يا باشا تسلم ايدك و الله
عرض للطباعة
يا باشا تسلم ايدك و الله
للمعلومة.....أنا كنت غيرت شريط الإيرباج قريب فى التوكيل علشان صوت الحكة كان إبتداء يظهر و كان بيضايقنى....هو مكنش إتقطع و لا لمبة الإيرباج نورت......المفاجأة إنى لما شفت القطعة الجديدة من التوكيل كانت ماركة Valeo و صناعة تونس أى نعم صناعة تونس!!!....Valeo عندها مصنع كبير جدا فى تونس بتغذى بيه كتير فى من دول العالم بمكونات التجميع....المصنع ده متخصص فى ضفاير الكهرباء و المكونات الكهربية....
للمعلومة فقط.....الشريط الموجود فى السى دى بلاير و الماسحات الضوئية و خلافه.. مختلف شوية و ذلك لأن هذه الأجهزة لا تحتاج تيار عالى للتشغيل و لذلك بيكون رفع السلك أقل بكتير جدا من الموجود عندنا فى الميجان....و غالبا مش بيكون سلك أصلا و لكن تراكات من بودرة النحاس أو/و الألومنيوم.....لاحظ الأهم إن حركتهم بتكون فى مسار أفقى رايح راجع مع وجود طول زائد و ده بيخليهم غير عرضه للثنى أو القطع أبدا....على عكس شريط الإيرباج...هو مصنوع من أسلاك فعليه و ليس تراكات علشان يقدر يستحمل التيار....المشكلة الفعلية فى عملية الحركة الدائرية لتصميم هذا الشريط.....تخيل كام مرة حضرتك دورت هذا الشريط (الأسلاك فى هذه الحالة) فى إتجاه و بعدين لفتها فى الإتجاه المقابل مع كل لفة دريكسيون خلال فترة إستخدامك للسيارة....
نعالوا نجيب سلك واحد و نقعد نلفه على نفسه فى إتجاه و بعدين نلفه فى الإتجاه المعاكس و شوف بعد كام مرة هيتقطم.....و مع كون هذه الأسلاك مرنة إلى حد كبير و لكن للأسف لها عمر إفتراضى و بعده هتقطم و فى أكثر من نقطة مع مرور الزمن......
أعتقد دى ضريبة هذا التصميم و لازم ندفعها كل فترة زمنية فى حب ميجى......أعتبرها تيل فرامل أو زيت و لازم يتغير كل فترة زمنية حسب كثرة الإستخدام
الله يسلم حضرتك
بالفعل أنا قرأت كلمة فاليو على العلبة ولكن ما شفتش بلد الصنع ودى مش هتفرق كتير أهم حاجة عندى ماركة إيه وللأسف ماركة عالمية لكن تصميم سئ
مبدئيا شريط السى دى صغير وقصير جدا أنا قلت عايز أطول منه بس نفس الخامة طيب نفس الخامة ليه
حضرتك بتقول مش بيمر فيه تيار كهربى ههههههه يمشى فيه لحد 60 فولت
وبيستحمل درجة حرارة لحد 80 درجة سلزيوس
ومرن بصورة غبية ولو تنيته عشرين تنية وفردته تانى مش بيتقطع من جوا
غير النعومة اللى عليه من برا الشريط دا لو طويل يركب من غير شحم نهائى نظرا لنعومة وسلاسته
وإنت حضرتك عارف إن العدسة وهى شغالة بتبقى رايحة جاية بسرعة قوى ؟
الحركة الأفقية اللى حضرتك بتقول عليها دى شوف الشريط بيبقى متنى فيها إزاى مع الحرارة اللى حواليه شوف سرعة العدسة فى شد الشريط ورجوعها تانى فى أجزاء من الثانية ؟
هو جواه تراكات فضية آه بس توصيلها ممتاز جدا وأمتن بمراحل من الشريط النحاس اللى لو تنيت الشريط من برا بيتقطع من جوا !
