رخص قيادة جديدة "بجد"

**Astra200** · 22-08-2012 01:14 PM

كم واحد لما عمل رخص قيادة درس قواعد مرور ؟

هل تعلم مثلا عند أعطاء اشارة يمين أو شمال فلا يجوز لك ان تروح يمين أو شمال الا بعد أن تري العربية اللي خلفك بكاملها في مراية العربية الداخلية ؟

أحنا هنا بندي اشارة وانت جاي من خلف العربية وتقوم كاسر عليه ولو اتخبط أو السواق التاني ما وسعش ممكن تشتمه ( مش انا مديللك اشارة)

جزء من حل مشكلة المرور هو اعتبار رخص القيادة الحالية منتهية بعد مدة محددة 3 سنوات مثلا ولا يتم أعطاء رخص الا بعد اجتياز امتحانات قاسية ( نظري وعملي ) ( الأمتحانات اللي بتزعل المصريين لما يجوا ياخدوا رخص برة )

ويضاف اختبارات نفسية لقائدي النقل العام ( تاكسي - ميكروباس - اوتوبيس و كذلك النقل ) بأعتبارهم مسئولون عن سلامة الغير

الكل لازم يحس بقيمة رخصة القيادة ويخاف عليها بقلبه ويتم وضع نقاط لكل رخصة يتم سحب الرخصة بعدها ولا يتم أعادتها الا بعد اجتياز نفس الأختبارات مرة ثانية مع أختبار نفسي للتأكد من أن طالب الرخصة يريد استخدام المركبة في الأنتقال فقط وليس في الأنتقام من الأخرين أو فك عقد النقص أو الأستعراض

**amagroup** · 22-08-2012 01:34 PM

كلام سليم بس بتهيئلي كده بالاختبارات دي محدش هيسوق خالص

**mohamed_selim** · 22-08-2012 01:44 PM

يبقى احسن برضه !!!

**Astra200** · 22-08-2012 02:17 PM

المشاركة الأصلية كتبت بواسطة amagroup

كلام سليم بس بتهيئلي كده بالاختبارات دي محدش هيسوق خالص

حتاخد وقتها -- وفي نفس الوقت تنفيذ القانون مع استخدام التكنولوجيا في رصد المخالفات -- شوية شوية لما الناس تعرف انها حتتعاقب بجد و ما فيش تدخل بشري - ( المخافة متسجلة بالصورة ) حتلاقي الدنيا بتتحسن

وهي تفتح باب رزق للناس ( مدارس تعليم للقيادة بجد )

طبعا مع التوعية المرورية للأطفال في المدارس والتليفزيون --

**Astra200** · 22-08-2012 02:21 PM

ممكن كمان حملات للتوعية
بيتم تصوير شارع أو طريق ويورا الأخطاء اللي بتحصل ومدي تأثيرها علي الحركة

يعني في ناس بلاقيها وقفة علي يمين اتوستراد المعادي ( وعندهم حارة خدمة ممكن يقفوا فيها براحتهم ) ممكن يتم تصوير مدي الأذي اللي بيعملوه للطريق كله و يتعرض في التليفزيون علشان اللي مش واخد باله من ان وقفته موقفة الطريق كله من وراه ياخد باله

**Astra200** · 22-08-2012 02:24 PM

كان في زمان في التليفزين المصري ( ايام ما كان عندنا تليفزيون ) برامج مترجمة من التليفزيون ألألماني بتشرح تأثير الأخطاء المرورية علي الغير

حاجة فاكرها

بيصورللك ايه اللي بيحصل لو مشيت علي مسامير مرمية علي الطريق -- وان سرعتك زادت عن 30 كم علي ما أتذكر ان المسامير اللي نايمة علي الأرض ومالهاش تاثير طارت وبقت رأسية ودخلت في العجل الخلفي ( و ده بالتصوير البطيء )

**speed_magnum** · 22-04-2013 11:36 AM

انا استخرجت الرخصه في شهر ونص
وخضت اختبار الكمبيوتر واختبار القياده
والحمد لله بدون اي وساطه طلعت الرخصه من اول مره بالرغم من ان اخويا قاللي تعالي اتصور وخد رخصتك في نفس اليوم
......
رخص القياده لازم نظامها يتغير ويكون فيها نقاط وحرمان من القياده وغيرها من العقوبات ساعتها المحترم هيستريح والفئه التانيه هتحترم نفسها غصب عنها