-
سؤال في الفتيس
سيارتي بها فتيس 5 سرعات لكن المشكله أن السرعه الخامسه أقل من السرعه الرابعه يعني بتدي عزم أكبر و سرعه أقل تقريبا مساويه للسرعه الثالثه . الموضوع دة تقريبا من ساعه شراء السيارة . فكنت بأمشي على الرابع وأجيب 110 تقريبا ومكنتش بأعتمد على الخامس خالص. لكن الاخوة في المنتدي هنا حذروني من المشي بسرعه تتعدي ال90 على الرابع في الفتيس الخمس سرعات بسبب ما يسمي بنسب التخفيض الخاصه بهذا الفتيس. المهم حاولت أعرف أيه السبب في أن السرعه الخامسه أقل من السرعه الرابعه معرفتش. لحد ما أحد أصدقائي قاللي " أن الترس الخامس الكبير أكيد أتغير بواحد صغير"
السؤال هل هذا ممكن وهل الحل أني أغير الترس دة بواحد كبير وهل له مقاس معين أقصد ترس السرعه الخامسه ؟ انا خايف أروح لميكانيكي يفتكس أفتكاسات مدمرة أو يغيرلي الترس بترس ساعه مثلا.
على فكرة سيارتي 127 ولكم جزيل الشكر.
-
هى اصلا 127 بتنزل ب اربع سرعات فقط الفتيس عندك متعدل ببتاع فيورا خمسة سرعات يعنى مفيش مشكلة اصلا انك تستغنى عن الخامس الى لو كنت بتسافر بالعربية الحل انك تروح لميكانيكى تخصص فتيس مش اى ميكانيكى وتخليه يكشف عليه بس للآسف مش هعرف افيدك تروح لمين لأنى مش من القاهرة
-
الف شكر ليك. بس هو فيه ميكانيكيه تخصص فتيس بس؟
-
اكشف على المعلقه الاول...والاتياش
واتاكد انك فعلا بتعششق الخامس...مش التالت
-
اعتقد مصنعية فك الفتيس و تركيبه و ثمن قطع الغيار هيكون قريب من ثمن فتيس مستعمل خصوصا من كلام حضرتك واضح ان الفتيس ده اتلعب فيه قبل كده. نصيحتى اسال على الفتيس مستعمل بكام بس بعد متروح لواحد بتاع فتيسات و شبرا فيها ناس كتير مشهورين فى الموضوع ده
-
انا اعتقدا انك بتعشق التالت مش الخامس
هقوللك على حاجة جامدة جدا جربها قبل ما تروح لحد
لو عربيتك 127 موديلات ما قبل 1985، والمارشدير عندك بييجى سوستة، يعنى لازم تدوس على العصاية لتحت ونت بتجيب المارشدير، جرب لما تيجى تعشق الخامس تدوس على العصاية لتحت كانك هتديها مارشدير وتجيبها على اقصى اليمين الأول وبعد تروح مطلعها لقدام على الخامس، يعنى متاخدش الخامس بالورب، لأ دوس على العصاية لتحت، هاتها يمين خااااااااالص وانت دايس عليها ،وبعدين طلعها لقدام
، بس طبعا وانت منتبه جدا انك تديها الخامس لقدام وليس مارشدير لورا، لأنك لو اديتها مارشدير وهى على سرعة 100 هتطير الفتيس ،
لو لقيت انها بتستجيب معاك بالطريقة دى والخامس بقى صوته ناعم يبقى فى الواقع انك كنت بتعشق تالت قبل كدة وليس خامس، وفى هذة الحالة قدامك حل من اتنين، انك تعشق الخامس دايما بالطريقة دى او انك تغير عصاية الفتيس وتجيب لها العصاية بتاعه الفيورا
لو لقيت انها مستجابتش كدة اكشف على ملعقه الفتيس الأول وغيرها لو لزم الامر
لو تأكدت ان مفيش مشكلة فى الملعقفة تأكد ان فيها بالفعل خمس سرعات وليس اربعة(فى ال127 الترس الخامس له كباية شكلها مميز واى ميكانيكى بيعرفها بالنظر)
بعد كدة ابقى خش فى موال فك الفتيس، اصل انا مش مقتنع ان ترس التالت ينفع يركب مكان ترس الخامس
-
انا متشكر جدا وان شاء الله أكشف عليه عند ميكانيكي كويس ,اجرب حكايه التعشيق على الطريقه السبعاويه وربنا يسهل و جزاكم الله جميعا خيرا وسوف أبلغكم بأخر المستجدات
Content Relevant URLs by
vBSEO 3.6.0 PL2