ارجو الافادة بخصوص بربيز للياريس

**mohamedkandel** · 22-08-2012 06:54 PM

البربيز الاصلي انكسر (الحمد لله علي كل حاجه) سألت في التوكيل قالولي هيتكلف 2850ج رقم وهمي طبعا .... سألت محل قالي فيه د/جريش ب 350ج وفيه الاصلي استيراد ب 550ج سألت 3 محلات اخري قالوا عندهم أمان ب 350ج وجريش ب 350ج ومفيش حاجه اسمها الاصلي فاحترت قوي ياتري ايه الصح ولو مفيش الاصلي يبقي جريش ولا امان ايهم افضل؟

**mohamedkandel** · 23-08-2012 02:54 PM

مفيش اي حد عنده معلومه عن انواع البربيز اللي ذكرتها لاني هركب يوم الاحد ان شاء الله ومحتاج النصيحه منكم

**Y a r i s** · 23-08-2012 03:06 PM

عيب عليك ياباشا
ده انتا جيت لدار الافتى التويوتاويه ههههههه
بص ياباشا انا سئلت في التوكيل عن البرفريز الامامي لليارس قالولي ١٢٥٠ جنية
لكن المبلغ الي بتقول عليه حضرتك معناها انهم هيغيرولك البرواز والربل ومصنعية تركيب والى اخره
وعند العالمية بره كمان برفريز تويوتا بنفس السعر

وسئلت عند دكتور خالد قالولي في قزاز اتحاد اوروبي ب ٧٥٠ جنيه

وانا نفس الحكاية محتار اخود انهو اجيب ابو ٣٥٠ جنيه وخلاص ولا الغالي تمنو فيه
انا عندي متكسرش بس متخربش ومتجرح ومرمل كده لو في عربية مولعه النور في وشي تبص تلاقي النور بتاعوا زغلل برفريزي. علشان كده بفكر اغيروا ومحتار
اركب الرخيص وخلاص ولا هلاقي بعد شهر شهرين. سلطن القزاز وبقع ورمل كده

**Y a r i s** · 23-08-2012 03:24 PM

المشاركة الأصلية كتبت بواسطة mohamedkandel

تسلم ياباشا علي الرد ..... انا اخدت رأي ناس بتأجر عربيات كتير وقالولي انهم علي طول بيغيروا لجريش وحمايا غير الاصلي اللي كان في الالنترا بعد ما اتكسر لجريش وبقالوه سنه ونص ومفيش مشكله لكن انا احترت لما لقيت محل بيقولي عندي الاصلي ب 550ج قريب من تمن جريش فهل دي خديعه ولا صح الله اعلم

حبيب قلبي يا باشا
لا والله معتقدش ان ده الاصلي. لاني سئلت عند العالمية في شارع دمشق. قالي ب ١٢٥٠ جنيه
انتا عارف ايه الي ممخول الواحد ان شبابيك اليارس وزوجاجها. معالج ضدد. الاشعه الفوق بنفسجية
يعني فيه عازل للحرارة حتى تلاقيه لونوا مخضر كده شوية مش شفاف
وفي نفس الوقت تخاف تدفع ١٢٥٠ جنيه وتجيب الاصلي وتيجي يادوبك تمشي فيه خطوتين على الدائري ولا المحور تلاقي زلطة زوغنططة كده تيجي. وتقوم شرخهولك بمنتهى البساطة .... ولا عيل من بتوع الشوارع ماسك في ايديه فوطة زفرة ( سنفرررررررة ). سنفرة ياريس مش فوطة ويجي يكحتلك القزاز تاني ويبقى ياريتك يا ابو زيد ما غزيت
بس مش عارف انا قولت خير الامور الوسط وبفكر قدام شوية اجيب القزاز ابو ٧٥٠ جنية الي هو اتحاد اوروبي انا محتار زيي زييك