سؤال للأعضاء...أية خريطة العربيات فى مصر بعد رفع الدعم عن البنزين ؟؟

**shaddadfalcon1** · 22-08-2012 01:06 AM

ولا هيحصل اي حاجه في اي حاجه والنناس هتفضل تشتري زي ماهي بالظبط زي ماحصل قبل كده

ياباشا انت في مصر

**michohat** · 22-08-2012 12:47 PM

الثقافه دي مش منتشرة فى مصر
الثقافة الموجوده انك تركب عربية مش عجباك ولا مستريح ليها لمجرد انها عربية بياعه وزي الجنيه الدهب
وبرضه نقول الحكومه مش هتفتح عليها ابواب تثير عليها الشعب الا لو وفرت حلول حقيقة
فاكرين مشروع الاحلال ايه اللي حصل لما اصحاب التاكسيات مشيت ورا كلام الحكومه وقسطوا ؟

**benmatar** · 22-08-2012 01:36 PM

المشاركة الأصلية كتبت بواسطة shaddadfalcon1

ولا هيحصل اي حاجه في اي حاجه والنناس هتفضل تشتري زي ماهي بالظبط زي ماحصل قبل كده

ياباشا انت في مصر

100/100
ويبقى الحال على ما هو عليه ولو قلعونا هدومنا... احنا اللي نستاهل

**Ahmed_Ramadan** · 22-08-2012 03:22 PM

http://www1.youm7.com/News.asp?NewsID=763057&SecID=24

**midnightman_74** · 22-08-2012 06:02 PM

المشاركة الأصلية كتبت بواسطة shaddadfalcon1

ولا هيحصل اي حاجه في اي حاجه والنناس هتفضل تشتري زي ماهي بالظبط زي ماحصل قبل كده

ياباشا انت في مصر

يا راجل !!!!!
دى فرنسا معظم العربيات ١٠٠٠ سى سى و ديزل كمان لان اللتر ب ١٠ جنية مصري

**Seifmando** · 22-08-2012 06:48 PM

السلام عليكم

العربيات القليلة فى الــسي سي سعرها هيعلى انما العربيات الـ 1800 فما فوق سعرها هينزل يعنى الدنيا هتمشي بالمقلوب

اسعار الاكل والشرب واجرة المواصلات العامة وكمان المترو (مع انه كهربا) والميكروباص والتاكسي اللي ماشي بالغاز (مع انه ماشي بالغاز) اسعرها هتبقى 3 اضعاف

في رأيي الشخصي ان رفع الدعم عن المستهلكين من الشعب (الافراد مش المصانع والهيئات) هتؤتي ثماره على الاجل الطويل يعني مدة مش اقل من 3 سنين ولكن فى خلال الـ3 سنين دي الموظف اللي بيقبض 1000 او 1500 جنيه اللي هو مخصص حوالى 300 جنيه مواصلات (10 جنيه * 30 يوم) سواء مواصلات شغل او مشاوير عائلية هيضطر انه يزود المخصص دا من 300 الي حوالي 600 مثلاً وبكدا بعد ما كان بيتبقى له من 700 الي 1200 جنيه فى افضل الاحوال هيتبقى لـــه فقط من 400 الي 900 جنيه

دا غير المشكلة الاكبر واللي مش كلنا حاسين بيها وهي ان الدولار عمال يزيد يوم ورا التاني صحيح بيزيد قروش بس دا الزيادة 5 قرش مثلاً فى الدولار تساوي زيادة 5% فى اسعار السلع
يعنى هنلاقيها من ارتفاع الدولار ولا زيادة الطاقة

ربنا يسترها علينا ويقدر لنا الخير حيث كان

**Astra200** · 23-08-2012 03:31 PM

المشاركة الأصلية كتبت بواسطة midnightman_74

.
يا ترى أية خريطة بيع وشراء العربيات فى مصر بعد رفع الدعم عن البنزين ؟؟

يعنى اللتر لو زاد جنية مصرى ... يا ترى أية العربية اللى هتفكر تشتريها.

ياترى هتفرق وانت بتفكر فى نوع العربية قبل ما تشترى ولا مش هتفرق؟؟

أنا بسال السؤال دة عشان دة شرط البنك الدولى لما يوافق دى القرض لمصر.

مصدر حكومى: رفع دعم السولار والبنزين بات "حتمياً" بداية العام القادم

http://www1.youm7.com/news.asp?newsi...24&issueid=168

في حلول أحسن :

تحسين السيولة المرورية وشوف دي حتوفر بنزين أد ايه وده ممكن يتم علي مراحل -- أسرع حاجة :
1- عمل محطات للسرفيس -- مع تعظيم مخالفات الوقوف العشوائي ( ممكن تتحط في صندوق الدعم)
2- ازالة الأشغالات من الطريق
3- تعظيم مخالفات الوقوف الخاطيء وبالذات في الأماكن التي تسبب تعطيل الحركة و برضه توضع في صندوق دعم الدعم)
4- تحسين النقل العام و زيادة المترو
5- الالغاء التدريجي للسرفيس بوضعه الحالي و ضمه لشركات متخصصه في النقل الجماعي لضمان جودة الخدمة والألتزام بالقوانين
6- الاسراع باستخدام السكة الحديد والنقل النهري بديلا عن النقل البري

**Ahmed_Adham** · 23-08-2012 04:13 PM

ألناس اللي معندهاش دعم بنزين عندها العربيات بنص سعر اللي عندنا عشان مفيش جمارك انما احنا اغنى من امريكا واوروبا والخليج عشان كده هندفع ضريبه وجمارك وكمان بنزين حر وغير كده نركب عربيات مهجنه معموله بمواتير مش متناسقه مع العربيه عشان تبقى تحت 1600 سي سي - أم عقده ال 1600 اللي ركبت البلد دي عايزين نخلص منها.

**shaddadfalcon1** · 23-08-2012 06:41 PM

المشاركة الأصلية كتبت بواسطة midnightman_74

يا راجل !!!!!
دى فرنسا معظم العربيات ١٠٠٠ سى سى و ديزل كمان لان اللتر ب ١٠ جنية مصري

دي فرنسا ياباشا اللي عندهم حماية مستهلك وشعب واعي لو حد ذود سعر حاجه الناس بتبطل تشتريها مش زينا لو حد حب يبيع حاجه يعلي سعرها عشان الناس تروح تشتريها قبل ماتخلص او تغلي تاني