أحذرررررر....أحدث طرق النصب في مصر

بدون افتراض سوء النية والله أعلم ولكن وجب التنبيه

صادفت اليوم صباحاً شاب ذو لحية خفيفة بداخل سيارته هيونداى أكسنت وكان يشاورلى فافترضت انه محتاج يسأل عن مكان ولكن فاجأني بقول آخر! أنه أتى من سفر ومعهوش فلوس والبنزين هيخلص وعاوز فلوس!! :dots: أنا متعود عالموقف ده لكن جديدة أوووووووووووووووووووووووو وووووووووووووى أنه يكون من شاب بسيارة!! ........سبته ومشيت


العصر ودى بقا الصدفة العجيبة وفمكان تانى خاااالص فمدينة نصر فوجئت بواحد بيوجه بوز العربية عليا وانا بعدى الشارع وبيشاورلى بعنيه كأنو واحد صاحبي ولسخرية القدر ببص أوى لقيتو نفس الشاب ونفس الأكسنت وبيطلب منى فلوس وطبعاً كان واضح تماماً أنه مش فاكرنى ففكرتو انى لسه شايفو الصبح!! فقالى أعمل ايه أصلى بتصل بالشركة بتاعتى ومبيردوش عليا المرة دى بقا ركزت معاه وبصيت عالنمر وطبعاً طلعت زى متوقعت ملاكى القاهرة 194 مش فاكر الباقي......يعنى انا مش قادر اتصور انه بيلف طول اليوم من الصبح للعصر وواضح ان مهنة النصب فمصر فطريقها لجايزة نوبل بعد التطوير العظيم اللى حصل ده......ايه رأيكم وهل حد صادف الموقف ده قبل كده شاب بعربية!!! جديدددددددددددددددة :boxing_smiley:

:confused4:

الشعب كله بيشحت ...

ياااه الموقف دة حصل معاية اكثر من مرة يقولك بعد اذنك انا اسف جدا بس العربية بتعتي خلصت بنزين و مشواري بعيد و عايز 8 جنية و نص ( اه والله نفس الرقم دة اتكرر اكثر من مرة و كل مرة حد مختلف ) ويقولك لو عايز البطاقة ضمان خليها معاك اول مرة اخدتها بحسن نية بعد كدة بقيت اقول خلاص ماشي سيبلي البطاقة بيروح سايبني و ماشي !!! ربنا يهدي

لا حول ولا قوة إلا بالله ..
إيه النفوس الزباله العالم بقت بقت مؤرفه
أنا واحد طلعلي من تحت الأرض أنا وصاحبي قبل العيد الكبير اللي فات شاب شحط محط طويل يقولي بعد إذنك قلتله أفندم قالي أنا والدي أتوفى (حتى مقالش توفى أو توفاه الله) ووالدتي بتجيب لبس لأخواتي وأنا عاوز أجيب لبس أعيد بيه قسم بالله الشتيمه على طرف لساني وسبحان اللي سكتني ...راح صاحبي قاله أصل معناش فلوس ولسه حنروح البنك عشان نسحب قاله ماشي أجي معاكو صاحبي قاله أصل البنك بعيد مش حينفع لاقيته لسه حيتكلم هبيت فيه قلتله خلي عندك دم الراجل بيزحلق فيك أفهم بقى ...
بجد حاجه تشل وتعل .

اقتباس:

---

المشاركة الأصلية كتبت بواسطة osmana

ياااه الموقف دة حصل معاية اكثر من مرة يقولك بعد اذنك انا اسف جدا بس العربية بتعتي خلصت بنزين و مشواري بعيد و عايز 8 جنية و نص ( اه والله نفس الرقم دة اتكرر اكثر من مرة و كل مرة حد مختلف ) ويقولك لو عايز البطاقة ضمان خليها معاك اول مرة اخدتها بحسن نية بعد كدة بقيت اقول خلاص ماشي سيبلي البطاقة بيروح سايبني و ماشي !!! ربنا يهدي

---

بجد فكرة جامدة جدا .....
بس ياتري الواحد يعملها بعربية أكسنت أحسن ولا إسبرانزا أشيك وتجيب أكتر ... وتقول .. ياجماعة انا لسة جاي من التوكيل وخدوا كل فلوسي وعاوز أروح بلدنا ,, وعايز 25 جنية بس افول 92!!!!!!!!!!!!!

