السلام عليكم لسه زميل ليا شاري سيفيك 92 كاملو اوتو
عليها موتور 97 والعربية فابريكة بالكامل من الداخل ماشاء الله
اول حاجة نعملها ايه كصيانة عموما
وشكرا جزيلا
عرض للطباعة
السلام عليكم لسه زميل ليا شاري سيفيك 92 كاملو اوتو
عليها موتور 97 والعربية فابريكة بالكامل من الداخل ماشاء الله
اول حاجة نعملها ايه كصيانة عموما
وشكرا جزيلا
اولا هيتم تغير , سير الكاتينة + الدينامو + التكييف + الباور
بوجيهات + فلتر هواء + فلتر بنزين
زيت محرك + زيت فتيس
يعمل check up على زيت الفرامل + يقيس البطارية والدينامو
يحط السيارة على جهاز كشف الاعطال عشان لو فية اى errors أو حاجة يشيلها ويفوق الكنترول
يا ترى الموضوع ده كلة يتكلف كام؟
1200 جنية+ شامل المصنعيات
وممكن يوفر لو هيجب حاجات يابانى مش اصلى وهتبقى بردة نظيفة
دائماً جاهز بالرد على طول يا سمسم
ربنا يخليك لينا ياباشا
شكرا جزيلا سمسم بك
يا ترى في صنايعية هوندا ممتازين
في شبرا او اقرب مكان
ماعرفش حد فى شبرا الصراحة وماعتقدش ان فية حد فى شبرا او قريب منها
يعنى هو انا لازم اقسمها , ماشى ياباشا بس كدة دية الاسعار ياباشا بالتفصيل
1- سير كاتينة : اصلى : 275 جنية , يابانى ماركة صن : 165 جنية ( مصنعية تركيب : 50 جنية ) للمحرك الواحد كامة , 130 جنية - 150 للمحرك ال 2 كامة
2- سير دينامو : 55 جنية + سير تكييف = 55 جنية , سير باور = 55 جنية ( كلهم يابانى ماركة صن ) مصنعية تركيبهم مع سير الكاتينة
3- بوجيهات: هتجيبوا البلاتينيوم ngk ودية عليها عرض دلوقتى ب100 جنية لكن سعرها الاساسى 160 جنية
4- فلتر هواء : 175 جنية اصلى ماتجيبش غيرة
5- فلتر بنزين : 250 جنية اصلى , يابانى ب 135 جنية ( كويس وبيتغير عند 30000 الف كيلو )
6- زيت المحرك : شيل الاصفر ب 115 بيتغير عند 5000 كيلو , وشيل الازرق ب 210 وبيتغير عند 7000 كيلو
7- زيت فتيس : هتجيب شيل او موبيل الفتيس هياخد 3.500 لتر وهيتبقى معاك شوية سعر اللتر 28 جنية× 4 = 112
8- كشف الكمبيوتر 50 جنية
احسب بقى كدة المجموع : وشوف الدنيا
والمصنعيات بتاعة كل الليلة دية ( 200 جنية بالكتير اوى )