أرجو المساعدة ضروري بخصوص الساجا
السلام عليكم و رحمة الله و بركاتة ...
انا من الناس اللي بتحب البروتون و من سنتين و نص كدا اشتريت بروتون ساجا و كنت ماشي مع التوكيل لحد 25000 كيلو و بعد كدا حسيت انة بيبالغ اوي في الاسعار فأبتديت اعمل الصيانة برة التوكيل ... المهم جيت علي صيانة السيور نزلت سألت علي السيور لقيتها في شارع دمشق عند مكة ب 450 جنية تقريبا و كانوا الاصلي و اتأكدت انهم الاصلي لما الميكانيكي فك السيور القديمة و جة يركب الجديدة و ان السيور زيها بالظبط حتي الماركة والصناعة ... مع العلم اني لما سألت علي السيور في التوكيل قالولي 1800 جنية فدا اللي خلاني اصمم اني اركبهم برة التوكيل ... المهم من فترة كدا كنت ماشي في الشارع و ركنت و بطلت العربية و جيت ادورها تاني بعد فترة مادرتش و نقلتها علي ونش ورحت لاقرب ميكانيكي قالي سير الكاتينة نط من مكانة و قالي الحمد لله ان العربية ماكنتش ماشية ... فقولتلة طب و الحل قالي تركيب السيور في العربية دي صعب و الاحسن ان انا هاعملهولك مؤقتا و بعد كدا تروح التوكيل عشان يظبطوة بالكمبيوتر.
فاللي كنت عايز اعرفة هو اية رأيكم في الكلام اللي حصل دا و هل فعلا ماينفعش نركب السيور غير في التوكيل؟
يا ريت يا جماعة اي حد بيعمل صيانة للعربية برة التوكيل يقولي اعمل اية
و سؤال كمان اخير .... هو انا ينفع اجيب قطع غيار من برة و اروح يركبوهالي في التوكيل؟
و شكرا