طيب لحد كدا كويس الشريط دا لو طويل تخيل وهو بيلف عندنا فى العلبة بتاعتنا هل زاوية لفه تسمحله إنه يتقطع ؟ شوف وضعه وهو أفقى بيبقى متنى أزاى وشوف وضعه عندى وهو بيلف يا دوب على دايرة إنت فى عز ما بتكون بتحرك الدريكسيون بسرعة الشريط دا بيكون بيتحرك بسرعة أقل منك
الشريط لما طلعته من العدسة كان أساسا متنى هو وضعه أساسا متنى تنية غبية جوا لو دا ميستحملش كان اللى صنعه عمله كدا ؟
للعلم أنا طلعت الشريط دا من سى دى أسمه AOpen صينى
تعالا بقى لشريطنا التعبان لو شفت التراك اللى ماشى جواه رفيع قد إيه هتعرف إنه ميستحملش زى اللى فى السى دى التراك دا بالظبط هو هو نفسه اللى ماشى جوا المازر بورد بتاع الكمبيوتر من ورا لو شفتها قبل كدا هتلاقى تراكات نحاس ماشية من ورا عليها ورنيش لازقة فى البوردة هى دى بالظبط الشريط بتاعنا من جوا التراكات دى بيمشى فيها فى البوردة 12 فولت
تمام ؟
السى دى بيدخله مدخل 12 فولت ومدخل 5 فولت
شريطنا أحنا الأصلى بيمشى فيه والله أعلم 12 فولت برضه
تعالا شوف بقى شدة التيار
بعد بحث عشان أعرف أرد على حضرتك بما إنى ضعيف شوية فى الكهربية
لكن وصلت لشئ الفيوز بتاع الإيرباج والشريط 5 أمبير ودى شدة التيار بتاعته مع فرض قلة كفاءته مع الاستعمال يعنى هيضرب عند 5 أمبير دا بالكتير قوى يعنى يعنى شدة التيار الطبيعية اللى فى الشريط بتاعنا بتبقى 1ونص 2 مثلا
أزاى بقى شريط السى دى مش كويس للعلم الشريط دا فيه 11 تراك
ولو شفته ومسكته فى إيديك هتغير رأيك
فيه معلومة مش فى صالح شريط الطابعة بالتحديد مش متأكد منها بالظبط
إن الشريط مش هيستحمل الأجواء الباردة وأحنا هنا فى مصر معندناش أجواء باردة لأن فى الدول الأوروبية وما شابه البرد بيوصل لسالب 30 وعشان كدا أنا استبعدت العيب دا نهائى
نصيحة أخيرة للى متقطعش عندهم شريط الإيرباج
تجيب زيت كهرباء أو تسال على نوع زيت مناسب لظروف الاستخدام ويستحمل صيف وشتاء وميكونش بيتاثر بالتراب والرطوبة وكدا قوى
تجيب السرنجة بتاع الحقنة وتملاها المادة اللى انت جبتها ومن ورا الدريكسيون هتشوف الشريط وهتشوف العلبة البيضاء حاول تنزل نقطتين تلاته مش أكتر وتلف الدركسيون أقصى اليمين وتحط كام نقطة تانى ما بين الغطاء الأسود اللى برا واالحتة البيضاء اللى جوا وتلفه أقصى الشمال وتكرر الموضوع
ولو عايز تتحكم أحسن فك الطارة مش حكاية هى وبالمرة ركب حتة عازلة عشان ميلمش تراب
أستاذ محمد....أولا أنا بشكر حضرتك جدا على الموضوع الجميل ده و المجهود الرائع فى فك طلاسم شريط الإيرباج و طبعا كلنا بنستفيد جدا من هذا الحوار الشيق.
أنا عايز بس أضيف أن التيار (الأمبير) مختلف شوية عن الفولت.....يعنى الشريط لو بيستحمل 60 فولت مش لازم يكون يقدر يستحمل 1 أمبير مثلا....
سماكة السلك بيحددها شدة التيار و ليس الفولت....لاحظ ان العربية بتاعتنا فرق الجهد فيها (فولت البطارية) 12 فولت و مع ذلك في مكونات بتسحب تيار عالى لحد 10 أمبير و أزيد.
بالنسبة لشريط السى دى بلاير و خلافه....أنا عارفه و إلى حد ما عندى بعض المعلومات عنه....وجود 11 تراك زى ما حضرتك سبق و ذكرت فعلا بيخليهم يهتموا جدا برفع هذا الشريط و إلا لو كان جواه 11 سلك فعلى هيكون الشريط تقيل و سميك و يصعب حركته...لاحظ كمان ضيق المساحة المحكوم بها.
بودرة الفضة أو النحاس....بتستخدم بدل الأسلاك لعمل تراكات و لكن مع مراعاة أن يكون التيار المار بهم ضعيف و غالبا بتستخدم أكتر فى عملية التحكم اللحظى (الكنترول) و ده زى عدسة الليزر اللى فى السى دى بلاير مثلا....هتلاقى التراكات دى بتتحكم فقط فى الحركة الأفقية و قراءة الإشارة من العدسة على مسار أفقى مستقيم لا يتجاوز طوله 6 سم و هو يمثل نصف قطر أسطوانة الليزر (المساحة المتاحة للعدسة لقراءة الأسطوانة)....لكن بالنسبة لموتور السى دى بلاير و المسؤول عن دوران الأسطوانة بسرعة كبيرة هتلاقيه متغذى بأسلاك عادية جدا.
لاحظ أنا لم أذكر انه لا يمر بهم تيار....يمر تيار ضعيف بهم للتحكم.
شدة هذا التيار بتتقاس بالمللى أمبير يعنى 1/1000 من الأمبير...طبعا كلامى فقط منحصر على التراك اللى بيغذى العدسة....
