين ودورتها تاني ؛ فصلت البطارية خالص لمدة ٥ دقايق ووصلتها تاني ؛ حتي كمان جربت المفتاح الإحتياطي ،،،،،،
ملحوظة : تم تغيير البطارية منذ ٢٠ يوم تقريباً بأخري فارتا جديدة من عند غطاطي ..
لو حد فهم حاجة بقي يقوللي عشان انا هاموت بالجلطة شكلي كده ....
عموماً العطل ظهر الساعة ١:٠٠ الفجر تاني يوم العيد وانا في محاولة بائسة اتصلت بالمهندس إيهاب جلال الساعة ١:٣٠ الفجر ولكنه مشكوراً تفضل بالرد علي في يوم وفي وقت زي ده واتسع صدره لأنه يسمع الحكاية العجيبة دي كلها ونصحني اعمل تجربة بسيطة تاني يوم الصبح وهو اني أدور العربية وامشي بيها مسافة ٢٠ او ٣٠ كلم وانور كل مصابيح السيارة واشغل التكييف .. يعني تقريباً احاول استهلك في كهربة السيارة لإن ده ممكن يكون بسبب وجود كهرباء زيادة فا بالطريقة دي يتم استهلاكها وتنتهي المشكلة ..
ودي كانت وجهة نظره وطلب مني ابلغه بالنتيجة ويا رب يكون هو ده الحل.
وأخيراً يا ريت لو حد عنده نصيحة مايبخلش بيها عليا وانا لو حصل اي جديد هابلغكم ومشكورين كلكم وكل عام وانتم بخير

**exact** · 21-08-2012 04:53 AM

لا اعتقد في موضوع كهربا زيادة وخصوضا ان البطارية الجديدة فارتا
ولكنى اعتقد يوجود فيشه رئيسية سابت او اتفكت اثناء تغيير البطارية... او مثلا ممكن البطارية تكون زانقة عالسلك

**eng.m7md.ali** · 21-08-2012 05:21 AM

انا مش بفهم في الكهربة اوي
بس حصلت لابن عمتي في الميجان ان الفتيس بيهيس ومش بينقل غير اول وتاني بس بعد تغيير البطارية بردو
روح لكهربائي خليه يشوف البطارية وده حل بسيط جايز يكون منه العيب
وان شاء الله خير

**titos_81** · 21-08-2012 07:47 AM

متابع والله يعينك على السيتروين

**Hossam_hassan4** · 21-08-2012 09:14 AM

المشاركة الأصلية كتبت بواسطة exact

لا اعتقد في موضوع كهربا زيادة وخصوضا ان البطارية الجديدة فارتا
ولكنى اعتقد يوجود فيشه رئيسية سابت او اتفكت اثناء تغيير البطارية... او مثلا ممكن البطارية تكون زانقة عالسلك

+++++++++1

**Mohab.Nabil** · 21-08-2012 02:10 PM

المشاركة الأصلية كتبت بواسطة exact

لا اعتقد في موضوع كهربا زيادة وخصوضا ان البطارية الجديدة فارتا
ولكنى اعتقد يوجود فيشه رئيسية سابت او اتفكت اثناء تغيير البطارية... او مثلا ممكن البطارية تكون زانقة عالسلك

+1

الكلام ده الاقرب الى الحقيقة فعلا

لأن صعب اوى ان كل الحاجات ديه تضرب فى وقت واحد .. ديه حاجة شبه مستحيلة خصوصا ان حضرتك بتقول ان العربية مستقرة و حالتها كويسة

فأغلب الظن ان فيه مشكلة فى فيش الكهربا خلت العربية كلها تهيس و يحصل تداخل

حضرتك اكد على كل الوصلات كده تانى و ان شاء الله خير

**zeyad2010** · 21-08-2012 05:57 PM

أنا صاحب الموضوع ده يا جماعة وعلي فكرة انا جربت الإقتراح بتاع المهندس إيهاب جلال إنهارده الصبح واللي حصل كالآتي :
١- عند بداية تدوير السيارة ظهرت جميع الأعطال كما في السابق تماماً وقمت بالتحرك بالسيارة وإضاءة جميع الأنوار حتي نور الصالون وكمان شغلت التكييف علي اسقع حاجة وشغلت الكاسيت علي اعلي حاجة ومشيت لفترة علي سرعة ١٤٠ كلم / ساعة لمسافة ١٥ كلم واثناء كده اختفت جميع الأعطال بشكل مفاجئ وبدون ترتيب ، فقط اختفت وأداء السيارة اصبح طبيعي وسلس تماماً كما في الأوضاع العادية ،
كلمت المهندس إيهاب وشكرته جزيل الشكر علي مساندته الجميلة
ومرة أخري أشكر كل من ساهم بالرد علي الموضوع أو حتي بالقراءة لإن بالشكل ده هنساهم في انتشار السيارة وده هيعم علي كل المالكين للسيارة بالفوائد العظيمة وكل عام وانتم بخير

**Mohab.Nabil** · 21-08-2012 07:28 PM

المشاركة الأصلية كتبت بواسطة zeyad2010

أنا صاحب الموضوع ده يا جماعة وعلي فكرة انا جربت الإقتراح بتاع المهندس إيهاب جلال إنهارده الصبح واللي حصل كالآتي :
١- عند بداية تدوير السيارة ظهرت جميع الأعطال كما في السابق تماماً وقمت بالتحرك بالسيارة وإضاءة جميع الأنوار حتي نور الصالون وكمان شغلت التكييف علي اسقع حاجة وشغلت الكاسيت علي اعلي حاجة ومشيت لفترة علي سرعة ١٤٠ كلم / ساعة لمسافة ١٥ كلم واثناء كده اختفت جميع الأعطال بشكل مفاجئ وبدون ترتيب ، فقط اختفت وأداء السيارة اصبح طبيعي وسلس تماماً كما في الأوضاع العادية ،
كلمت المهندس إيهاب وشكرته جزيل الشكر علي مساندته الجميلة
ومرة أخري أشكر كل من ساهم بالرد علي الموضوع أو حتي بالقراءة لإن بالشكل ده هنساهم في انتشار السيارة وده هيعم علي كل المالكين للسيارة بالفوائد العظيمة وكل عام وانتم بخير

الف مبروك يا باشا و الحمد لله الموضوع طلع بسيط و العربية رجعت لحالتها

و المهندس ايهاب فاهم ماشاء الله و عارف العربية كويس

العفو يا باشا و نتمنى نشوفك معانا فى القسم على طول