عايز نص عربيه امامى تويوتا ذهبى 2006 كامل اجيبه من فين

عايز نص عربيه امامى تويوتا ذهبى 2006 كامل يكون نمرة واحد
انا سمعت عن الحرفيين بس انا ماروحتش قبل كده وماعرفش طريقه تعاملهم
فياريت اهل الخبرة لو عندهم معلومه عن اى حد فى الحرفيين او اتعامل معاهم او معاه رقم تليفونهم يقولى
ولكم جزيل الشكر

بص ياباشا. اذا جي من على الدائري خليك ماشي لغايت مايجليك يفطة مكتوب عليها السلام او مدينة السلام بعد اكادمية الشرطة كده.

واذا جي من وسط البلد روح كانك رايح المطار بس متكملش على طول لغايت المطار لا قبل المطار بشوية اسئل. ولاد الحلال هيتوهوك قصدي يدلوك ولمن توصل الحرفيين. اسئل عن العالمية بتاع الاستيراد. وهيدلوووك وانتا داخل في شارع بتاع العالمية ده
هتلاقي محلات اشكال والوان كلوا انصاص انصاص انصاص. في اتنين بتوع تويوتا. قولهم عاوز دهبي. وهما يروحوا يجبولك نص طازة بشوكوا من المخزن عندهم

وفي عندك في الهرم عارف شارع ترعة المريوطية الشارع الي عملوا فيه الكوبري والوصلة بتاعت الدائري. خش في من شارع الهرم وكانك رايح على صقارة كده في الشارع الي هناك فيه نفق انا شوفت محل دوريين. ومحل كبيررررررررر قوي قوي تخصص انصاص عربيات جميع الماركات والموديلات وواضح زي الشمس

معليش ياباشا. مشكلتي اني مبحفظش اسامي شوارع من كترهم بس بحفظهم بالشبه كده
ويقدر اي حد من الاخوة الاعضاء سكان الهرم يوصوفولك احسن مني

انا مانحرمش من اهتمامك وردك
طيب لو امكن ممكن تليفون اى حد فى الحرفيين

حبيب قلبي سبحان الله كان عندي حبت كروت كده لنمر تيلفوناتهم بس مش عارف هيا فين دلوقتي بس انا راي الشخصي انك تنزل تروح بنفسك
ده على مستوى التوكيل قعدت امبارح طول اليوم اتصل. عليهم محدش عاوز يرد عليا وان ردوا. محدش قادر يفيدني ويقلي مصنعيت تغير اسطوانة الدبرياج بكام التيلفونات في مصر مشكلة وعارف لو اتصلت وقلتلوا عاوز نص يارس دهبي هيقولك موجود وتعاله شرفنا تيجي تروحلوا يقلك. لا كان موجود وخلص في عندي نبيتي ههههههههههه. تقلش رايح تجيب من عندو كيلو جبنة ولا ربع زتون

عندك حق وممكن يقلك ثمنه جنيه وتروح تلاقيه 100 جنيه والاصل القديم خلص
وبدل ماتشترى جبنه قفاك ......؟

فى الحرفيين الشارع بتاع اليابانى فى واحد اسمو الشيخ احمد هتلاقيه محل صغير وحاطت اكتر من نص اودامه وهو محترم فى التعامل جداً عكس معظم الناس هناك وانا رايح بكره ممكن اسألك على طلبك واجيبلك نمرتو ان شاء الله