ازيكو يا رجالة
هبوط ارضي لبست فيه العربية و خرجت سليمة الحمد لله .. فردة كاوتش بس " حبلت " او عملت زي باللونة كده !
الفردة لسه شاريها من اسبوع و دافع فيها 700 جند .. حرام بصراحة
فيه ناس قالولي بتاع الكاوتش بيعملها و ناس قالولي انسي و لازم تغيرها:36_1_61[1]:
حد عنده خبرة؟!!!
و الله اللى اعرفهاقتباس:
المشاركة الأصلية كتبت بواسطة hegazio
ان موضوع البالونة ده خطر جدااااااااااااا لان البالونة دى جزء ضعيف فى الكاوتش و معرض للانفجار فى اى لحظة
لازم تفكها و تركب مكانها الاستبن فورا
و تشترى فردة جديدة
هيا نوعها كان ايه؟ و لو غالية المفروض عليها ضمان لان مش المفروض يحصل فيها ده و هيا جديدة خصوصا لو نوع محترم حتى لو الخبطة عنيفة لان الكاوتش لسه جديد و مرن
يا عم كل ضمان و انت طيب
طب فيه رأي تاني ؟
خليها استبن
حتي لو استبن برضه غلط
باشا ده كاوتش وانت ماشي علي هواء
ربنا يعوض عليك في تمنها هات فردة غيرها حتي لو مستعمله بس تكون حالتها كويسه وربنا يعوض عليك
يا جماعة فيه ناس بتقول ده هوا دخل بين السلك و الكاوتش الخارجي
و الحل
نخرم من ناحية البالونة كأنها اتخرمت و نلحمها بلحام داخلي
حجازيو باشا رفيق الفلونس :)
بص لو زي ما بيتقال يبقى لو فسيت الكاوتش للاخر المفروض ان البالونه تفضل منفوخه او على الاقل لما الكاوتش يفسي خالص ويعاد نفخه يرجع سليم . عموما جرب لكن لو رجعت تاني يبقى مافيش حل للاسف لازم تغيرها حفاظا على سلامتك .
فيه سؤال مهم جدا ..... ازاي الواحد يعرف لو كان فيه بالونه في الكاوتش بس من الناحيه اللي جوا ((ناحيه العربيه)) ؟؟
ههههههههاقتباس:
المشاركة الأصلية كتبت بواسطة ahsd2000
تصدق سؤال فالجون!!!
علي كده ممكن كتير يبقو مبلننين و هما مش عارفين:wink10:
ربنا يعوض عليك
فى مصر وشوارع مصر ومطبات مصر
حرام ياجماعة يندفع فى فردة كاوتش 700 جنيه
باشا سيبك من قال و قولنا
لأن اي حل هيبقي زي اللي عربية شاسيه ضاع و تم اصلاحه بدل تغيير يعني و لا تسأل ظبط زوايا و لا سرعة و لا اي حاجة
طالما الكاوتش عمل بالونه خلاص ربنا يعوض عليك فيها
و طالما بتقول من فتحة في الارض فده غالبا ان الكاوتش بدل ما يتقطع نظرا لأنه جديد و من التمن يبدو انها ما شاء الله نوعية نضيفة و بالتالي استحمل و السلك اتأثر لكن الكاوتش حجزه من الخروج
في اي عجلة عادية او صغيرة كنت لقيت الكاوتش السلك طلع برة و جابت ع الارض
فغيرها ياما تشوف المكان اللي اشتريت منه جايز يغيروها و بسعر اقل
و اتفضل الموضوع ده تفاريح كده :)
http://www.nilemotors.net/Nile/232923-a.html
تصدق قفلتني يا عم أكسيل !
يعني خلاص كده .. الكاوتشة اللي لسه شاريها .. دي الألوان لسه عليها !!!!!!!!