الموضوع ده حصلي من 4 سنين تقريباً بس الصدفه لعبت دورها هوه فعلاً واحد نزل من عربيه جولف 1 متظبطه كده و قالي انا من الجيزه و بتاع ال عربيه جتبطل علي بنزين و عايز فلوس كان في موبيل جنبنا المهم قولتلوا مش حضرتك عايز بنزين ممكن نخش سوه البنزينه و احطلك خمسه لتر فبصلي كده و قالي مينفعش و بتاع قولتله هوه ده اللي عندي فمعجبوش الكلام و مشي

اقتباس:

---

المشاركة الأصلية كتبت بواسطة mytutor2008

بجد فكرة جامدة جدا .....
بس ياتري الواحد يعملها بعربية أكسنت أحسن ولا إسبرانزا أشيك وتجيب أكتر ... وتقول .. ياجماعة انا لسة جاي من التوكيل وخدوا كل فلوسي وعاوز أروح بلدنا ,, وعايز 25 جنية بس افول 92!!!!!!!!!!!!!

---

ههههههههههه 25 جنية ويصطاد 2 طيبين يعني 50 جنية في اليوم 1500 جنية في الشهر زي الفل لا شغل ولا بهدلة واللي يحرق الدم ان شكلهم ولاد ناس و عليهم اسلوب في الكلام يصعب عليك يعني دة في اي سيلز هيبقو تمام بس هي عملية استسهال ونصب وماشاء الله الناس الطيبين عندنا كتير اوي ربنا يهدي الجميع

اقتباس:

---

المشاركة الأصلية كتبت بواسطة osmana

ههههههههههه 25 جنية ويصطاد 2 طيبين يعني 50 جنية في اليوم 1500 جنية في الشهر زي الفل لا شغل ولا بهدلة واللي يحرق الدم ان شكلهم ولاد ناس و عليهم اسلوب في الكلام يصعب عليك يعني دة في اي سيلز هيبقو تمام بس هي عملية استسهال ونصب وماشاء الله الناس الطيبين عندنا كتير اوي ربنا يهدي الجميع

---

حاجة تحرق الدم فعلاً...أنا نفسي اقابله تالت مرة بقا :chris:

تصدقو ان الموقف ده حصل معايا في جده في السعودية من 15 سنة تقريبا .... واحد سعودي راكب سيارة امريكاني فاخرة ..... وقاللي انه من المدينة وفلوسه اتسرقت وعاوز فلوس يحط بنزين للسيارة عشان يروح .... والغريب اني صدقته واديته ... يمكن اتعاطفت معاه لما قاللي من المدينة ( وهو قاصد كده عشان عارف ان المصريين بيحبو اهل المدينة ) .... واهل المدينة ناس محترمين وطيبين جدا

انا اول مرة اسمع انه بقى طريقة النصب دى بقت بالعربية , الناس كلها بقت بتشحت

انا مشكلتى انى ساعات بدى للناس لأنه بيصعب عليا وبحس انه صادق وحرام اسيبه فى الموقف ده بس بعدها باكتشف

المشكلة الواحد خايف يكون فيه حد محتاج فعلا واقلبه

اقتباس:

---

المشاركة الأصلية كتبت بواسطة aif

تصدقو ان الموقف ده حصل معايا في جده في السعودية من 15 سنة تقريبا .... واحد سعودي راكب سيارة امريكاني فاخرة ..... وقاللي انه من المدينة وفلوسه اتسرقت وعاوز فلوس يحط بنزين للسيارة عشان يروح .... والغريب اني صدقته واديته ... يمكن اتعاطفت معاه لما قاللي من المدينة ( وهو قاصد كده عشان عارف ان المصريين بيحبو اهل المدينة ) .... واهل المدينة ناس محترمين وطيبين جدا

