هل سحب العربية اللانسر 1600 اوتوماتيك بيتأثر بالتكييف وهل فعلا سحب اللانسر الاوتوماتيك اقل جدا من سحب المانوال وبالمقارنة بكورولا هل زى اللانسر ولا ايه بالظبط؟
عرض للطباعة
هل سحب العربية اللانسر 1600 اوتوماتيك بيتأثر بالتكييف وهل فعلا سحب اللانسر الاوتوماتيك اقل جدا من سحب المانوال وبالمقارنة بكورولا هل زى اللانسر ولا ايه بالظبط؟
سحب الانسر ال1600 الاتوماتك ما يفرقش قوى عن المانوال لأنه بتكنولوجيا Cvt
انما لو 1300 تفرق كتيييير فلو عايز تجيب 1600 اتوماتك اتكل على الله لان الاتوماتك بتاعها جميل.
انا بقه عاوز اعرف يعنى ايه تكنولوجيا cvt وهل هى زى تيبروترونيك اللى موجود فى مازدا 3 ولا ايه انا عاوز اعرف ناس كتير بيعيبوا فى اللانسر وانها سيئة لدرجة انا متتقارنش ابدا بالالنترا وان الالنترا افضل منها فى كل حاجة وفى سحب العربية وتكيفها احلى بكتير عاوزين رد على الكلام ده اصل الناس كرهت الواحد فى اللانسر
زي ماقال -محمد واي- الأوتو بتاع اللانسر 1.6 قريب جدا من سحب الجير العادي لكن مشكلة الcvt إنه بيديك إحساس وهمي إن العربية سحبها ضعيف جدا
مع العلم إن اللانسر 1.6 أوتو أسرع عربية في فئتها
وللمزيد من المعلومات حول ال CVT أعمل سيرش في جوجل
وبالنسبة لعيوب اللانسر أنصحك تراجع الموضعين دول :
http://www.nilemotors.net/Nile/showthread.php?t=30191
http://www.nilemotors.net/Nile/showthread.php?t=11817
تكنولوجيا CVT يعني Continues Variable Transmission
وده معناه ان الفتيس الاوتوماتيك العادي بيحس السائق فيه بالتسارع وبعلو صوت المحرك حتى تتم النقلة ثم تهدى العربية تاني انما في CVT بيتم النقل ببكرتين بينهم حزام فولازي يتغير قطرهم وده بيخللي النقل بيتم بسلاسة شديدة دون ان يشعر بها السائق ودون أن يعلو المحرك ثم يهدأ تاني وطبعا بالبحث على النت هتلاقي تفاصيل كتير اوي عن الموضوع ده.
لكن التيبترونيك حاجة تانية لأن التيبترونيك ده معناه ان الفتيس الاوتوماتيك بيديك امكانية النقل اليدوي يعني الى جانب علامة D العادية في الفتيس الاوتوماتيك بتلاقي علامات + و - ودي بتخليك تجبر الفتيس على التواجد على نقلة محددة انت عايزها ثم تتنقل منها لنقلة تانية باختيارك (مثلا من الأول للثاني للثالث) وده بيستخدم لما يكون اللي سايق عايز يشد بالعربية ويحرق وطبعا الاوتوماتيك لا يسمح بالشد والحرق الا في حدود وعلشان كده في الاوتوماتيك بيتم استخدام Ds Drive Sport أو الكيك داون للوصول الى النقلة السابقة وبالتالي الحصول على تسارع اكبر
أما بخصوص وجود ناس بتتكلم عن عيوب العربية فدي ظاهرة صحية مفيهاش مشكلة وطبيعي ان اي عربية يكون فيه ناس مش مقتنعين بيها وكذلك بالطبع مفيش عربية من غير عيوب انما لازم لو حضرتك ناوي تشتري عربية انك تقرا كويس في المنتدى هنا وتسمع الرأي والرأي الآخر علشان تتوصل في النهاية الى تكوين رأي خاص بك من خلال كل ما قرأت آخذا في الاعتبار ان ما تقرأه هو آراء شخصية بحته لأفراد عاديين من المجتمع وليست ندوة علمية تجمع نخبة من اكبر خبراء السيارات على مستوى العالم.
وانا أؤيد الأستاذ شاهين بنز في قراءة الموضوعين اللي اشار ليهم بشرط قراءتهم بكاملهم لمعرفه الردود وآراء الآخرين وليس الاكتفاء بأول الموضوع فقط