الرجاء النصيحة لاني حاطط ميزانية 185000 مش عارف اجيب جيتا ولا اوكتافيا ولا اروح للسبورتاج؟
عرض للطباعة
الرجاء النصيحة لاني حاطط ميزانية 185000 مش عارف اجيب جيتا ولا اوكتافيا ولا اروح للسبورتاج؟
اوكتافيا احلي في سعر اعاده البيع و اعتمادية عالىة و قطع غيارها متوفرة جدا
الجيتا الناس خايفة لسه من ال dsg علشان كده متشهرتش مع ان صلحو المشاكل بتاعه و هتلاقي سعر اعاده بيع مش حلوة
السبورتاج احلي سعر اعاده بيع بس مش باعتمادية الاتنين التانيين و ثباتهم
لو انا هختار الاوكتافيا
لو عايز منظر وغالبا برضه سعر اعادة بيع خد سبورتاج ( بس انسي ثبات الأوكتافيا أو الجيتا )
لو عايز راحة وثبات واعتمادية خليك في الأوكتافيا ( اوسع من الجيتا ) ( بس خد بالك ان شكلها حيتغير 2013 )
رغم كل مزايا الاوكتافيا لكن لو انا مكانك هاروح للاسبورتاج بدون تفكير لانها روعة ومختلفة تماما فى كل شئ مع احترامى للاسكودا والمانيا والتشيك وكل الكلام ده لكنها اذواق فى الاخر كلامى عن الاستيل بتاع الشكل الخارجى مش الاداء لانى معلوماتى عن الكيا مش كتير وربنا يوفقك فى الاختيار
والله يا أخ روميو انا كمان محتار في نفس الاختيارات بتاعتك
اوكتافيا
المشكلة ان واحد صاحبي اخوه معاه اوكتافيا بيقوللي ان الاوكتافيا ناشفة
سكودا 2013 مغيرتش اي حاجه ف الشكل هيا هيا
انا بس مش عارف حضرتك بتتكلم عن اى فئه فى الاسبورتيج اللى ب ١٨٥ الف دى؟ الفئه التانيه سعرها الرسمى ١٨٦ الف و عايزه حجز ٦ شهور او اوفربرايس ممكن يوصلها لل ٢٠٠ الف و يمكن اكتر. حضرتك لازم تتأكد الاول من الموضوع ده لانه بكده عمليا ده ممكن يطلعها من اختياراتك و طبعا لا انصحك بالفئه الاولى من الاسبورتيج لانها فاضيه خالص و اعتقد هيبقى صعب انها تدخل فى المقارنه مع الفانتازيا و الجيتا
اوكتافيا بدون تردد
جيتا لو علو العربيه عن الارض مش مهم بالنسبالك لكذا سبب
اولا الجيتا الماني تقفيل الماني اما الاوكتافيا الماني تقفيل تشيكي
ثانيا سحب الجيتا احسن بعد تغيير الموتور من 2013
ثالثا وجود عيب في الاوكتافيا يتمثل في ماتور وحده رفع الزجاج هتلاقيه من وقت للتاني بيعلق
انا معايا اوكتافيا 2012 وفيها نفس العيب ومشترتش جيتا علشان علو العربيه مهم جدا بالنسبالي
الأوكتافيا أفضل فى رأيى ..عن تجربة
بص انا مجربتش الجيتا مقدرش أحكم بس معاية اوكتافيا والحمد لله عربية زي الفل
ممكن BMW 320i مستعملة لو تحب
او اوكتافيا
وشوف برده القاش قاى
انا معايا الجنوب افريقي المقلب الكبير...كل حاجة فيها حلوة ما عدا الفيتيس..مش عايز اغلط تاني في اختياري بين اوكتافيا - سبورتاج -قشقاي- او اي bmw مستعمل
هل الاوكتافيا انشف من الكورولا الناعمة ؟ هل السبورتاج احسن من القشقاي الاصالة؟ هل اجيب مستعمل؟؟؟