---

هذا الموقف حدث معى ايضا صورة طبق الاصل مع نوعية اخرى للسيارة ولكن بدون تفاخر لم اعطية لاننى علمت بطرق النصب من الكثيرين وبأشكال مختلفة
وان كان لى عتاب على صاحب الموضوع بأنه بدأ بأن النصاب ذو لحية وهذا شىء ممكن ان يؤخذ عليه ، لان اللحية من علامات المتدينين سواء المسلمين او القساوسة 000 فلا داعى للتشبيهات حتى لانقع فى المحظور وحتى لايأتى علينا احد الاخوة ويقول انه كان يلبس صليب او طاقية يهودية 000000 الخ مع الشكر 000 للنية الحسنة

طبعا انا مع حضراتكم في ضرورة التنبه قبل الوقوع في شرك النصب ...بس لازم نحط امام أعيننا قوله تعالى"و أما السائل فلا تنهر" ....وبعد ذللك الأعمال بالنيات يعني انا لو عملت خير و سواء صادف أهله أم لم يصادف فأن أجرك و ثوابك على الله ..وربنا يجعل أعمالنا خالصة لوجه الكريم و يرزقنا الصدق ......آمييييييين

اقتباس:

---

المشاركة الأصلية كتبت بواسطة mshamy

طبعا انا مع حضراتكم في ضرورة التنبه قبل الوقوع في شرك النصب ...بس لازم نحط امام أعيننا قوله تعالى"و أما السائل فلا تنهر" ....وبعد ذللك الأعمال بالنيات يعني انا لو عملت خير و سواء صادف أهله أم لم يصادف فأن أجرك و ثوابك على الله ..وربنا يجعل أعمالنا خالصة لوجه الكريم و يرزقنا الصدق ......آمييييييين

---

انا مع حضرتك طبعا بس لما يتكرر نفس الموقف بنفس الكلام بنفس الرقم المطلوب بيكون الشعور مختلف تماما

بس المفروض الواحد عنده احساس اذا كان اللي قدامك نصاب ولا صادق

احيانا بتكون في ناس صادقه

هاحكيلكوا على قصه حصلت من حوال 8 او 9 سنين وانا في الجامعه:

انا واحده كانت زميلتي في الكليه اتسرقت شنطتها وهي راكبه المترو(اتنشلت منها وهي مش واخده بالها حاطاها جانبيها ع الكرسي)غفلت ..ونامت.. فاتسرقت

ولما وصلت للمحطه بتاعتها... اكتشفت ان الشنطه مش موجوده..
وجواها التذكره.. والمحفظه وكل حاجه.. والبطاقه..والموبايل..

طبعا عايزه تخرج من ماكينات العبور... وماعهاش تذكره..

حبت تعدي ورا اي بنت...
العسكري مسكها
دخلوها مكتب الامن..

بطاقتك فين؟
فين التذكره؟
غرامه؟

تقوله انا طالبه في كلية صيدله..وبابا مهندس وماما دكتوره.
يقولولها طب فين كارنيه الكليه
فين البطاقه؟
مفيش اثبات شخصيه ولا تذكره ولا اي حاجه

طبعا ماعهاش اي حاجه
وهي بتعيط..

قالتلهم ممكن اكلم بابا في البيت.. ؟
الضابط: انتي فاكره نفسك في النادي؟
انتي هاتتحولي ع النيابه يا شاطره...؟%$&^^$^&$


طبعا الضابط ( ربنا ياخده) قعد يغلس عليها
ويهزأها ويبهدلها..

في الاخر (بعد وقت طويل)واحده ست... جارتهم.. كانت نازله من المترو.. شافتها في غرفة الامن.. ودخلت دفعتلها الغرامه..

