اول يوم العيد كنت عند قرايبي كالعادة زي اول كل عيد متجمعين
اكلنا ووقفت في البلاكونة شوية لقيت العيال الصغيرة بتلعب بالصواريخ
وطبعا بيرشو على بعض الفوم اللي في الانبوبة ده وانا واقف براقب العربية عشان عارف حركات العيال دي
وكل شوية ازعقلهم يبعدو عن العربية يروحو رايحين بعيد شوية ويرجعو تاني يلعبو قريب منها وازعق تاني ويطلع ابو عيل من العيال يقولي ماتخلي العيال تلعب وتنبسط يا استاذ
وانا اسكت واقول اهو عيد وهيعدي وخلاص
لحد كدة تمااااام اوي والدنيا حلوة
جالي كباية شاي ليا انا وابن خالتي وقاعدين نتكلم عادي جداً ومش واخد بالي من العيال
وفجأة
لقيت كاوتش العربية مولع
اتاري العيال بتلعب ورشو السبراي اللي عامل زي الصابون ده على الكاوتش وحوالين الطاسة كأنه بيلمعلي الكاوتش ههههههههههههههههههههههههه هههههههه
محستش بنفسي غير وانا تحت بجري على العربية .. مش عارف انا نطيت من البلكونة بقى ولا نزلت على السلم ولا ايه
جريت ووصلت للعربية وطفيت الناس دي برجلي لانها كانت خفيفة
والعيال الصغيرة بتتفرج
سألت مين اللي عمل كدة قالولي الواد ده
وبووووووووووووم
اديته قلم حسيت ان وشه فرقع في ايدي من قوته
الواد اترمى بعيد عني حوالي 2 متر ولزقته في عربية تانية كانت راكنه
قعد يعيط كتير وقولته روح ناديلي ابوك .. طبعا مجاش تاني ولا بعت ابوة لانه لو كان جيه واتكلم معايا كلمة اقسم بالله كنت هديله باللي في رجلي
شيكت على العجلة ولقيتها تمام مفيهاش حاجة واللي كان بيولع هو السبراي وبس
وقولت الحمد لله على اللي حصل وكويس اني خدت بالي والموضوع مكبرش
طبعا الدروس المستفادة كالآتي :
-متخليش حد يلعب جنب عربيتك مهما كان مين
-متسمعش كلام حد يقولك خلي العيال تلعب والكلام ده وخد موقف
-اوعى تخلي اطفالك يعملو كدة
-واوعي تخلي اطفالك يلعبو بالصواريخ والبومب
وحسبي الله ونعم الوكيل في العيال واهاليهم واللي بيبعلهم الصواريخ دي