الموضوع: تجربة عمل صيانة مازدا 3 فى مركز توب جير

بسم الله الرحمن الرحيم
اللهم صل على محمد وعلى آله وصحبه أجمعين

السلام عليكم ورحمة الله وبركاته

كل عام والسادة أعضاء نايل موتورز بخير.

قبل العيد رحت مركز توب جير الصراحة المركز 10/10 خاصة المحترم المهندس / محمد فضالى ... راجل محترم جداً وفاهم كويس هو بيعمل ايه ... المركز صغير شوية ... ربنا يكرمه ان شاء الله بمكان أوسع ... المكان نضيف جدا ... الصنايعى اللى عنده اسمه حسام شاطر جداً فى شغله وفاهم كويس

• -تم تغيير الزيوت الاتية المتوفرة عند مركز توب جير تغيير الاتى:

1- زيت موتور: Liqui MOLY TOP TEC العبوة 4 لتر ويتم تغيرالزيت كل 12000-15000 كيلو = ب 260 جنيه. زيت ممتاز جدا والفرق واضح فى صوت الموتور.

2- زيت فتيس: Liqui MOLY ATF III العبوة 1 لتر والعربية أخدت 4 لتر = سعر العبوة 40 جنيه x عدد 4 عبوات = 160 جنيه. هتحس بفرق شاسع فى نقل حركة الفتيس وخاصة على المانيوال.

• قطع الغيار اسعارها من عند العالمية:

1- فلتر فتيس = 450 جنيه.

2- تيل خلفى = 450 جنيه.

3- فلتر هواء = 160 جنيه.

4- فلتر زيت موتور = 45 جنيه.

5- فلتر بنزين = 245 تقريبا لانى مش فاكر السعر بس غالبا ممكن يزيد 10 او 15 جنيه.

6- البوجيهات 2 شعلة NGK من عند مركز توب جير = 85 جنيه.

• أسعار المصنعيات:

1- تغيير (البوجيهات + فلتر البنزين + فلتر الهواء + فلتر فتيس) = 100 جنيه مصنعية.

2- تيل الفرامل الخلفى = 50 جنيه مصنعية .

إن شاء الله قريب أغير الطنابير الامامية وأعمل شوية شغل فى العفشة وبرضه هروح عند توب جير.

كل الشكر للسيد المهندس / محمد فضالى على الاستقبال الرائع وربنا يكرمه ان شاء الله ويبقى صاحب توكيل صيانة سيارات فى مصر. وبعتذر جداً لتاخرى فى رفع التقرير على المنتدى

وبشكر صديقى وحبيبى . ايهاب Level Power لانه اللى قالى على زيوت Liqui MOLY.

وطبعاً كل الشكر لنايل موتوزر لانها عرفتنا على مراكز الخدمة الفوق ممتازة.

محمود عبيد