وخرجوا


يعني ساعات ممكن حد فعلا بيكون صادق
وانت و احساسك وفراستك

يَحْسَبُهُمُ الْجَاهِلُ أَغْنِيَاء مِنَ التَّعَفُّفِ ......صدق الله العظيم

لا تعليق

===========
تنبيه مشدد للعضو بتحري الدقة في كتابة آيات القرأن
وشكرا

الإشراف

انا حصلت معايا من حوالي 5 سنين
شاب من سننا بتاع 25 سنه لو سمحت انا من الهرم وكنت جاي هنا (مدينه نصر ) عشان ادور علي شغل وماما كانت مدياني 5 جنيه عشان الموصلات ووقعت مني وانا مش نصاب صدقني ومش معايا فلوس والله اروح وتقريبا في الوقت ده عشان يركب ميكروباص لرمسيس ومن رمسيس للهرم تقريبا 1.5 او2 جنيه المهم اديتله 3 جنيه تقريبا وسبته ومشيت زكملت مشوراي كنت رايح لصحابي و وقفت مع صحابي ومستنين واحد صاحبنا جه وركن ولسه بينزل من العربيه والاقي الواد ده داخل عليه رحت رايح ولقيت محمد ده بيمد ايده في جيبه لرحت ماسكها وبقله في ايه صاحب قالي لا مفيش استنا انا جايلكم قلتله هو قالك عل الفلم قالي فيه ايه ياكابتن قلتله انا لسه مديك 3 جنيه ودول يروحك الهرم ونزلت فيه انا وصحابي شتيمه وبهدله ومسيبتوش غير لما خدت منه فلوسي

اقتباس:

---

يَحْسَبُهُمُ الْجَاهِلُ أَغْنِيَاء مِنَ التَّعَفُّفِ ......صدق الله العظيم

لا تعليق

---

حضرتك جبت من الأخر الله ينور عليك
فعلا اللي بيتعفف هو ده الأكثر إحتياجا بس بيتعفف غير بقى اللي مقضيها يعمل ثروات من الناس في الشوارع وبجح كده تحس فيه بجاحه منه وهو بيطلب ..

اقتباس:

---

المشاركة الأصلية كتبت بواسطة aif

تصدقو ان الموقف ده حصل معايا في جده في السعودية من 15 سنة تقريبا .... واحد سعودي راكب سيارة امريكاني فاخرة ..... وقاللي انه من المدينة وفلوسه اتسرقت وعاوز فلوس يحط بنزين للسيارة عشان يروح .... والغريب اني صدقته واديته ... يمكن اتعاطفت معاه لما قاللي من المدينة ( وهو قاصد كده عشان عارف ان المصريين بيحبو اهل المدينة ) .... واهل المدينة ناس محترمين وطيبين جدا

---

لا حول ولا قوة إلا بالله حتى السعودية!!! :wheelchair:

بتحصل كتير
حصل مع واحد صحبي نفس الموضوع بس بشكل مختلف
كان حوالي الساعة واحد مساءا ياعني في وقت متأخر ادام مستشفى الجامعة ولقى واحد واقفله بعربية فيرنا جديدة وقالة معلشي ممكن اقرب سنترال علشان اتكلم فيه علشان اخنتى في المستشفى في حادث وعايز اتصل على البيت والموبيل بتاعي فصل شحن
وطبعا مكنشي في سنترال فاتح
فراح مديلة الموبيل يتكلم منه ((((وكان لسه جايبو N73))) ويادوب الواد كتب الرقم على الموبيل وحطة على ودانة وراح جااااااااااري بالعربية
وطبعا كان فاكك النمر الخلفية علشان ميلحقشي ياخد الرقم
وبعدين الموبيل اتقفل على طول وراح الموبيل نتيجة عمل انساني مع نصاب محترف
خالوووووووووو بالكو من تكرار الموقف