بالنسبة للشريط بتاعنا فى الميجان....حضرتك بتقول أن فيوز الأيرباج 5 أمبير و بناء عليه بيكون التيار المارر فى الشريط حوالى 2 إلى 2.5 أمبير و ده كلام واقعى جدا....طبعا أضف إلى ذلك مثبت و محدد السرعة...أنا مش متأكد فيه حاجة تانية متوصلة لهذا الشريط و لا لأ و لكن بفرض أنه فقط الأيرباج....2 إلى 2.5 أمبير تيار عالى أنه يمر فى تراك من بودرة الفضة....فى هذه الحالة يجب إستخدام سلك بمقطع معين علشان يقدر يستحمل التيار ال2 أمبير المارر فيه.....للتأكيد مرة أخرى التراكات من بودرة الفضة معمولة للتيارات الأقل بكثير (1/100 أو 1/1000) من الأمبير.
ما يؤكد هذا الكلام....أن شركة bmw برده أستخدمت شريط من نفس نوع الميجان......أكيد الجودة هتفرق....طوله هيفرق....تصميم و ضعه و لفه داخل علبته و حركته بسلاسة هيفرق و أعتقد هذا ما يميز الألمان فى الصناعة عامة....و لكن إلى حد كبير سماكات الأسلاك متقاربة....
أعتقد فكرة أستاذ شريف محمد هى أقرب فكرة للتطبيق.....يعنى زى ما أقترح على حضرتك إنك تجيب شريط الbmw طبعا لو كان سعره معقول و تقصه على الطول بتاع الميجان......
أحنا لحد دلوقتى منعرفش التراك اللى جوا الشريط يستحمل كام أمبير
بس هو مش بودرة فضة أنا قطعت مقطع وشفت بنفسى متين جدا جدا عكس الشريط اللى عندنا لو عريت حتة منه وشدتها بإيدك ببساطة بيتقطع والدليل الأكبر إنه لما إنحنى اتقطع
بالنسبة لشريط الإيرباج هو شامل مثبت السرعة كمان يعنى هو المقصود ب 5 أمبير هو ومثبت السرعة متنساش برضه إن الشريط دا بيمر فيه إشارات ومفيش أحمال عليه
بص حضرتك ممكن تراجع الصورة اللى فى آخر الموضوع ولاحظ الشريط وأنا حاطه على السى دى هتلاقى فيه حتة متنية كدا وأنا فاردها بإيدى الحتة دى كانت متنية بشكل قاسى جدا زى ما تكون جبت مكواه وفضلت تمشى عليها وهى متنية طبعا دى فى تصميم الشريط كدا
واللى يقدر يفيدنا فى إن الشريط يستحمل كام أمبير يكون حد اشتغل فى الكابلات
بالنسبة لشريط البى إم دبليو هو لعربية e38_39 وأعتقد حتى لو لاقيناه هيبقى أغلى من بتاعنا أو بنفس السعر والله أعلم بس فيه ميزة إنه 5,4 متر يعنى شوف يعمل كام شريط بتاعنا 53 سم فقط
فيه كمان طابعة إبسون بيبقى موجود فيها الشريط اللى أنا جايب صورته فى الآخر
وفيه عيب قاتل كمان طريقة دخول الشريط فى الفيشة بتاعته بتسمحله مع مرورو الوقت والشد رايح جاى يمين وشمال إنه يفك بسهولة لأنه مش ملزوق بحاجة غير يادوب الكام تراك النحالس ملحومين بحاجة بسيطة جدا لو بإبرة ممكن تقطعها لكن لو كان متثبت بنفس طريقة فيشة الإيرباج كدا أو بنفس شريط عدسة السى دى بحيث إن الشريط يدخل وفيشة تقوم تضغط عليه من فوق وتحبسه كان هيبقى صعب إن مهما حصلإنه يتقطع
لا يامحمد الشريط عليه حمل لآن لاقدر الله لو حصل تصادم بيمشي فيه 12 فولت بأمبير مش قليل بس مش عارف كام امبير بالظبط وده عشان يضرب كبسولة الأيرباج الى في الطارة
إن شاء الله في اقرب فرصه هبقى انزل الحرفيين اسأل على شريط الـ bm استعمال وبإذن الله مش هيبقى غالى واهو نصلح 9 شرايط ميجان بشريط bm واحد بس
وانا كمان في دماغي طريقة لتعديل نظام الشريط ده بس لسه الفكرة مكملتش اول ما اخلص وانفذ هبقى اقولكم عليها
بس اللى أنا متأكد منه الحمل دا مش عمره ما هيوصل ل 5 أمبير إلا لو فيه قفلة أو حاجة غلط
يعنى مثلا لو واحد لحم الشريط غلط ممكن الفيوز يضرب لو فيه تراكين لمسو بعض
الإيرباج عشان تنفجر والمواد الكيميائية تشتغل محتاجة يادوب شرار بسيط أو درجة سخونة بسيطة والمواد دى بتنفجر وتطلع فى وشنا الإيرباج والله أعلم
ع العموم إحنا مستنيين الفكرة بتاع حضرتك وأنا كمان هفكر معاك