طرمبة البنزين لوجان

**amr123** · 21-08-2012 06:16 PM

السلام عليكم جميعا ...
كل عام و انتم بخير و عيد سعيد عليكم جميعا

انا معايا لوجان مغربى 2009 ..قدر الله ان طرمبة البنزين باظت
انا محتاج رأى وحوش اللوجان فى نقطتين
اولا
استنتاج ان الطرمبة لازم تتغير :-
1- بصينا على كل الفيوزات
2- فكينا غطا العمة و حطينا شوية بنزين عند البوبات ..العربية دارت
3- فكينا الطربمة كلها ..لعل و عسى نخبط عليها شوية ننضفها وكده
4- كانت النتيجة بعد كل ده انها بتلقط كهربا بس ضغطها ضعيييييييييف جدا
السوال هنا ..هل فى حاجة تانية اعملها عشان اتأكد انها فعلا مشكلة طرمبة

ثانيا
1- هل حد عنده خلفية اذا كانت الطربمة بتاعتها زى اى حاجة تانية فى رينو عشان يكون عندى اختيارات اكتر للبحث او يكون ممكن اشترى قلب الطربمة فقط الموتور يعنى ..لان الحقيقة تمنها غالى شوية ب 1150 قبل الضريبة
2- واحد صديقى قالى انه كان معاه ميجان عملت معاه المشكلة دى و حلها بانه ركب قلب طرمبة بتاع نوبيرا لانه شبها بالظبط و ده بحوالى 200 جنية و العربية ماشية كويس ..ايه رايكو حد يعرف حاجة تركب عليها

و لكم جزيل الشكر يا جماعة مقدما

ا