اللي يعيش ياما يشوف

انا واحد صاحبى قابله واحد عاوز يروح البلد بتاعته وعاوز ثمن التزكره صاحبى قاله مدير المحطه قريبى تعالى وهو حيركبك اى قطار انت عاوزة الراجل راح سايبه وماشى
ومره وانا ضغير اتسرقت فى ميدان التحرير وكانت تذكره الأوتوبيس ب 5 قروش
والله اتكسفت أطلب من حد 5 قروش وكان ممكن أقول للكمسارى أنا فلوسى اتسرقت ماكنش حيقولى حاجه
بس نفسى ما طاوعتنيش ورحت مشى من التحرير الى امبابه

انا بقى حصل معايا العكس
كنت على الدائري وبكلم واحد صاحبي ولسه حعرف انزل المعادي اروحله ولا ارجع بيتي الهرم هوب موبايلي فصل خالص ومفتحش تجننت ومعرفتش اعمل ايه ووقفت على الدائري في حته مفيهاش عربيات خالص والله لقيت عربيه جت وقفت قدامي وصاحب العربيه بيتكلم في الموبايل ترددت كتير قوي بس قولت اتجرأ وانزل لاني فعلا كنت مضطر جدا
روحتله خبط علي ازاز عربيته بعد ماخلص المكالمه المهم قولتله حضرتك عندك شاحن نوكيا عايز اشحن دقيقه بس افتح موبايلي اتكلم منه ضروري قالي ماشي اتفضل اقعد ولسه حاشحن لقيته شاحن نوكيا رفيع وانا شاحن كبير اتكسفت اوي اوي وقولتله معلش واسف اكتر ممكن دقيقه ضروري والله وفعلا كلمت صاحبي وقالي روح في الاخر
بصو بجد ماجاش في دماغي انه يفتكرني نصاب او حرامي او اني عايز اسرقه ولا اسرق عربيته لاني ساعتها كنت مزنوق في المكالمه وفعلا معرفش ازاي هو تقبل الموقف بكل شياكه وذوق
انا عارف ان اللي عملته ده غلط وميصحش لانه اكيد حيتشك فيا بس كنت مضطر ومفكرتش في كده غير بعديها
(تخيلو اني قعدت اعض في البطاريه بسناني وبوظت شكلها خالص ومفيش فايده برضو :) )

مقولكوش وانا قاعد فالمحل بيعدي عليا كام واحد من العينة دي
واخرها من 3 او 4 ايام راجل كبير شكله محترم جدا ولابس جلابية بيضاء وشكلها حريرمن الغالية ومعاه ست كبيرة فالسن شكلها امه تقريبا ودخل المحل
سلاموا عليكوا معلش احنا من المنصورة وجيت ادور علي اخويا بيشتغل بواب بقالنا يومين بندور عليه وفلوسنا خلصت وبنلم عشان نروح وعالحاااااااااااااااااااا اااااال ده
لدرجة انى بقيت بشم ريحتهم واضحك لما اسمع الجمل دي واقول فعقلي خش عليا يلا بقصة جديدة

عصابه شحاتين قتلت أحد أفرادها لأنه إمتنع عن إعطاؤهم ال 500 جنيه اليوميه وضرب على الفلوس
احنا اللى بنساهم فى انتشار الظاهره بإعطاء الناس دى فلوس

فى برضه حاجة تانيه حصلت مع ابن اختى فى مدينه 6 اكتوبر
واحده ست راكبه عربيه اوبترا اخر موديل و فى منتهى الشياكة و قفته و هى فى العربيه و قالتوله معلش انا تايهه و مش عارفه اوصل لطريق ناس جايه ازروهم و محتاجه اعمل دقيقه من المحمول و طبعا هو اديهلها علشان تكلم قريابها و شكرا خدت الموبايل و مشيت بالعربيه بسرعة
و طبعا هو واقف مزهول من الى حصل و كان هيتعقد نفسيا لانه لسه فى اولى ثانوى و معرفش يتصرف الزاى
و هناك العديد من المواقف التى تجعل الانسان متضايق بشدة مما وصل اليه حال الناس و شغل الفهلاوه و النصب