السلام عليكم ..
انا كنت عامل الموضوع دة فى باب الاوبل ,و قولنا ناخد برضو خبرة الناس اللى هنا
الموضع بتاعى اهو للى عايز ياخد فكرة كاملة .
http://www.nilemotors.net/Nile/304220-a.html
الموضوع انى قررت اظبط تكيف العربية و غيرت كل حاجة ماعدا الكمبريسور و التلاجة .
مشكلتى كلها فى التسريب .
طلعنا الكمبريسور و كبسناة لوحدة فى جردل مية طلع مش بيسرب . بس العداد بيقل شرطة او شرطة و نص و يثبت على دة .و عملها مرة واحدة بس .
فالراجل قالى انو كويس و ان العيب هيكون فى التلاجة .
المشكلة اللى فى الاوبل ان مفيش حد بيحب بيحب يفك الطابلوة بتاعها عشان رخم .
فبكدة قدامنا حلين :
التلاجة دى عبارة عن كويل + سربنتينة . اللى بيبوظ هو السربتينة . التلاجة مكانها ورا الكاسيت من اليمين . و التلاجة بتبقى محطوطة فى صندوق فبر .
1- اللى بيحصل - المفروض - انك بتفك الطابلوة و بتلاقيها ادامك . تقوم فاتح الصندوق من قدام . و تشيل و تغير و شكراااا
2- نظرا لان طابلوة الاوبل زى مقولنا مقرف .بيقوم عامل العملية دى من ورا الصندوق يعنى بدل ميفتح الصندوق الفبر من قدام هيقطعو من ورة و يسحب السربنتينة و يركب الجديدة . من خلال الصدر بتاع العربية- تحت الفلتر تقريبا . مش هيقطع اى حاجة فى الصاج و بعدين يلحم الصندوق الفبر بالشمع و شكراااااااااا ..
فى كلتا الحالتين عايزين حد محترف و فاهم . اية رئيكو فى الكلام دة و مين اللى يقدر الواحد يكون مطمنلو و هو شغال فى العربية ؟؟
المفضلات