سؤالين عن الانسر واحد بخصوص ضبط العجل والتانى بخصوص التكيف

**limo** · 28-06-2008 10:23 PM

يا جماعه انا عندى سؤالين عايز اخذ رايكم فيهم
الاول بخصوص ضبط الكاوتش وهوه انى روحت لواحد بتاع كاوتش علشان اضبط هواء للعجل لقى ان ضغط العجل عالى وقالى كده
طبعا انا بضبطه على 28 بالمقياس الى بيجى مع الانسر الخليجى وقولت ليه الكلام ده
قالى ورينى المقاس ده وجبتهوله وقالى انت المفروض تظبط المقاس على 2.1 مش 2.8
المهم الراجل ضبط الكاوتش كله على 2.1 بمقياس الانسر الى بينزل مع الخليجى
الملاحظ بعد ما الراجل ضبط الكاوتش على 2.1 :-
ان العفشه نعمت شويه - الباور خف عن الاول كتير - العربيه ثبتها بقى افضل كتير
فهل فعلا المفروض ان كاوتش الانسر يتضبط على 2.1 مش 2.8 ؟؟؟
على فكره انا عندى جنوط سبور 15 الاصليه بتات العربيه

السؤال التانى وهوه بخصوص زرار الريسكل الموجود على تحت بكر التكيف اول زرار من ناحيه اليمين

واحد صحبى نصحنى انى اسيب الزرار شغال علطول سواء التكيف شغال او مطفى علشان الفلتر ميتسددش
عايز اعرف رايكم فى النصيحه ده ؟؟؟
الف شكر لرجاله المتسوبيشى :)

**Ramy.Gamal** · 29-06-2008 06:01 AM

موضوع زرار تدوير الهواء داخليا هما فى التوكيل كذا مرة يقولولى خليه منور دائما وابدا صيف وشتاء سواء مهندسين او حتى العمال

**elpasha009** · 29-06-2008 09:20 AM

فعلا يافندم المفروض يبقى على 2.1 لأن وحدة القياس مختلفة.2.1 تعادل ال30 اللي مكتوبة على القايم بتاع السواق.

**Dr Ahmed** · 29-06-2008 09:30 AM

2.1 على العجل الأمامى
و 1.8 على العجل الخلفى
أو كما هو مكتوب عندك جايز مختلف عن ال 1300 اللى عندى

مفتاح الريسايكل لازم تقفله وتفتحه علشان تجدد الهوا اللى بداخل العربية
أنا بشغله بعد دقائق من تشغيل التكييف أو لو فيه أدخنة وأتربة أو روائح سيئة فى الخارج

**alaraby** · 29-06-2008 02:49 PM

بالنسبة لموضوع ضغط اطارات اللانسر كنت عاوز الفت نظركم لهذا الموضوع عن تجربة شخصية انا استلامت العربية 08/6/ 12 السيارة GLX 1600 اماراتى2008 مانيوال بضمان الرواس حبيت اشيك على الضغط بصباع قياس كنت مستلمه مع العربيه لقيت الضغط فى الاطارات (3.1kg/cm2)=(44psi) شكيت فى الصباع فشيكت على عربية واحد صاحبى لسه بضبط ضغط لقيت الصباع مضبوط .فرحت لمحطة خدمة وطلبت قياس الضغط فعلا وجدته زى ما كنت قيسه فطلبت ظبط الضغط طبقا للمنيوال بقيمة (2.1kg/cm2)=(30psi) لجميع الاطارات وللجنط 15 والتعليمات الخاصة بالضغط جنب القائم بتاع السائق وفرقت معاية جدا فى نوعمية العفشة و سالت ليه الضغط كان عالى قالوا عاملين حساب الركنة اثناء الشحن ووقت النقل.

**Ramy.Gamal** · 30-06-2008 03:37 AM

زى ما قولت ان فى التوكيل بيقولوا لازم زر تدوير الهواء داخليا يبقى منور دائما وابدا الا اذا كان هناك شخص مدخن والتكييف شغال لا بد من ان يكون مغلق حتى لا تمسك رائحه السجائر فى التكييف ويبعث التكييف بعد ذلك رائحه السجائر

**Dr Ahmed** · 30-06-2008 10:06 AM

بص يا استاذ رامى
الكلام ده من الكتالوج صفحة 5 - 9

تنبيه:
عادة قم باستخدام وضع ادخال الهواء الخارجى لحفظ الزجاج الامامى والنوافذ واضحة ولازالة الضباب بسرعة من الزجاج الامامى
اذا اردت الحصول على تاثير تبريد قوى او لو كان الهواء الخارجى ملوثا او مختلطا بغبار اضبط مفتاح اختيار الهواء على وضع تدوير الهواء
قم بالتحويل الى وضع الهواء الخارجى على فترات دورية منتظمة لزيادة التهوية بحيث لا يغشى الضباب النوافذ
استعمال وضع تدوير الهواء لفترة طويلة يمكن ان يؤدى الى تكون الضباب على النوافذ