الاسفلت بيزحلق العربيات لوحده !!!!!!!!!!

**nawar_132** · 22-08-2012 02:25 PM

بانسبه للعنوان دة حقيقه بس مش مكان للدريفتات ولاحاجه. النهارده وانا رايح شغلى الصبح من مدينة نصر للمعادى ولسه الواحد مصحيش اصلا ومش شايف قدامه وانا ماشى فى امتداد شارع جامع السلام علشان اطلع دائرى القطاميه كنت فى اخره كده بتكسر يمين علشان تدخل محور الشهيد (طريق العين السخنه) عند كوبرى القوات المسلحه الجديد كل يوم بقالى 3 سنين باخد الملف ده على سرعة من 60 ل 80 كم /ساعه وعادى . المهم كان ماشى قدامى فورد فوكس 2007 وهو فى الملف العربيه لعبت منه قلت تلاقيه داس فرامل اتخض مثلا يعنى عادى بتحصل. انا كنت ماشى وراه بس براحه معرفش ليه سبحان الله تقريبا على 50 كم / ساعه ودخلت الملف ولقيت العربيه ماشيه بجنبها قمت قالب الطاره شمال و دايس بنزين وقلت نيس دريفت والحمد لله جت سليمه والعربيه طلعت على الرصيف بس بلاكصدام اللى قدام بس ووقفت ستر ربنا ان مافيش حد جاى ورايا المهم نزلت العربيه وركنت فى جنب وانا فاكر ان كوتش نام او مقص اتكسرولا حاجه وهو اللى عمل فيا كده ولقيت نفسى مره واحده كده واقف على الجبل اللى فى فيلم طوكيو دريفت وكل العربيات اللى جايه وخد الملف ده بجنبها والعجل بيسموك كأنهم بيعملو بيرن أوت ساعتها قولت اكيد فى زيت واقع على الارض بيزحلق العربيات خصوصا والملف ده غبى 90 درجه بصيت كويس على الاسفلت ملقتش اى حاجه والاسفلت نضيف جدا حمدت ربنا انها جت سليمه وتوصلت لان هناك قوه خارقه غريبه لا يعلمها الا الله !!!!!!!!!!!!!!!!!!!!

**eldell** · 22-08-2012 04:28 PM

الحمد لله انك خدت بالك وعرفت تقف واكييييييد كان فى حاجه واقعه عليه علشان الى بتقوله ده ميحصلش الا لو واقع زيت

**virus2007** · 22-08-2012 04:38 PM

حصل معايا نفس الموقف وانا نازل من على كبرى على الزراعى فجاة لقيت العربية بتتزحلق وداخل على الحارة الى فى النص بس لحقت نفسى وساعدنى ان عندى esp وقدرت اتحكم فى العربية على طول

نزلت طبعا افتكرت الكاوتش فرقع او اى حاجة زيك بالظبط بس ملقتش اى حاجة قلت ابص على الكاوتش ليكون فى زيت او حاجة ملقتش حاجة بردوا !!

طبعا رحت كشفت على العربية بعد كدة كل الناس اجمعت ان مفيش اى حاجة وانى اكيد دست على زيت !! مع انى مشوفتش زيت !

ربنا يستر علينا بجد