الموضوع: متى و لماذا تستعمل وضع n فى السيارة الاوتوماتيك؟ و هل لو عطلت حتكلبش فى الارض؟

احيييييك بشدة على فكرة الموضوع وفصل المشاركات فى موضوع جديد يا دكتور علاء ..
================================================== ===========================================

المشاركة الأصلية كتبت بواسطة Ahmed_Rahem

فية خطاء فى ترتيب الاراء،

الفريق الازرق - فى بداية الموضوع - بيتكلم عن وضع على n اثناء الحركة، بينما الاجزاء المقتبسة من المواقع الاجنبية تتكلم على وضع n اثناء الثبات - بما لا يتعارض مع الفريق الاخضر.
الفريق الاخضر يعترض على وضع n اثناء الحركة فقط واقرها فقط فى حالة الطوارئ فقط ولم يتطرق لوضع الثبات.
انا مع الفريق الاخضر وووضع n اثناء الثبات - لو هتقف فترة اكبر من 30 ثانية -

والسلام ختام

فعلا يا ابو حميد كلامك مظبوط 100% .. واصل السؤال كان السير على الn والعربية مبطلة
انما فى حالة انك تحط n عند الوقوف فى الاشارات .. ده امر مطلوب وصحيح ومفروغ منه للحفاظ على تيل الفرامل فى المقام الاول
================================================== ==============================================
ده اقتباس كامل من ردى الاول فى الموضوع القديم:

المشاركة الأصلية كتبت بواسطة Youssef.Awad

بالنسبة لموضوع الاتوماتيك وقفشة الفتيس .. هاتكلم بوجه عام وعن نيسان صنى بوجه خاص
زى ما الاعضاء وضحوا ان فيه زرار بيفك التعشيقة وينقل على الn او المور وتزقها على جنب الطريق فى حالة الطوارىء فقط

لكن فى اى عربية اتوماتيك لو تعطلت ووقفت او البطارية فصلت .. لا ينصح بتاتا بالزق مهما كانت الاسباب حتى لو كانت على الn ولازم تتنقل على مسطحة او ونش او على الاقل تترفع من المقدمة زى ونش المرور بحيث تتحرك على العجلات الخلفية بعد تحرير فرامل اليد
اما اذا كانت دفع خلفى زى المرسيدس والبى ام دبليو يفضل رفعها من الخلف وجرها على عجلاتها الامامية
واذا كانت دفع رباعى لا يجوز سحبها بالطريقة السابقة ولازم تتشال مرابعة على ونش مسطح
وذلك للحفاظ على الفتيس والتروس .. وده مذكور فى اى مانيوال لاى عربية حسب فئتها ..

================================================== ================================================== =

المشاركة الأصلية كتبت بواسطة abono

سلام عليكم يا جماعة:

بالنسبة لموضوع ال n دة لازم نتأكد منه لحسن كدة كان زمان الفتيس بتاعى إنتحر من زمان من اللى بعملوا فية دنا كل ما روح حتة و ملائيش مكان اركنها صف تانى و سبها على ال n و انتم عارفين الباقى مع السياس.

اما بالنسبة لموضوع ان نجيب من ال n الى d و العربية ماشية فدة فعلان غلط و دة من مهندس فى نيسان زائد كمان إن مش من المفروض تحرك الفتيس بسرعة من ال p الى ال d و العربية واقفة لازم نتقل من p الى r و بعدين من r الى n و بعدين d براحة علشان انا كنت بسأل المهندس على انى الصبح بركب العربية و بعدين أحط r و ارجع و بعدين احط d من غير فرامل و أطلع فقلى كدة على المدى مش البعيد اوى ممكن تجيب فتيس كدة والله أعلم

و شكرا

اطمن يا ابو حميد .. اللى بتعمله ده عادى جدا ومش مؤثر انك تسيب العربية ممورة عشان السايس يزقها قدام وورا كام متر عشان حد طالع او بيركن
انما كلامى اقصد بيه هو القطر او شد العربية لمسافة كبيرة لو عطلانة ومش بتدور
وبالنسبة لنقل الفتيس من p للd بدون مراحل او بهدوء مش مرة واحدة فعلا غلط

وطبعا كلنا عارفين ان العربيات الاوتوماتيك لما البطارية بتنام ما ينفعش تتزق زى المانيوال .. واكيد لو على الp مش هاتتحرك اساسا
================================================== ================
وفيه حاجة كمان مهمة الكل لم يذكرها ..
وهى لو العربية الاتوماتيك مركونة على ارض مايلة سواء صعودا او هبوطا
وجيت نقلت الفتيس من p الى الd او r .. ممكن تلاقى نتشة جامدة او مقاومة للنقل
ولتلافى هذه المشكلة .. لما تركن وقبل ما تنقل للp شد فرامل اليد عشان تثبت العربية مكانها ولا تجعلها تريح بفعل ميل الشارع
وقبل ما تتحرك انقل الفتيس من p الى الd قبل ما تفك فرامل اليد
وفى الحالتين بتكون دايس على فرامل الرجل طبعا ..

بغض النظر عن العربيات النيسان او غيرها...

معلوماتي الشخصيه وقناعاتي بتملي عليا اني احط على الان اذا كانت الفترة المتوقع اني هقف فيها اكتر من 15 ثانيه وده من واقع كتالوج الفورد اكسبلورر والامريكي بشكل عام

وعايز ااكد ان طول مالعربية واقفه ومحطوطه على الدي فان الزيت الداخلي للجير بيسخن زياده عن اللزوم فعليا وده بيأثر على اداء الجير على المدى الطويل...

بينما اثناء المشي لا ينصح بوضع السياره على الان نهائيا لانك بتفقد السيطره التامه على السياره وليس لان هذا الشئ يضر بالجير
يعني لو انت خايف على الفجير لا متخافش بس لازم تخاف على العربية كلها
ههههههههههههههههههه

نيجي بقا لجزئية تحريك العصا الاوتوماتيكيه اثناء المشي...

بحكم اني حاليا في بلد كلها مرتفعات ومنخفضات شديده ومن المستحيل ان الواحد يعتمد على الفرامل فقط وانما لابد من استخدام الغيار العكسي...

بنكون هنا ماشيين عادي فأمان الله على الدي
يجيلنا منحدر شديد جدا بنهدي ونجيب دي 2 مع مراعاة ان الار بي ام ميكونش عالي
واحيانا بنجيب دي 1 ان لزم الامر والمنحدر كان خطر جدا جدا

يعني النقل اثناء الحركه مفهوش مشاكل
ويأكد على كلامي ان التنقل مابين دي دي2 د1 مفيش ليه حمايه في العصايه في كل العربيات بتتنقل بينهم بحرية بينما بين الان والآر في حمايه اكيد....


الخلاصه
حط ان لو هتقف اكتر من 15 ثانيه حفاظا على الجير
متحطش ابدا ان وانت ماشي عشان تفضل مسيطر عالعربية
انقل من الدي الى الغيارات التقيله مع مراعاة ان الار بي ام يكون مناسب لاغراض الفرمله الصادرة من الماتور
اعمل الكيك داون للتعجيل الفجائي واوعى تغير لغيار تقيل عشان تشد مع حد !!!! الكيك داون اامن للجير بكتير من الغيار الثقيل بغرض التسارع....


تحياتي