الموضوع: الاسفلت بيزحلق العربيات لوحده !!!!!!!!!!

بانسبه للعنوان دة حقيقه بس مش مكان للدريفتات ولاحاجه. النهارده وانا رايح شغلى الصبح من مدينة نصر للمعادى ولسه الواحد مصحيش اصلا ومش شايف قدامه وانا ماشى فى امتداد شارع جامع السلام علشان اطلع دائرى القطاميه كنت فى اخره كده بتكسر يمين علشان تدخل محور الشهيد (طريق العين السخنه) عند كوبرى القوات المسلحه الجديد كل يوم بقالى 3 سنين باخد الملف ده على سرعة من 60 ل 80 كم /ساعه وعادى . المهم كان ماشى قدامى فورد فوكس 2007 وهو فى الملف العربيه لعبت منه قلت تلاقيه داس فرامل اتخض مثلا يعنى عادى بتحصل. انا كنت ماشى وراه بس براحه معرفش ليه سبحان الله تقريبا على 50 كم / ساعه ودخلت الملف ولقيت العربيه ماشيه بجنبها قمت قالب الطاره شمال و دايس بنزين وقلت نيس دريفت والحمد لله جت سليمه والعربيه طلعت على الرصيف بس بلاكصدام اللى قدام بس ووقفت ستر ربنا ان مافيش حد جاى ورايا المهم نزلت العربيه وركنت فى جنب وانا فاكر ان كوتش نام او مقص اتكسرولا حاجه وهو اللى عمل فيا كده ولقيت نفسى مره واحده كده واقف على الجبل اللى فى فيلم طوكيو دريفت وكل العربيات اللى جايه وخد الملف ده بجنبها والعجل بيسموك كأنهم بيعملو بيرن أوت ساعتها قولت اكيد فى زيت واقع على الارض بيزحلق العربيات خصوصا والملف ده غبى 90 درجه بصيت كويس على الاسفلت ملقتش اى حاجه والاسفلت نضيف جدا حمدت ربنا انها جت سليمه وتوصلت لان هناك قوه خارقه غريبه لا يعلمها الا الله !!!!!!!!!!!!!!!!!!!!

حمدالله على السلامه . بس فعلا الملف ده كان طبيعي لكن مشكلته انك بتاخده على مطلع . وممكن يكون في حاجات تانيه هي سبب الزحلقه مش لازم يكون زيت , ممكن تكون رمله ناعمه او حتى كائنات فضائيه :)