أاااااااااااءءءءءءءء
البالونة او ايا كان اسمها بتبقى عبارة عن delamination او انفصال فى طبقات الكاوتش عن بعضها نتيجة خبطة جامدة وفى الحالة دى انسى اى حل لها هيبقى افتكاسة مصرية pure ملهاش اى لزمة وممكن تعمل مشكلة لأن ببساطة دة جزء ضعيف فى الكاوتش ممكن من اى حاجة يفرقع
اما السؤال بتاع لو بالونة طالعة من جوة تعرف ازاى هتلاقى العربية فى السرعات الواطية ماشية تعرج وفى السرعات العالية هتعمل vibration عالى
نوع الكاوتش اية؟؟؟؟؟
ربنا يعوض عليك
يافندم قدر الله وما شاء الله فعل
استعوض ربنا في الكاوتش مش فرقت جايبه من اسبوع او سنه
اعرف حد حصل معاه زيك كده الكاوتش فرقع والبطاحة طلعت ضربت في الكابوت
وكانت العربية هتتقلب وفضل بعدها واقف ساعة عشان حد يساعده بكوريك
عشان يروح بس يلصهم العربية عشان يعرف يرجع بها
احمد ربنا وفي داهية تمن الكاوتش المهم سلامتك
للأسف :(اقتباس:
المشاركة الأصلية كتبت بواسطة hegazio
ربنا يعوض عليك و احمد ربنا ان الكاوتش منفجرش ساعة الصدمة و الا كنت هتلاقي العربية بتقول انا جدع و لا السكران اللي ماشي بيخبط في كل حاجة
للأسف كده بخ خلاص...........و متسمعش للفتي المصري.
و ده مش عيب كاوتش بتاتاً.......ده عيب شارع.........أو بالأصح............عيب بلد
يا بلد مجبتش شارع
ربنا يعوض عليك.
محدش عرف الكاوتش نوعه ايه
البالونة ده خطر....
.فتحت الكاوتشة من جوة طلعت مشقوقة من الصلب اللي جوة شقين.. لو واحد بس كان ممكن نعمل لحام
الغريبة ان الراجل طلع عارف الحتة الهبوط دي.. و استغرب ان اللي حصل باللونة بس...لأن العربيات اللي جتله كلها كاوتش متفرتك و جنوط معووجة او مكسورة
كاوتش نوعه Nexen HD n.blue
لو دورتو عليه حتلاقو reviews ممتازة عنه..و الاهم ان سعره معقول
اقتباس:
المشاركة الأصلية كتبت بواسطة hegazio
زي ما قولتلك القطع داخلي لكن الكاوتش جديد و يبدو ان نوع ما شاء الله نضيف فحجز القطع عن الخروج و الكاوتش يتقطع و كويس ان ده ميحصلش منعا لمشاكل للجنط او العفشة
موضوع البلالين دة من الحاجات اللى مقلقانى اجيب نوع غالى البس نقرة تجيبلى بالونة يبقى لبست الفردة واترمت الفلوس
لسة كنت بسأل النهاردة على الانواع والاسعار دخل واحد بمرسيدس e240 2012 لبس حفرة فردة اتقطعت فاداخل يشترى فردة واحدة -235/45/17
بالنسبة للبلالين أنا عندى حصل بالونة فى الكاوتش الخلفى بس البالونة دى كانت فى المداس نفسه يعنى زى ما تقولوا حتة عالية وبارزة لكن من برا مكنش فيها حاجة الفردة بس كان ليه تأثير كان بيخلى العربية زى ما يكون مرجحية وأنا ع السرعات البطيئة لما غيرته اتظبطت الدنيا
لو عايز تعرف الكاوتش فيه بروز ولا لا بص من برا عليه ولو عايز اللى جوا ومش عايز تفك الكاوتش مشى إيدك عليه لو عايز تعرف كل المداس ممكن ترفع العربية بالكوريك أو تشوف الجزء اللى مش لامس الأرض بإيديك وتركب العربية تمشى حاجة بسيطة قدام أو ورا وتشوف الباقى
غالبا ملهاش حل
فلنفرض إنه هواء ودخل زى ما قال الأستاذ حجازيو المفروض أول ما تفش الكاوتش وتطلعه برا ممكن الهواء يفضل محتفظ جوا البالونة دى لكن مش كتير وهيفضى برضه وبعدين كدا الكاوتش يبقى حصله تمزق أو تقطع فى جزء معين وغالبا بيبقى صعب تعمله وجرب وشوف حطله رقعة وأعمل الحركة اللى انت قلت عليها ما هو كدا كدا بايظ
للعلم الكاوتش اللى عندى كان متهالك وكان ماشى 107 ألف كيلو والبالونة اللى ظهرت دى أكيد بسبب إنه خلاص تعب
وأنا معرفتهاش إلا لما أتخرام ورجعت لقيت العربية بتريح كنت فاكره خرم عادى لكن اتضح إن البالونة اتشقت وكانت فى بداية الانفجار لو كنت مشيت بيه على سرعة عالية ولكن الحمد لله ربنا ستر
عشان كدا بقول لحضرتك فكك منه