السلام عليكم
ليه أصحاب محلات البطاريات بياخدوا البطاريات القديمة بيعملوا بيها إيه أكيد طبعا بيكسب فيها تانى
طيب أصحاب محلات الكاوتش بياخدوا الكاوتش القديم ؟
يعنى هل فيه استخدام آخر للكاوتش بعد نفاذه ؟
عرض للطباعة
السلام عليكم
ليه أصحاب محلات البطاريات بياخدوا البطاريات القديمة بيعملوا بيها إيه أكيد طبعا بيكسب فيها تانى
طيب أصحاب محلات الكاوتش بياخدوا الكاوتش القديم ؟
يعنى هل فيه استخدام آخر للكاوتش بعد نفاذه ؟
اعادة تدوير للمنتجات
يعنى البطارية علشان الرصاص اللى فيها
الكاوتش علشان البلاستيك والاهم علشان الاسلاك ( الواير الحديد )
البطاريات اعادة تصنيع والكاوتش لو كويس بيتبع لزبون على ادى حالة والبايظ بيتاخد منة السلك
بس انا مشوفتش بتاع كاوتش بيشتريه من الزبون إلا لو كان حالته كويسه جدا وبيغير علشان جنوط مقاسها مختلف ولا حاجه
بس على العموم الكاوتش القديم بينفع وليه استخدامات كتير
ممكن يركب فى العربيات التعبانة والتاكسيات المبهدلة
بيركبوه للعربجية والعربيات اللى بحمار للفلاحين ومكن المياه اللى بيمشى زى العربية وباقى المعدات الزراعية اللى بتمشى بكاوتش
بيسيحوه وبيعملوه بلاك وبيتحط على اسطح المنازل واساسات البيوت كنوع من العوازل
بص يا سيدي المفروض ان دا يحصل بس دا في اوروبا والدول المتقدمة
هههههههههههههههههههه
البطاريات والكاوتش من مواد قابلة لاعادة التدوير
بمعنى اخر البطارية بتتفتح ويتم تغيير الواح الرصاص بتاعتها ويتظبط فرق الجهد بتاعها وترجع بطارية جديدة من اول وجديد وتقوم بوظيفتها تاني
والكاوتش كذلك بيتحط على مكن يشيل طبقة من الكاوتش يمسح الرسمة بتاعته خالص وبعدين بيتعرض لدرجة حرارة عالية عشان عملية اعادة البلمرة مرة تانية وبيتم تطعيمة بكاوتش خام ومن ثم بيتم اعادة الرسمة بتاعة الكاوتش وهو سخن ومن ثم يبرد ويرجع كاوتش جديد تاني
المواد دي المفروض انها بتحمل علامة اعادة التدوير وبيكون سعرها اقل من المواد الجديدة فعليا اللي متمش اعادة تدويرها رغم انها بتقوم بنفس الوظيفة تماما
هنا في مصر بقا هو بيدي البطاريات للشركة تاخدها منه وتعمل فيها الكلام دا اما الكاوتش فهو بيلعب على الزباين اللي عاوزة تقضي الغرض وعاوز اي فردة كاوتش تمشيه وخلاص!
وادي الخلاصة يا ريس :d