المتور راح ولا في امل يكون حاجه تاني؟؟؟
العربيه بتعتي لانوس 2000 عامله 90 الف كيلو كانت ماشيه معايا زي الفل سحب وجري وكنت بقفل العداد بستعمل زيت موبل 1 من فتره بسيطه وشغال معايا كويس المهم سافرت بالعربيه حوالي الف كيلو حسيت ان العربيه مش بسحبها الطبيعي بعد 140 مش بتسحب كويس وبجيب 160 بالعافيه وبعد فتره من الدواسه تكون في الارض ده بالتكيف لو فصلت التكيف بتزيد شويه بسيطه مع العلم ان صوت المتور مش بيكون عالي معنديش ار بي ام في العربيه بس بسمع صوت المتور مكانش عالي والحراره طبيعيه ولو طالع مطلع علي الطريق من المطالع الطويله العاليه احس العربيه بتجهد وبتحارب في المطلع ومخنوقه خالص ومش بعرف اخد غرز بيها زي الاول بعد ما روحت ببص في الزيت لقيته نزل علي العلامه 1 لتر اللي في المقاس مع العلم انه مكملش 3 شهور متغير ومعملش 1000 كيلو ولاحظت كمان لما بزود بنزين لما بجيب الدواسه الارض والعربيه واقفه بلاقي دخان اسود بيطلع من الشكمان بسيط مش كتير والعربيه تنتش مع التزويد الشديد لاكن وهي واقفه وانا ماشي ناعمه جدا مفهاش اي تنتيش وطبعا وانا ماشي مش بلاحظ الدخانه خالص بس مع العلم كمان وانا بزود كده والعربيه واقفه بتنقط مياه من الشكمان مع العلم ان المشي جوه البلد والجري كويس خالص معنديش فيه مشاكل
لو المتور كده ابتدي ياكل زيت ويفوت اغير متور ولا اعمل عمره انا مش عاوز شغل عك في العربيه لاني بسافر كتير وبحب العربيه تكون سحابه وجرايه معايا وتكاليف العمره ايه وكفائتها ايه وتكاليف متور جديد ايه او استراد واشتغل فيه من دلوقتي ولا استني عليه شويه تاني
ملحوظه تاني العربيه عملت 460 كيلو بالتكيف وانا ماشي متوسط 130-140 استهلكت التانك كله تقريبا مكنش باقي غير الاحتياطي هل ده استهلاك كويس ولا زياده وليه علاقه بالحاصل في المتور ولا لا