السلام عليكم ورحمه الله وبركاته
حد يعرف فين كتاوت المارش في الفيكترا بي؟؟
المارش عندي بيفصل احيانا الصبح بعد ثانيه كده من محاوله الدواره وطبعا الموتور مش بيلحق يلقط
شاكك في كتاوت المارش واوتوماتيك المارش بس عاوز ابدا بالاسهل .
عرض للطباعة
السلام عليكم ورحمه الله وبركاته
حد يعرف فين كتاوت المارش في الفيكترا بي؟؟
المارش عندي بيفصل احيانا الصبح بعد ثانيه كده من محاوله الدواره وطبعا الموتور مش بيلحق يلقط
شاكك في كتاوت المارش واوتوماتيك المارش بس عاوز ابدا بالاسهل .
بص ياباشا
حصل معايا الاسبوع اللى فات الاتى
العربية اساسا مش كانت بتلقط مارش خالص وكان لازم تدور من وصلة بطارية من عربية تانية
رحت لكهربائى قالى اركبلك كتاوت للمارش ومن ساعتها بصراحة مقابلتش المشكلة دى بس الصبح لما اجى ادور العربية بتغييب شوية وتلقط على طول
اول مرة اعرف ان للمارش كتاوت راكبة فيه من الاول
في عربيات المارش بتاعها من الكونتاكت علطول من غير كتاوت
الفكره اني مش متاكد هو موجود في الفيكترا ولا لا؟
معني كلامك ان مفيش ؟
المشكله اني دورت علي جوجل عن vectra starter relay لقيته !!! بس مش عارف فين يكون؟
مارش الفيكترا فيه اتوماتيك
و غالباً مش بيبوظ
اللى عندك جلب او ترس الحدافه القاعده البلاستيك مكسورة
و لو الصح و لقيته هيتكلف
شيل و هات واحد استيراد ب 180 جنيه
السلام عليكم
هو المرش لو مبتعملوش صيانه كل ٢٠ الف هتحصل مشاكل مارش الفيكترا بى داخلو حاجه بيسموها المجموعه الشمسيه وهى شوية تروس فبر على الامونيا ولاازم تتشحم من وقت للتانى بس دى اعراضها المرش بيفوت يعنى تسمعو بيلف بس العربيه متدورش لكن بالنسبه للكتاوت هو المرش عليه دايرة كهربا فيها مقاومات لو حصل وضعفت بتركب كتاوت خارجى بيعمل نفس العمل بس حاول تجيب كتاوت نوع محترم جرب كده وبلغنا وان شاء الله خير
لو المجموعه فيها مشكله يبقى زى ما وضح طنانى باشا غير مرش متصلحوش
المرش استيراد ب 225 , و مكانو ورا الماتور ,, انا عندى كان مفكوك مكانش راضى يدور العربية .
مفتاح و اتربط و انسىى ..بس فى صوت فيحتاج صيانة .
وعليكم السلام ورحمه الله وبركاته
العربيه معايا من 5 سنين تقريبا غيرتلها ترس البندكس او الحدافه من 3 سنين ب65ج وكانت اعراضه زي حضرتك مابتقول صوت المارش بيدور انما مفيش لقط ,انما المشكله دلوقتي مختلفه تماما اول ماادور الموتور اسمع صوت (تك) واحس ان المارش فصل وطبعا الموتور مايلحقش يدور لازم احاول اكتر من مره واسند بنزين علشان اساعد الموتور..الغريب بقي ان المشكله دي بتحصل مره كل 15 مره . البطاريه جديده زيرو والارضي تمام ,
متهيالي لو مشكله ميكانيكيه خاصه بترس او بسكوته كانت ظهرت علطول ,احساسي انها مشكله كهربيه ,ايه راي حضرتك؟؟
ان شاء الله هروح لكهربائي يفكه ويغسله بالبنزين ويشوف اللازم يعمله لان المارش مليان مكونات فحم شربون-سوست-جلب-مخدات-موبينه.
متابع.....
انت كده بتتكلم فى جلب المارش
اعملهم نحاس عند الخراط و نضف المارش كويس قوى