أنصح حضرتك بحصر التفكير والاختيار في المدرسة الأوروبية فقط لاغير، والأسباب كتير معروفة بداية من كفاءة المحركات، قوة الهياكل نسبيا بالآسيوي، معدلات أمان أعلى في كل المستويات، ثبات واتزان، قطع غيار معمرة وإن كانت أغلى قليلا وبالحسابات تكون أوفر، متانة وتحمل الاستخدام وغيره
وطبعا لو تخصصنا أكتر تكون المدرسة الألمانية أقوى المرشحين، فلو حضرتك ركزت على انتقاء حاجة استعمال خفيف وراقي (موجود كتير) وموديل قريب يكون عند حضرتك ومتاح بنفس المبلغ المذكور:
- مرسيدس c180 موديلات من 2005-2007
- بي إم دبليو 320 وليس 318 ولا 316 موديلات 2007-2008 (صديق باع واحدة من أسبوعين 170 ألف ج.م بحالة ممتازة)
- فولكس واجن باسات 2010-2011 (الشكل القديم وابعد عن فيتيس dsg)
- سكودا فانتازيا زيرو
وسهل العثور على حالة ممتازة وكيلومتر قليل، والمستعمل بالفحص الجيد المتخصص المتأني للمودلات دي يغنيك عن حاجة زيرو آسيوي ألف مرة
لو عايز متندمش
هات فانتازيا
شوف العربيات أذواق -- يعني كل واحد حيقللك رأي من وجهة نظره --- يعني لما عربية بتكون ريحته حيقولك خد دي
فخد رأي كل واحد يكون جرب العربية اللي بيقولك عليه حلوة -- واعرف ايه الأسباب اللي بيقولك عليها حلوة وقيم الأسباب وشوفها متوافقة معاك ولا لأ--
يعني في ناس أهم حاجة عندها ان العربية بتجري -- فيها أمان ولا لأ مش بيهمه -- هي قد السرعة ولا لأا مش فارق معاه أهي العربية بتجري و بتطلع من أي عربية --
نيجي لميزات الأوكتافيا اللي انا سوقتها
ثبات -- قدرة علي المناورة - راحة - تسارع "عاجبني " -- واسعة - أعتمادية --- تسألني كورولا ولا فانتازيا من غير تفكير فانتازيا --- انا وقت ماجبتها كنت بقارنها مع الأفنسيس مش الكورولا
نيجي لراي الناس اللي جربوها
خش علي whatcar.com وشوف السكور اللي هي واخداه --- مش عاجبك رأي المجلة وحتقول دي ناس متحيزة للعربيات الأنجليزي -- مع ان السكودا ألماني - تشيكي -- مشيها --- بلاش رأي المجلة -- اقرأ رأي اللي جابوها ( user review ) ودول كتير ( أكتر من أي عربية تانية ) وشوف هما بيقولوا ايه
النقطة السلبية الوحيدة في الفانتازيا "النهاردة" انها موتور قديم من 2005 , الشكل الجديد حينزل 2013
متقارنش الكورولا بالأوكتافيا
السبورتاج -- شكل جميل بس مش حتكون في نفس الثبات بتاع الأوكتافيا ولا نفس الأتساع -- ممكن تروح علي قسم الكيا وتسأل تقييم اللي جابوها تسألهم عن النقاط اللي تهمك
يعني انا لما كنت بأختار عربية كان بيهمني : ألأمان : فبشوف درجة ألأمان بتاعة العربية كام من 5 -- الهاندلينج -- الراحة -- الثبات -- وده كله بتلاقيه في ال review و بتشوف في أكتر من مجلة ولما بتلاقيهم متفقين في حاجة يبقي أكيد صح
وعلشان العملية تتقرب ليك بتشوف ال review علي عربية انت سوقتها وتقارن بتجربتك
و العربيات اللي انا قرأت review بتاعهم لاقيته فعلا لما جربت العربية بنفسي
أرجو اني أكون قدرت أساعدك لأني حاسس بيك و بنقلك تجربتي في أختيار العربية