الموضوع: أجيب منين عفشة استيراد للادا سمارة

موضوع التزييق دة ممكن يكون من قلب المساعد او ممكن تكون البطاحة عاوزة تتشحم بس
جرب تشحم البطاحة بنفسك وشوف النتيجة
ولو محتاج تغير المساعدين عندى جوز بالسوست بالبطاحة كنت شاريهم استيراد ومركبوش لان العربية اتخبطت وبعتها

المشاركة الأصلية كتبت بواسطة velkouf

موضوع التزييق دة ممكن يكون من قلب المساعد او ممكن تكون البطاحة عاوزة تتشحم بس
جرب تشحم البطاحة بنفسك وشوف النتيجة
ولو محتاج تغير المساعدين عندى جوز بالسوست بالبطاحة كنت شاريهم استيراد ومركبوش لان العربية اتخبطت وبعتها

جزاك الله خيرًا أخي الكريم على الرد أنا قبل ما أعمل حاجة هروح للعفشجي بتاعي وهو يقول لي إيه الموضوع... محسوبك حلو وتمام أوي في الميكانيكا... لكن في العفشة والكهرباء مش أد كده
بس أنا لي استفسار مهم وياريت صور... يعني إيه قلب مساعد... انا إللي أعرفه في العربيات إللي ركبتها قبل كده أن لو المساعد فيه حاجة بأغيره... ومسمعتش عن موضوع قلب المساعد ده... أفهم من كده أن المساعد ذاته بيتصلح وأجيب له قلب ويبقى تمام التمام.... لأني أنا فعلاً عايز ألم التكلفة وفي نفس الوقت عايز أحس بالفرق ونعومة العربية وهي ماشية خصوصًا أني ساكن في منطقة مدغدغة جدًاااا ومترحمش أجدها عفشة

فية مساعدين بتتفك شبة منفاخ العجلة بالظبط هى دى اللى ممكن تتصلح ويتغيرلها قلب بس بيبقى عمرها الافتراضى اقل وتحملها فى المطبات اقل
بس كل دة لو البستم الداخلى بتاع المساعد سليم لو متجرح او فية حاجة مينفعش تغيرلها قلب لان الزيت هيهرب وكأنك معملتش حاجة
بالتوفيق

رحت عند العفشجي وقال لي المساعدين مافيهاش حاجة هي بس الجلب عايزة تتفك وتتغسل وتتشحم كويس جدااااا والتزيئة إللي ورا بسبب أن الياي خارج بمقدار قليل جداااا.. فبيحك في حاجة تخليه يعمل صوت خشونة... وبرده لما يشتغل في العفشة هيقول لي تفاصيل أكثر... وهبقى أتابع معاكم إيه الأخبار.. خصوصًا أن العفشجي ده بيني وبينه صداقة وأمين في شغله... بس مشكلته أنه بطئ وبيشتغل على الهادي.... بس بيطلع شغل جاااااااااااااااامد جداااااااا